Heilbrigðismál - 01.07.2007, Blaðsíða 19
Þá hófst fjöldarannsókn og leit að krabba-
meini í leghálsi en Niels hafði fengið Ölmu
til verksins. Ég tel að hún hafi lengst af
unnið við mjög erfiðar og frumstæðar að-
stæður og er vafamál að nokkur annar
hefði látið bjóða sér slíkar aðstæður í dag,
slíkir hugsjónamenn voru þetta sem réð-
ust til félagsins.
Ég get haldið áfram og nefnt menn eins
og Bjarna Bjarnason og Jón Oddgeir Jóns-
son sem fóru um landið þvert og endilangt
og kynntu fyrir almenningi þýðingu leit-
arstarfsins. Þetta grasrótarstarf, eins og
það heitir I dag, skilaði því að konur fengu
áhuga á leitinni og sáu þýðingu þess að
taka þátt og mæta. Þarna var lagður
grunnur að því starfi sem hefur verið unnið
allar götur síðan."
GÍFURLEGAR BREYTINGAR
Krabbameinsfélagið flutti starfsemi sína
að Suðurgötu fljótlega á sjöunda ára-
tugnum. „Við áttum góðan tíma ( Suð-
urgötunni og þar var góður starfsandi
enda óx og dafnaði starfsemin á hverju ári.
Það tíðkaðist heldur ekki þá að menn skrif-
uðu yfirvinnureikninga heldur voru verkin
bara kláruð án þess að hugsa um hvað
klukkan var. Auðvitað var yfir þessu öllu
ákveðin sveitamennska og peningaleysi
var stöðugt vandamál. Félagið fékk um
tíma ákveðinn hlut af hverjum sígarettu-
pakka og gat þannig fjármagnað ákveðin
verkefni. Þetta breyttist síðar og þá kreppti
að og finna varð aðrar fjáröflunarleiðir."
Húsnæði Krabbameinsfélagsins f Skóg-
arhlíð var síðan keypt 1984 með fjármagni
sem safnaðist í landssöfnun. „Það var gíf-
urleg breyting að flytja ( Skógarhlíðina og
um leið má segja að öll starfsemin hafi
verið nútímavædd," segir Halldóra sem
var framkvæmdastjóri Krabbameinsfélags
Islands frá 1954 til 1988 og aðalgjaldkeri
til 1997. „Þróunin á þessum tíma öllum er
sú að félagið hefur breyst úr því að vera
eins konar einstaklingsframtak í stórfyr-
irtæki og um leið breytist yfirbragðið, fjár-
hagurinn hefur batnað og kjör starfs-
manna - þeir fá jafnvel greidda
yfirvinnu!"
JT.
Auðvitað var yfir þessu öllu
ákveðin sveitamennska og
peningaleysi stöðugt vandamál.
Allt voru þetta heiðursmenn og
það var gaman að vinna með þeim.
Svipmyndir frá starfi Halldóru Thoroddsen. Efst: Starfsfólk leitar-
stöðvarinnar í Heilsuverndarstöðinni 1961, Ríkharð Thors læknir,
Guðrún Bjarnadóttir rannsóknastofustúlka, Halldóra og Gunnlaugur
Snædal læknir. í miðju: Halldóra á skrifstofu sinni á Suðurgötu 22, um
1965. Neðst: Með stjórnarmönnum um 1980, Gunnlaugur Snædal
prófessor, Hjörtur Hjartarson framkvæmdastjóri, Halldóra, Ólafur
Bjarnason prófessor og Jónas Hallgrímsson prófessor.
HEILBRIGÐISMÁL 1/2007 19