Heilbrigðismál - 01.07.2007, Blaðsíða 17
TALAÐI VIÐ MINN GUÐ
MILLILIÐALAUST
Halldór Blöndal fékk krabbamein
fyrir sjö árum en brást fljótt
Það var gott hljóðið í Halldóri Blöndal
alþingismanni þegar tíðindamaður Heil-
brigðismála hringdi í hann rétt fyrir kosn-
ingar. Halldór var í sveitasælunni fyrir
norðan og þótti ekki tiltökumál að ræða
krabbameinið sem hann fékk í ristilinn fyrir
sjö árum.
„Ég fór í hefðbundna skoðun hjá bekkj-
arbróður mínum, Bjarna lækni Þjóðleifs-
syni, haustið 1999 en hann bað mig að
koma aftur að ári. Þegar ég varð var við
blóð í hægðunum I júlí tæpu ári síðar dreif
ég mig aftur í skoðun og þá kom í Ijós að
ég var með krabbamein á byrjunarstigi. Ef
ég hefði verið kærulaus, þrátt fyrir augljós
einkenni, hefði ekki verið að sökum að
spyrja."
Halldór segist hafa verið viðbúinn
slæmum tíðindum þegar hann fór í
skoðun. „Ég var bjartsýnn þrátt fyrir allt.
Skaust norður fyrir aðgerðina og var með
mínu fólki í fallegu veðri áður en ég lagðist
undir hnífinn hjá Tómasi Jónssyni."
við
Þingmaðurinn segir að um töluverða
aðgerð hefði verið að ræða. „Meinið var
skorið í burtu og ég þurfti ekki á lyfjagjöf
að halda. Ég var rúmfastur á spítalanum i
liðlega tíu daga og tók með mér Egilssögu.
Hún stytti mér stundir ásamt fleiri góðum
bókum. Síðan tók hefðbundið eftirlit við.
Það var gott að hafa Tómas sem lækni
enda einstaklega viðkunnanlegur og
traustur maður. Annars gerði ég bara eins
og Don Camillo: Talaði við minn guð milli-
liðalaust. Það róaði mig."
Halldór segist hvorki hafa breytt um lífs-
stíl né mataræði eftir veikindin. „En ég ber
enn meiri virðingu fyrir læknum og hjúkr-
unarfólki eftir þessa lifsreynslu. Ég dáist að
þvi hversu hæft þetta fólk er í starfi og það
leggur sig verulega fram."
Halldór er með stóma eftir aðgerðina
og segir að það hái sér ekkert og hafi aldrei
verið til vandræða. „Ég fer í mitt sund og
stunda mina veiði og hvorki ég né aðrir
eru viðkvæmir fyrir stómanu. Þetta hefur
Halldór segist stunda sitt sund og
sína veiði þrátt fyrir stóma sem hefur
aldrei verið til vandræða.
aldrei orðið til óþæginda, enda hefur fólk
fullan skilning á svona löguðu."
ÞÞ.
LIT BJÖRTUM AUGUM
Á FRAMTÍÐINA
Anna I. Sigtryggsdóttir greindist meö
ristilkrabbamein fyrir sex árum
Það var árið 2000 að Anna I. Sigtryggs- „Ég setti mig strax í samband við Ásgeir
dóttir fór i allsherjar læknisskoðun á sjúkra-
húsi í Bandaríkjunum og m.a. var neðri hluti
ristilsins speglaður. Þá kom í Ijós að separ
höfðu myndast og var henni því ráðlagt að
láta spegla allan ristilinn er heim kæmi.
Nú eru á lífi rúmlega 800
íslendingar sem greinst hafa meö
krabbamein í ristli og endaþarmi.
Um 60% karla geta vænst þess aö
lifa í fimm ár eöa lengur (hlutfalls-
leg lifun) og um 55% kvenna.
Lífshorfurnar hafa nær tvöfaldast
á fjórum áratugum.
Theodórs meltingarlækni sem tók mig f
fullkomna ristilspeglun og reyndust þá
einnig hafa myndast separ í efri hluta rist-
ilsins. Að ári liðnu fór ég að nýju í eftirlit til
Ásgeirs. Kom þá i Ijós að meinvarp hafði
myndast og þurfti ég því að gangast undir
skurðaðgerð til að láta fjarlægja hluta af
ristlinum. Síðan hef ég farið ( eftirlit á
hverju ári og fyrir skömmu var ég útskrifuð
í að minnsta kosti næstu þrjú árin." Anna
segist almennt hafa verið hraust, verið
meðvituð um mataræði og stundað leik-
fimi.
„Ég var komin yfir sextugt þegar ég
greindist, átti þrjár uppkomnar dætur, en
ég hefði sjálfsagt tekið tiðindunum öðru-
vísi ef ég hefði verið ung og átt yngri
börn."
Anna segir, að stundum hafi hún leitt
hugann að þvi hvort meinsemd kunni að
koma upp annars staðar þvf sjúkdómurinn
sé lævis og lúti engum lögmálum, en að
öðru leyti liti hún björtum augum á fram-
tíðina.
„Ég hefði sjálfsagt tekið tíðindunum
öðruvísi ef ég hefði verið ung og átt
yngri börn," segir Anna sem greind-
ist með ristilkrabbamein árið 2001.
ÞÞ.
HEILBRIGÐISMÁL 1/2007 17