Heilbrigðismál - 01.07.2007, Blaðsíða 28

ELSTIR ALLRA
KARLA í HEIMI
OG KONURNAR
í FIMMTA SÆTI
Islenskir karlar eru í fyrsta
sæti í heiminum hvað varðar
ævilengd, samkvæmt nýjustu
tölum Hagstofunnar. Þeir geta
vænst þess að lifa I 79,4 ár.
Karlar í Hong Kong eru í öðru
sæti, Japanir eru í þriðja sæti,
Svíar í fjórða og Svisslendingar í
þvi fimmta.
Japanskar konur verða allra
kvenna elstar og hafa haft þá
stöðu síðustu tuttugu ár.
Lífslíkur þeirra eru 85,5 ár. (
næstu sætum eru konur í Hong
Kong, San Marino og Sviss.
Islenskar konur eru I fimmta
sæti með 83,0 ára ólifaða
meðalævi við fæðingu.
Síðustu þrjátíu árin hefur
ævilengd, þegar miðað er við
fæðingu, aukist meira hjá
körlum en konum og bilið milli
kynjanna hefur því styst og er
nú 3,6 ár.
Lífslíkur í eldri aldurshóp-
unum hafa aukist hlutfallslega
enn meira en í þeim yngri eða
um nær fimmtung. Karlar sem
ná 65 ára aldri geta nú búist við
að lifa í 17,8 ár til viðbótar og
konur í 20,6 ár. Hjá körlum sem
ná 80 ára aldri eru ævilíkurnar
7,7 ár og 9,2 ár hjá konum.
Nú eru á lífi 26 íslendingar
sem náð hafa hundrað ára
aldri, 23 konur og 3 karlar.
Elst er Kristín Guðmunds-
dóttir sem er ættuð úr
Strandasýslu en dvelur nú
á Sólvangi í Hafnarfirði.
Hún varð 105 ára í maí.
ERU TENGSL MILLI SVEFNSKORTS
OG OF MIKILLAR ÞYNGDAR?
Þriðji hver íbúi Vesturlanda
sefur í minna en sjö eða átta
klukkustundir á sólarhring,
eins og talið er æskilegt og
nauðsynlegt til að fá næga
hvíld fyrir viðfangsefni nýs
dags. Frá þessu er sagt í
aprílhefti tímaritsins Vibrant
Life.
Þeir sem eru vel úthvíldir
eiga síður en aðrir á hættu
að lenda í slysum og
rannsóknir sýna að góð hvíld
bætir minnið. Talið er að of
iftill svefn hækki blóðþrýst-
ing og auki hættu á
hjartaáföllum. Það nýjasta er
að samkvæmt niðurstöðum
rannsókna frá Ohio eru meiri
líkur á að konur sem sofa of
lítið fitni heldur en þær sem
sofa nóg.
Það er því til mikils að
vinna að bæta svefnvenj-
urnarogá það jafnt við um
börn og fullorðna.
Ýmis ráð hafa verið gefin
til að tryggja góðan
nætursvefn svo sem að fara
alltaf að sofa á sama tíma,
forðast koffein og sterka
drykki, hreyfa sig reglulega,
hafa góða loftræstingu í
svefnherberginu, fara í heitt
bað eða sturtu rétt fyrir
svefninn og slaka á þegar
lagst er upp í, til dæmis með
því að líta í bók.
TÍU DAUÐSFÖLL
Á MÍNÚTU
VEGNA REYKINGA
Á ársþingi Alþjóða heilbrigðis-
málastofnunarinnar í vor kom
fram að nú deyja um 5,4
milljónir manna á ári úr
sjúkdómum sem rekja má til
reykinga, eða um 15 þúsund
manns á dag, eða 10 á hverri
mínútu.
Áætlað er að fjöldi dauðsfalla
vegna reykinga verði kominn í
6,4 milljónir árið 2015 og 8,3
milljónir árið 2030.
Hér á landi hefur verið áætlað
að reykingar, bæði beinar og
óbeinar, eigi sök á um það bil
360 dauðsföllum á ári, eða einu
á dag.
VITA UM
HÆTTUNA EN
GÆTA SÍN EKKI
Nær allir Svíar vita að geislar
sólarinnar geta valdið húð-
krabbameini en aðeins þriðji
hver hegðar sér í samræmi við
það, samkvæmt könnun sem
sænska geislavarnastofnunin
birti I apríl.
Helmingur aðspurðra í
könnuninni hafði brunnið
síðasta árið og þrír af hverjum
fjórum töldu líðanina betri ef
þeir væru sólbrúnir.
AÐALVERKEFNIÐ
AÐ KOMA í VEG
FYRIR SJÚKDÓMA
I blaðinu Voröld, sem
Sigurður Júllus Jóhannesson
læknir og Ijóðskáld ritstýrði og
kom út í Winnipeg í Kanada 1.
febrúar 1918 er fjallað um
væntanlegar breytingar á starfi
lækna. Þar segir:
„Aðalköllun læknanna
framvegis verður ekki sú að
nema burt sjúkdóma heldur að
koma í veg fyrir þá og það
verður einungis gert með því að
fræða fólkið almennt um allt
það er að heilsufræði lýtur,
kenna því að nota mótstöðuafl
líkama síns, og sálar sinnar ekki
síður, til þess að verjast árásum
þeirra óvina er sóttum og
sjúkdómum valda. I framtíðinni
verður það aðalhlutverk
læknanna að kenna, meðul
hverfa svo að segja úr sögunni,
nema fáeinar tegundir, og meiri
rækt verður lögð við sóttvarnir
og þekkingu á notkun þeirra
varnarafla er maðurinn á í sér
fólgin."
TUTTUGU KONUR
ÆTLA AÐ FARA í
AVON-GÖNGUNA
Nokkrar íslenskar konur tóku
þátt í Avon-göngunni til
stuðnings brjóstakrabbameini í
Bandaríkjunum í fyrrahaust.
Nú verða þærfleiri. Rúmlega
tuttugu konur í gönguhópnum
Göngum saman ætla I gönguna
í New York í október. Þrjár
þeirra hafa greinst með
brjóstakrabbamein. Hópurinn
æfir sig nú vikulega undir
leiðsögn þjálfara.
NÝ HEILBRIGÐIS-
MARKMIÐ SETT
Heilbrigðisráðuneytið birti í
vor endurskoðaða heilbrigð-
isáætlun til ársins 2010.
Meðal nýrra markmiða eru að
dánartíðni vegna krabbameins í
blöðruhálskirtli hjá körlum yngri
en 75 ára lækki um 30%, að
dánartíðni vegna krabbameins í
brjósti hjá konum yngri en 75
ára lækki um 30% og að dregið
verði úr notkun Ijósabekkja um
50%.
Einnig eru sett markmið um
að lækka hlutfall 9 ára barna,
sem eru yfir kjörþyngd, niður
fyrir 15% og þeirra, sem eru of
feit, niður fyrir 3% og að dregið
verði úrfrekari aukningu í
hlutfalli fólks 20 ára og eldra
sem er yfir kjörþyngd eða of
feitt.
„Þetta er ungt og leikur
sér," var einhvern tímann
sagt, og fellur vel að
markmiðum stjórnvalda
um að draga úr líkum á því
að börn fitni um of.
28 HEILBRIGÐISMAL 1/2007