Fréttablaðið - 17.02.2010, Blaðsíða 19
MIÐVIKUDAGUR 17. febrúar 2010 3
Fyrsta ferðin verður farin síðla vors
2011 þar sem flogið verður til Alsír
og siglt þaðan, eftir nokkurra daga
dvöl, til Marseille í Frakklandi.
„Hjördís Hilmarsdóttir hjá ÍT
Ferðum hafði samband við mig
síðastliðið haust en hún hafði lesið
Reisubók Guðríðar Símonardóttur
ásamt nokkrum vinkonum sínum.
Sú hugmynd kom upp hjá þeim að
gaman væri að feta í fótspor henn-
ar líkt og ég gerði þegar ég var að
safna efni í bókina,“ segir Steinunn.
Þetta er ekki í fyrsta skipti sem
Reisubókin kveikir í fólki en ferða-
lag á þessar slóðir er utan alfara
túristaleiða. Þar sem Hjördís er í
forystu fyrir ferðaskrifstofu hafði
hún aðstöðu til að geta látið slíka
ferð verða að veruleika.
„Fólk sem vill ferðast á þessar
slóðir getur ekki hoppað inn í ein-
hverjar fyrirliggjandi ferðir heldur
þarf að búa ferðina til sérstaklega.
Þar sem slíkt er dýrt kom strax upp
sú hugmynd að skipta ferðinni niður
á nokkur ár, enda er um marga
áfangastaði að ræða. Þegar Hjör-
dís hafði samband við mig var tæpt
ár síðan ég hafði farið öðru sinni til
Alsír og ég þóttist sjá að það hefðu
orðið hagstæðar breytingar á ýmsu í
landinu, ferðamönnum í vil. Ástand-
ið var allt annað en þegar ég kom
þangað árið 2000, rétt eftir blóðuga
borgarastyrjöld,“ segir Steinunn en
hún og maðurinn hennar voru þá
meðal fyrstu túrista sem komu til
landsins eftir þá ófriðartíma.
„Það sem blasti við núna síðast
þegar ég fór var til að mynda glæsi-
leg, alþjóðleg flughöfn sem sýnir að
þeir eru að búa sig undir það að taka
á móti fólki. Ég taldi því eftir síðari
ferð mína að ég gæti mælt með því
að ferð þessi yrði farin.“
Flogið verður til Algeirsborgar
og dvalið í nokkra daga í námunda
við gömlu borgina þar sem íslensku
þrælarnir voru á 17. öld. Því næst
er haldið í sólarhringssiglingu til
Marseille, þar sem Guðríður og
félagar fóru fyrst í land eftir að
hafa lagt frá Alsír. Þaðan verður
flogið heim en í öðrum áfanga, sem
hefst í Marseille ári síðar, verður
slóðin rakin yfir Suður-Frakkland,
fótgangandi og með hægfara sam-
göngutækjum, til Suður-Englands,
þar sem þriðji áfanginn hefst árið
2013.
„Almennt veit fólk ekki mikið um
þessa atburði en ég finn það, bæði
hjá þeim sem lesið hafa bókina, og
hjá fólki sem hlýtt hefur á fyrir-
lestra um efnið, að það vaknar oft
ferðagleði hjá því, og ekki síður hjá
útlendingum. Þannig hef ég tekið á
móti tveimur hópum frá Noregi sem
komu hingað bara til að sjá landið
hennar Guðríðar Símonardóttur.
Það er líka allt öðruvísi, og gaman,
að ferðast undir svo þröngu sögu-
legu sjónarhorni. Þannig er maður
ekki að skoða allt, heldur fyrst og
fremst að leita að minjum um þenn-
an tíma og það er ótrúlega mikið af
gömlu sviðsmyndinni til í Algeirs-
borg og hluti hennar í dag orðinn
að alþjóðlegum menningarminjum
eftir samþykkt hjá Menningarstofn-
un Sameinuðu þjóðanna.“
Steinunn segir að líta megi á
Tyrkjaránið sem „fyrndan glæp“
sem umbreytist í framtíðarfeng
fyrir íslensku þjóðina. „Þegar tím-
inn hefur liðið og gróið yfir sporin
verður þessi stóri atburður í Íslands-
sögunni aðgöngumiði inn í fram-
andi land og menningarheim. Það
er ótrúlega margt að upplifa þarna,
trúarbrögðin, sagan, andrúmsloftið
og svo er lega borgarinnar ótrúlega
falleg. Og ekki er síður dásamlegt
að sigla á Miðjarðarhafinu.“
juliam@frettabladid.is
Haldið á söguslóðir Guðríðar
ÍT Ferðir munu á næstu þremur árum, í samvinnu við Steinunni Jóhannesdóttur rithöfund, bjóða upp á ferðir þar sem fetað verður í fótspor
Guðríðar Símonardóttur, sem rænt var í Tyrkjaráninu 1627. Áætlað er að fara í fyrstu ferðina síðla vors á næsta ári.
Steinunn Jóhannesdóttir rithöfundur verður fararstjóri í Algeirsborg, Marseille og öðrum stöðum þar sem Guðríður Símonardóttir
hafði viðkomu á 17. öld. FRÉTTABLAÐIÐ/STEFÁN
Þeir sem dvelja um styttri tíma
erlendis án þess að taka þar upp
búsetu eða hefja störf halda
almennt tryggingavernd sinni á
Íslandi. Þó skiptir máli til hvaða
lands er farið og í hvaða tilgangi.
Ferðamaður í öðru EES-landi nýtur
ákveðinna réttinda til læknishjálp-
ar þar ef þörf krefur hjá hinu opin-
bera heilbrigðiskerfi viðkomandi
lands. Réttindin eru skv. EES-regl-
unum um almannatryggingar. Til
að tryggja sér rétt til aðstoðar þarf
að framvísa Evrópska sjúkratrygg-
ingakortinu.
Vegna sjúkrakostnaðar erlendis
getur einnig verið nauðsynlegt að
kaupa ferðatryggingu hjá trygginga-
félögum. Slíkar tryggingar greiða
fyrir fleira en almannatrygging-
ar gera, til dæmis kostnað vegna
heimflutnings.
Ferðamaður í öðrum lönd-
um utan EES getur fengið hluta
sjúkrakostnaðar síns endurgreidd-
an hjá Sjúkratryggingum Íslands
þegar heim kemur skv. ákveðn-
um reglum. Hægt er að fá trygg-
ingaryfirlýsingu hjá Sjúkratrygging-
um Íslands ef ætlunin er að dvelja
í löndum sem eru utan EES-svæð-
isins. Þar kemur fram að viðkom-
andi sé tryggður í almannatrygg-
ingum á Íslandi og hvað slík trygg-
ing felur í sér.
Þess má geta að reglur um rétt
ferðamanna til læknishjálpar
erlendis eiga ekki við þegar um fyr-
irfram ákveðna sjúkdómsmeðferð
erlendis er að ræða eða þegar til-
gangur farar er að fá læknismeð-
ferð erlendis.
Nánar má fræðast um réttindi
ferðamanna á vef Tryggingastofn-
unar www.tr.is.
Hugað að heilsu
utan landsteina
MIKILVÆGT ER AÐ HUGA AÐ
SJÚKRATRYGGINGUM ÁÐUR EN
LAGT ER Í FERÐALAG.
Rinspeed er svissneskt bíla- og far-
artækjahönnunarfyrirtæki sem er
þekkt fyrir frumlegar hugmyndir.
Nýjustu afurðina, rafmagnsbílinn
Rinspeed UC, ætlar fyrirtækið að
kynna á bílasýningunni í Genf sem
haldin verður bráðlega. Frá þessu
er greint á vefsíðu www.fib.is.
Bíllinn, sem er sagður tilbúinn til
að fara í fjöldaframleiðslu, er 2,6
metra langur, fer 100 km á hleðsl-
unni og kemst á 120 km hraða.
Áhugaverðast er innra rými bílsins
sem er allt hið frumlegasta. Ber
þar hæst stýripinni sem kemur í
staðinn fyrir hefðbundið stýri.
Bíllinn er í raun hluti samgöngu-
kerfis sem Rinspeed hefur hann-
að. Ætlunin er að hann passi í sér-
stök stæði um borð í járnbraut-
arlestum sem hægt væri að nýta
þegar ætlunin er að fara í lang-
ferðir.
Stýripinni kemur í
stað stýris
RINSPEED UC ER HUGMYNDABÍLL
SEM VERÐUR KYNNTUR Á BÍLASÝN-
INGUNNI Í GENF Á NÆSTUNNI.
Innra rými Rinspeed UC er allsér-
stætt.
Rafmagnsbíllinn kemst upp í 120
km hraða.