Fréttablaðið - 17.02.2010, Blaðsíða 38

22 17. febrúar 2010 MIÐVIKUDAGUR
folk@frettabladid.is
> ERFITT AÐ HÆTTA
Leikarinn Leonardo DiCaprio
segir að sér gangi bölvanlega
að hætta að reykja. „Alltaf
þegar ég nota nikótínplástra
fæ ég hræðilegar martrað-
ir. Um morð, fjöldamorð. Ég
vakna á nóttunni og bara
verð að taka þá af mér,“
segir leikarinn góðkunni.
1. Biggie og Tupac
Þekktasta rappstríð allra tíma eru
vafalítið deilurnar á milli The Not-
orious B.I.G. (Biggie Smalls) og
Tupac Shakur um miðjan tíunda
áratuginn. Hinn þéttvaxni B.I.G.
var fulltrúi mýkra austurstrand-
arrapps á meðan Tupac kom frá
vesturströndinni þar sem hljóm-
urinn var töluvert harðari. B.I.G.
og Tupac voru góðir vinir áður
en þeir byrjuðu að rífast um hver
skaut hvern og hver svaf hjá
eiginkonu hvers. Báðir voru
þeir skotnir til bana og
hefur hvorugt morðanna
verið upplýst.
2. Jay-Z og Nas
Jay-Z og Nas börðust hatrammlega
um rapp-yfirráðin yfir New York-
borg eftir að Biggie fór yfir móð-
una miklu. Ásakanir flugu á báða
bóga um allt milli himins og jarðar
í nokkur ár þangað til þeir sættust
loksins árið 2005.
3. 50 Cent og allir hinir
Curtis Jackson, eða 50 Cent, reyndi
hvað sem er til að vekja athygli og
átti í deilum við nánast alla aðra
rappara, þar á meðal Ja Rule,
The Game, Nas, Kanye West
og Young Buck. Meira að
segja Mike Tyson og
Oprah Winfrey urðu
fyrir barðinu á hár-
beittum textasmíðum
hans. Síðustu ár hefur
50 Cent róast töluvert,
enda orðinn forríkur
rappari og fatafram-
leiðandi.
4. Lil Kim og Foxy Brown
Stelpur geta líka klórað frá sér í
rappinu, sem sannaðist með deil-
um Lil Kim og Foxy Brown. Kim
var í slagtogi með Biggie Smalls
á meðan Brown var vinkona Nas
og Jay-Z. Þær skiptust á að skjóta
hvor á aðra í lögum á borð við Bang
Bang og Play Around en það var
ekki fyrr en þær hittust í febrú-
ar 2001 sem endanlega sauð upp
úr. Byssur voru dregnar á loft en
hvorug þeirra slasaðist alvarlega.
5. Ice Cube og N.W.A.
Ice Cube yfirgaf rappsveitina
N.W.A. árið 1989 eftir deilur
um höfundarlaun og rifrildi við
umboðsmanninn Jerry Heller. Ice
Cube fór í kalt stríð við fyrrum
félaga sína Dr. Dre og Easy-E, sem
sökuðu hann um að vera skræfa og
svikari. Deilurnar stóðu yfir allt
þangað til Eazy-E dó úr alnæmi
sex árum síðar.
Fimm frægustu rappstríðin
TUPAC SHAKUR
Tupac var skot-
inn til bana árið
1996 og hefur
morðið enn ekki
verið upplýst.
Heimildarmyndin Draumalandið
fær góða dóma hjá bandarísku
kvikmyndabiblíunni Variety. Það
telst til tíðinda þegar íslenskar
kvikmyndir eru gagnrýndar hjá
Variety og því eru þetta ánægjuleg
tíðindi fyrir framleiðendur mynd-
arinnar.
Í dómnum segir að í Drauma-
landinu komi fram tilfinninga-
þrungin, sjónræn og mælskuleg
rök sem setji umhverfis- og efna-
hagsleg vandamál Íslands í sögu-
legt samhengi, sérstaklega eftir
að bankahrunið varð árið 2008.
Gagnrýnandi netmiðilsins Art
Threat í Kanada er einnig ánægð-
ur með myndina og segir Drauma-
landið eiga sér enga sína líka og sé
ein besta umhverfismynd allra tíma.
„Það er ein ástæða umfram allar aðrar
fyrir því að ekki er hægt að taka mark
á Óskarsverðlaununum í ár. Heimildar-
myndin Draumalandið er ekki tilnefnd
sem besta myndin, besta heimildar-
myndin, eða til nokkurra annarra verð-
launa,“ sagði gagnrýnandinn.
Myndin hefur verið á töluverðu
flakki á kvikmyndahátíðum og hvar-
vetna fengið góðar viðtökur. Hún hlaut
mikla athygli á nýafstaðinni kvik-
myndahátíð í Gautaborg og var uppselt
á allar sýningar, Andri Snær Magna-
son, sem leikstýrði myndinni ásamt
Þorfinni Guðnasyni, svaraði spurning-
um og tók þátt í pallborðsumræðum
með fyrrverandi erkibiskup í Svíþjóð.
Aðstandendur myndarinnar voru einn-
ig viðstaddir sýningar í Helsinki og
Tallinn og komust færri að en vildu.
Variety dæmir Draumalandið
ANDRI SNÆR MAGNASON Draumalandið fær
góða dóma hjá bandarísku kvikmyndabiblíunni
Variety. FRÉTTABLAÐIÐ/STEFÁN
BIGGIE SMALLS
Notorious B.I.G.
var austur-
strandarrappari
sem kallaði ekki
allt ömmu sína.
Krakkar – tjáið ykkur á Öskudaginn
Við gefum krökkum 1.500 kr. mánaðarlega inneign ef foreldrar
eru með Vodafone Gull áskrift.
Athugið að hægt er að skrá sig í Vodafone Gull og fá Krakkafrelsi
með einu símtali í 1414.
Allir söngelskir krakkar eru velkomnir í verslanir okkar í dag
og fá glaðning á meðan birgðir endast.
Vopnaðar erjur Móra
(Magnúsar Ómarssonar) og
Blaz Roca (Erps Eyvindar-
sonar) hafa beint sjónum
manna að íslenska rappinu.
Er yfirleitt einhver íslensk
rappsena til? Og hvar er
hún þá?
Gullöld íslenska rappsins var í
byrjun aldarinnar. XXX Rottweil-
er hundar sigruðu Músíktilraunir
árið 2000 og komu með fyrstu plöt-
una sína árið eftir. Erpur Eyvind-
arson naut vinsælda í sjónvarpinu
sem Johnny National og bandið kom
sterkt inn með hressandi kjafthætti.
Platan seldist í hrönnum, fór á end-
anum í vel yfir tíu þúsund eintökum.
Rapp var kúl og það var sérstaklega
kúl að rappa á íslensku.
Gullæði
Hálfgert gullæði gróf um sig: rapp-
plötum var dælt út árið 2002. Það
ár er einstakt í íslenskri útgáfu-
sögu vegna fjölda rapptitla. XXX
Rottweiler hömruðu járnið og
komu með plötu númer tvö. Platan
varð ekki sú vítamínsprauta sem
fyrsta platan hafði verið. Nýliðar
á borð við Afkvæmi guðanna, Bent
& 7berg (úr Rottweiler), Kritikal
Mazz og Bæjarins bestu stigu fram
á rímnavöllinn, sem og Móri, sem
tók glæpavinkilinn á rappið, til að
mynda í laginu „Atvinnukrimmi“.
Einnig komu út nokkrar safnplötur.
Margar af þessum plötum komu út á
vegum Eddu útgáfunnar og að sögn
stóðu þær flestar undir sér. Þar
munaði miklu um að BT kveikti á
rapp-perunni, hlúði að senunni og sá
markhóp í rappkaupendum. Gullöld-
in lifði ekki nema í eitt og hálft ár.
Rappið kíkti aðeins upp á yfirborðið
en hvarf svo aftur ofan í grasrótina.
Kannski varð rappið þreytt vegna
offramboðs, en einnig má benda á að
senuna hefur alltaf vantað aðhlynn-
ingu frá stóru útvarpsstöðvunum.
Þess vegna stofnaði Ómar Ómar net-
útvarpsstöðina Ras3.is á dögunum,
kannski ekki seinna vænna.
Breyttir tímar
Ómar gerði líka út vefsíðuna hiphop.
is, sem varð eins konar heimahöfn
íslenskra rappara. Síðan hefur nú
verið niðri all lengi og því er rapp-
senan dreifð í dag, vantar sameigin-
legan fókuspunkt. Menn eru að sýsla
hver í sínu horninu. Það má þó búast
við að einhver brennipunktur verði
til í kringum Haförninn, nýjan þátt
Dóra DNA á Rás 2. Einnig hefur
hreinræktað hipphopp blandast
öðrum stefnum. Plötusnúðar kennd-
ir við hipphopp eru óhræddir við að
spila annað og rapparar víla ekki
fyrir sér að vera í elektró hljóm-
sveitum, sem dæmi. Það er harður
kjarni sem fylgist enn með og lík-
lega um 500 manns sem eru virkir
á senunni, mætir á tónleika og við-
burði.
Það eru breyttir tímar síðan á
gullöldinni. Plötusala er ekki leng-
ur upphaf og endir alls. Annað
dreifikerfi er í gangi, fólk hlustar á
músíkina beint af Netinu og marg-
ir gefa einungis út á Netinu. Marg-
ir vilja þó enn koma músíkinni í
fast form. Fyrsta sólóplata Erps er
væntanleg. Hann er hluti af „gamla
genginu“ þótt hann sé reyndar ekki
nema 33 ára. Diddi Fel, kenndur við
Forgotten Lores, er líka „gamall“ í
hettunni, 29 ára. Hann vinnur nú að
fyrstu sólóplötunni sinni, Hesthús-
ið. Diddi heldur úti síðunni coxbut-
ter.com með vinum sínum þar sem
hægt er að hlaða niður íslensku
rappi ókeypis.
Menn eins og Poetrix, Ástþór
Ómar, Ramses og Steve Sampling
eru iðnir við kolann. Nýjustu kapp-
arnir eru svo þeir Emmsjé Gauti og
Dabbi T. Þeir voru saman í 32C, tríói
sem stefndi að plötu en náði ekki því
takmarki.
Báðir eru ungir að árum og höfða
til krakkanna. Og báðir safna nú í
sarpinn og stefna að því að gefa út
plötur. Þangað til má fylgjast með
þeim á Netinu.
Það er því nóg í gangi undir niðri,
og aldrei að vita nema eitthvað
kíki upp á yfirborðið. Jafnvel með
látum.
drgunni@frettabladid.is
DAUÐAKIPPIR
RAPPSINS?
GULLÖLDIN OG
NÚTÍMINN
Erpur og Bent árið 2003 og Emmsjé
Gauti árið 2009.