Fréttablaðið - 24.12.2009, Blaðsíða 35

FIMMTUDAGUR 24. DESEMBER 2009 9kirkjan ● fréttablaðið ●
Guðrún Eggertsdóttir, sjúkra-
húsprestur við Sjúkrahúsið á
Akureyri, starfar á sjúkrahús-
inu um jólin en ekki eiga allir
sjúklingar kost á að fara heim
um hátíðina. Guðrún segir
marga upplifa það að ástvina-
missir og aðrar sorgir minni
sterkt á sig á jólunum.
„Það getur verið erfitt að halda
jól þegar aðstæður eru breyttar
á einhvern hátt. Fyrstu jólin eftir
ástvinamissi geta aðstandendur
til að mynda upplifað mikið tóm
því öll erum við svo föst í því um
jólin að vilja hafa alla hluti eins
og þeir hafa alltaf verið. Þannig
tökum við meira eftir því ef ein-
hvern vantar í hópinn og hugsum:
Hver á þá að elda sósuna, hengja
upp jólaseríuna og gera þessa
hluti sem við vorum vön því að
tilheyrði ákveðnum fjölskyldu-
meðlim? Stundum er kvíðinn svo
mikill að við þorum ekki að taka
á þessum spurningum.“
Guðrún hefur sjálf reynslu af
því að vera syrgjandi á jólum,
þar sem sonur hennar lést fyrir
sextán árum. Það hjálpaði henni
mikið að geta talað við fjölskyld-
una um hvernig hún vildi haga
jólahaldinu.
„Það hjálpar mjög mikið að fá
aðstoð, mega ræða þær spurn-
ingar sem vakna hjá manni um
komandi hátíðarhald og gera sér
grein fyrir því að ekki þarf bara
að kvíða fyrir, því líka er hægt
að hafa stjórn á ýmsu þótt jólin
verði aldrei eins og þau voru
fyrir missinn. Við getum valið
hvernig við viljum minnast þess
látna um jólin, fara með kerti á
leiðið, baka uppáhaldsköku við-
komandi, elda uppáhaldsmatinn
eða hvað annað sem hverjum og
einum hentar.“
Það sama gildir þegar aðstæð-
ur hafa breyst af öðrum ástæð-
um en vegna andláts ástvinar,
svo sem eftir skilnað.
Guðrún segir að stundum geti
verið erfitt fyrir syrgjendur að
koma auga á hverju hægt sé að
hafa stjórn á um jólin og bendir á
að aðstandendur þurfi að þora að
vera með syrgjandanum í þess-
um vangaveltum. „Sumir vilja
hafa jólin eins lík því og þau voru
og hægt er, á meðan aðrir vilja
kannski vera innan um færra
fólk eða fara eitthvert burt. Fólk
þarf að vera tilbúið að virða þess-
ar óskir.“
Guðrún sjálf eyðir stórum
hluta jólanna á sjúkrahúsinu en
eyðir aðfangadagskvöldi með
frændfólki. „Það er að mörgu
leyti yndislegt að vera á sjúkra-
húsinu um jólin. Reynt er að hafa
aðstæður eins hátíðlegar og hægt
er. Á jóladag reyni ég að mæta
snemma og heilsa upp á þá sem
eru inniliggjandi og minna á
messuna sem er síðdegis. Starfs-
fólk sjúkrahúsanna er mjög ynd-
islegt og reynir að gefa sér tíma
til að spjalla og vera með fólk-
inu eins og kostur er, en jólin eru
öðruvísi en aðrir dagar og fólki
finnst erfitt að geta ekki verið
heima með sínum nánustu.“ - jma
Jólahald eftir ástvinamissi
Guðrún Eggertsdóttir, sjúkrahúsprestur á Sjúkrahúsinu á Akureyri, segir að jólin eftir
ástvinamissi verði auðveldari með tímanum. Henni hafi sjálfri reynst best að fá að
ræða komandi jólahald við sína nánustu. FRÉTTABLAÐIÐ/PJETUR
Guðrún segir Breytendur ætlaða öllum sem áhuga hafa á málefninu. „Eiginlega er
þetta ungliðastarf, en samt erum við alveg frá 16 og upp í 29 ára,“ segir hún.
Breytendur eru ungliðahreyfing
Hjálparstarfs kirkjunnar. Mark-
mið unga fólksins er að breyta
heiminum til hins betra, meðal
annars með því að vekja fólk til
umhugsunar um það óréttlæti sem
viðgengst á milli suðurhvels og
norðurhvels jarðar. Guðrún John-
son er ötull liðsmaður í Breytend-
um.
„Norðrið á allan peninginn og
heldur að það geti ráðið yfir suð-
rinu á meðan suðrið hefur ekk-
ert. Við förum stundum í leiki til
að sýna fólki þetta ljóslifandi. Þá
leikur einn norðrið og sá fær stóra
skeið, en sá sem leikur suðrið fær
litla skeið og svo eiga þeir að nota
skeiðarnar til að fylla ílát. Norðr-
ið er enga stund að fylla sitt ílát og
vinnur keppnina, sem sýnir yfir-
burðina sem norðrið hefur,“ segir
Guðrún.
Hún tekur þó fram að fólkið í
norðri sé samt gott. „En við erum
samt vond við þróunarlöndin.
Það eru bara ekki allir sem gera
sér grein fyrir því hvað við erum
að gera margt rangt. Finnum til
dæmis lítið fyrir menguninni,“
segir Guðrún og bætir við að Ís-
lendingum líki kannski ágætlega
hlýnun jarðar þar sem þeir vilji
hafa heitt en gróðurhúsaáhrifin
séu aftur á móti eyðileggjandi afl
í lífsafkomu suðursins.
En hvað gera Breytendur til að
breyta heiminum? „Við reynum að
ferðast frekar um á hjóli en bíl,
sýnum frumkvæði og förum spar-
lega með pappír, erum bakhjarl
Fair Trade á Íslandi, söfnuðum ný-
lega undirskriftum til að mótmæla
hlýnun jarðar og svo ætlum við að
vera með Kolaportssölu til styrkt-
ar Mæðrastyrksnefnd í Norðlinga-
holti,“ telur Guðrún upp, með von
um betri heim. - nrg
Vekjum athygli á
óréttlæti heimsins
Í markmiða- og stefnuskrá
Breytenda er bent á fimm „fing-
ur“ óréttlætis gagnvart suðrinu.
Þau eru: ósanngjörn viðskipti,
óréttmætar skuldir, hlýnun
jarðar og ábyrgð norðursins á
henni, eyðnifaraldurinn sem
norðrið á lyf við og loks stríð.
● BÆNATÓNLEIKAR –
SORGIN OG LÍFIÐ Þriðju-
dagskvöldið 29. desember klukk-
an 20 verða bænatónleikar í
Laugarneskirkju.
Þar koma fram söngkonan
Kirstín Erna Blöndal, Gunnar
Gunnarsson, píanó- og orgelleik-
ari, Jón Rafnsson bassaleikari og
Örn Arnarson gítarleikari.
Í hjarta okkar býr sorgin og við
þurfum að hugsa um að hlúa að
henni, gefa okkur tíma til að gráta
og finna til og um leið gefa okkur
tækifæri á að vinna með henni.
Tilgangur bænatónleikanna
er að gefa fólki kost á að koma í
kirkjuna og hlusta á fallega tónlist
þar sem bænir og sálmar koma í
staðinn fyrir það sem við getum
oft ekki tjáð með eigin orðum.
Falleg stund þar sem við fáum
frið til að syrgja, minnast og
hugsa á uppbyggilegan hátt um
okkar eigið líf sem
enn þá lifir.
Allir eru
velkomnir
og að-
gangur er
ókeypis.

FR
ÉT
TA
BL
A
Ð
IÐ
/V
IL
H
EL
M
Erna Blöndal söngkona.