Fréttablaðið - 17.02.2010, Blaðsíða 42

26 17. febrúar 2010 MIÐVIKUDAGUR
sport@frettabladid.is
Meistaradeild Evrópu
AC Milan-Manchester United 2-3
1-0 Ronaldinho (3.), 1-1 Paul Scholes (36.), 1-2
Wayne Rooney (66.), 1-3 Rooney (74.), 2-3
Clarence Seedorf (85.).
*Seinni leikur liðanna fer fram á Old Trafford-
leikvanginum 10. mars
Lyon-Real Madrid 1-0
1-0 Jean Makoun (47.)
*Seinni leikur liðanna fer fram á Santiago Berna
beu-leikvanginum 10. mars
Evrópudeild UEFA
Everton-Sporting Lissabon 2-1
1-0 Steven Pienaar (35.), 2-0 Sylvain Distin (49.),
2-1 Miguel Veloso (87.).
*Seinni leikur liðanna fer framm á José Alvalade-
leikvanginum 25. febrúar.
Enska úrvalsdeildin
Stoke-Manchester City 1-1
1-0 Glenn Whelan (72.), 1-1 Gareth Barry (85.).
Enska b-deildin
Plymouth-Swansea 1-1
Kári Árnason var í byrjunarliði Plymouth.
Scunthorpe-Barnsley 2-1
Emil Hallfreðsson var ekki í leikmannahópi
Barnsley.
Iceland Express-deild karla
Tindastóll-Stjarnan 68-70 (31-35)
Stigahæstir hjá Tindastóli: Svavar Birgisson 22,
Cedric Isom 15.
Stigahæstir hjá Stjörnunni: Djorde Pantelic 22,
Fannar Helgason 16, Jovan Zdravevski 15.
STAÐAN Í DEILDINNI:
1. KR 17 14 3 1575-1370 28
2. Keflavík 17 13 4 1602-1364 26
3. Stjarnan 17 13 4 1466-1373 26
4. Grindavík 17 12 5 1613-1376 24
5. Snæfell 17 12 5 1613-1399 24
6. Njarðvík 17 12 5 1509-1328 24
7. Hamar 17 6 11 1438-1500 12
8. ÍR 17 5 12 1399-1546 10
9. Tindastóll 17 5 12 1383-1519 10
10. Fjölnir 17 5 12 1333-1502 10
11. Breiðablik 17 4 13 1332-1527 8
12. FSu 17 1 16 1269-1728 2
N1-deild kvenna
KA/Þór-HK 32-29
ÚRSLITIN Í GÆR
> Tvíhöfði að Ásvöllum í kvöld
Það verður nóg um að vera á Ásvöllum í kvöld þegar
boðið verður upp á tvo handboltaleiki í N1-deildum
kvenna og karla. Fyrst tekur kvennalið Hauka á móti
Stjörnunni kl. 18.30 og strax á eftir þeim leik tekur
topplið Hauka í N1-deild karla á móti HK en
sá leikur hefst kl. 20.15. Einn annar leikur
fer fram í N1-deild kvenna í kvöld þegar
topplið Vals, sem er enn taplaust,
heimsækir Fylki í Fylkishöll en sá leikur
hefst kl. 18.15.
FÓTBOLTI Tveir leikir fara fram
í 16-liða úrslitum Meistara-
deildar Evrópu í kvöld þar
sem annars vegar Arsenal
heimsækir Porto og hins
vegar Bayern München
tekur á móti Fiorentina.
Arsenal verður án
fimm sterkra leikmanna
á móti Porto í kvöld þar
sem William Gallas,
Eduardo da Silva, Andr-
ey Arshavin, Alexand-
re Song og Manu-
el Almunia bættust nýverið
á meiðslalistann hjá Lund-
únafélaginu. En fyrir utan
fimmmenningana eru Robin
van Persie, Kieran Gibbs og
Johan Djorou búnir að vera
meiddir lengi. Knattspyrnu-
stjórinn Arsene Wenger
hjá Arsenal er þó hvergi
banginn.
„Auðvitað hefði ég
viljað hafa alla þá leik-
menn sem eru meidd-
ir en ég einbeiti mér
bara að þeim leik-
mönnum sem ég get
notað. Ég er sann-
færður um að við getum náð
góðum úrslitum úr þessum
leik,“ sagði Wenger í gær.
Porto vann sem kunnugt er
Meistaradeildina tímabilið 2003-
2004 en þrátt fyrir að núverandi
leikmannahópur sé aðeins skugg-
inn af því sigurliði þá eru Portú-
galsmeistararnir klárlega sýnd
veiði en ekki gefin. Sér í lagi gegn
vængbrotnu liði Arsenal.
Fiorentina kom mörgum spark-
spekingum á óvart með sigri í e-
riðli riðlakeppninnar þar sem
Lyon og Liverpool léku og síðast-
nefnda liðið sat eftir.
Fiorentina hittir hins vegar
fyrir Bayern München í fanta-
formi en Bæjarar hafa unnið tólf
leiki í röð í deild, bikar og Meist-
aradeild og hafa enn fremur ekki
tapað leik síðan í byrjun nóvem-
ber. - óþ
Arsenal stendur í ströngu fyrir leik sinn gegn Porto í Meistaradeildinni í kvöld:
Fimm lykilmenn meiddust
GALLAS Fjarri góðu
gamni hjá Arsenal í
kvöld.
NORDIC PHOTOS/AFP
Magnús Þór Gunnarsson hefur spilað vel með Njarðvíkingum í vetur
en hefur líkt og aðrir leikmenn liðsins lent í smá krísu að undanförnu
þar sem liðið tapaði fjórum leikjum í röð. Njarðvík komst loksins á
sigurbraut í síðasta leik en þó án Magnúsar sem var í fríi í leiknum.
En var það lausnin að senda Magnús í frí? „Ég vona
að ég hafi ekki verið vandamálið en við eigum eftir
að ræða það betur,“ segir Magnús Þór í léttum tón
og bætir við: „Þetta var bara smá persónulegt frí
hjá mér.“
Tölur Magnúsar hafa lækkað við komu
Nicks Bradford en Magnús var með 19,5 stig
í leik fyrir komu Nicks en hefur skorað 12,7
stig við hlið Nicks. „Ég datt kannski niður
í fyrstu tveimur leikjunum eftir komu Nicks
en þá voru líka allir lélegir hjá okkur. Við erum ennþá að
slípa okkur saman þó svo að við Nick höfum spilað saman
áður. Við erum að spila ný kerfi og undir nýjum kringum-
stæðum. Við verðum bara betri og betri,” segir Magnús og
hann segir Njarðvíkinga ekkert vera að örvænta þrátt fyrir
slæmt gengi. „Það tapa öll lið einhverjum leikjum og við verðum
bara að halda áfram. Það hefur sannað sig hingað til að Íslands-
meistaratitillinn vinnst ekki í febrúar. Við ætlum að reyna að ná í
deildarmeistaratitilinn en ef það endar ekki vel þá reynum við bara
að ná í annað sætið og erum þá bara í góðum málum með það,“
segir Magnús. „Það skiptir ekki svo miklu máli hvort maður spili
í Keflavík eða í KR-heimilinu. Ef maður spilar á fullu þá vinnur
maður,“ segir Magnús.
„Ég held að vandamálið okkar hafi verið að við höfum verið
bara hræddir við að tapa. Það er aldrei gott þegar þú kemur
ekki í leikinn til að vinna,“ segir Magnús sem segir að liðið
hafi bara átt lélega leiki á móti góðum liðum sem hafi
bara kostað þá tap. „Við erum allir keppnismenn en það
kemur bara í ljós úr hverju menn eru gerðir þegar liðið
er búið að tapa svona mörgum leikjum í röð. Menn sýna
það þegar þeir koma til baka eftir svona taphrinu. Við
vonum að ég hafi ekki verið vandamálið en ætli það
komi ekki bara í ljós í næsta leik ef ég fæ að vera með,”
segir Magnús að lokum.
MAGNÚS ÞÓR GUNNARSSON: MISSTI AF SÍÐASTA NJARÐVÍKURLEIK OG LIÐIÐ VANN LOKSINS LEIK
Ég vona að ég hafi ekki verið vandamálið
HANDBOLTI Kvennalið Fram lenti á
móti HC Metalurg frá Makedóníu
þegar dregið var í átta liða úrslit
Áskorendakeppni Evrópu í gær.
HC Metalurg sló út Slovan Duslo
Sala frá Slóvakíu í síðustu umferð.
Einar Jónsson, þjálfari Fram-
liðsins, veit ekki mikið um vænt-
anlega mótherja en telur Fram-
stelpur eiga ágæta möguleika á að
komast áfram.
„Ég hefði alveg verið til í að fá
lið frá Mið-Evrópu. Það voru svo
mörg lið þar að maður var að gæla
við að fá lið þaðan. Maður verð-
ur bara að taka þessu en ég tel
okkur eiga ágætis möguleika á að
komast áfram og við lítum bara á
þetta þannig,“ segir Einar. Fram-
liðið gat líka lent á móti liðum frá
Frakklandi, Hollandi, Póllandi,
Úkraínu og Þýskalandi.
„Við viljum ná lengra. ÍBV fór
í undanúrslit og Valur líka. Það
væri gaman að komast í næstu
umferð því þá værum við búin að
jafna það,“ segir Einar.
Eftir á að skoða það hvort hægt
sé á að fá báða leikina heim til
Íslands en það komi ekki til greina
að selja heimaleikinn. - óój
Framkonur til Makedóníu:
Eigum ágæta
möguleika
STELLA SIGURÐARDÓTTIR Framstúlkurn-
ar eru í góðu formi. FRÉTTABLAÐIÐ/VILHELM
FÓTBOLTI Jose Mourinho, stjóri
Inter, nýtir sér fjölmiðlaathygl-
ina fyrir Meistaradeildarleikinn
á móti Chelsea, til að kynda undir
sálfræðistríðið fyrir leikinn. Chel-
sea hefur aðeins unnið einn bikar
á þeim tveimur árum sem eru liðin
frá því að Mourinho var rekinn úr
Brúnni.
„Chelsea hefði átt að halda mér
ef félagið ætlaði að vinna fleiri
titla. Chelsea hefur átt bágt síð-
ustu tvö ár og það er engin tilvilj-
un að liðið hafi gefið eftir í kjölfar
þess að ég fór,“ sagði Jose Mour-
inho.
„Ég, leikmennirnir og stuðn-
ingsmennirnir áttum einstakt sam-
band og þegar slíkt er brotið upp
verður það ekki lagað svo auðveld-
lega,“ sagði Mourinho. - óój
Jose Mourinho um Chelsea:
Hefði átt að
halda mér
MOURINHO Skýtur föstum skotum að
forráðamönnum Chelsea.
NORDIC PHOTOS/AFP
KÖRFUBOLTI Einn leikur fór fram
í Iceland Express-deild karla í
körfubolta í gærkvöld þar sem
Stjarnan vann 68-70 á Tindastóli
en staðan var 31-35 gestunum í
Stjörnunni í vil í hálfleik.
Fannar Helgason tryggði
Stjörnunni sigurinn með körfu
þegar sex sekúndur voru eftir og
heimamenn náðu ekki að svara
eftir það.
Djorde Pantelic var stigahæst-
ur hjá Stjörnunni með 22 stig en
Fannar kom næstur með 15 stig.
Hjá Tindastóli var Svavar Birg-
isson stigahæstur með 22 stig.
Stjarnan skaust upp í þriðja
sætið með sigrinum en Tindastóll
er sem fyrr í 9. sæti í harðri bar-
áttu um sæti í úrslitakeppninni.
- óþ
Iceland Express-deild karla:
Stjarnan sótti
sigur á Krókinn
FÓTBOLTI Sextán liða úrslit Meist-
aradeildar Evrópu í fótbolta hófust
í gærkvöldi með tveimur leikjum
þar sem Manchester United vann
góðan 2-3 sigur gegn AC Milan og
Lyon lagði Real Madrid 1-0.
Stórleikur Wayne Rooney
skyggði á þá staðreynd að David
Beckham var að mæta Manchest-
er United í fyrsta skipti síðan hann
yfirgaf félagið fyrir sjö árum.
Heimamenn í AC Milan fengu
hins vegar sannkallaða óskabyrj-
un á San Siro-leikvanginum í gær-
kvöldi þar sem Ronaldinho skor-
aði fyrsta mark leiksins strax á 3.
mínútu. Gestirnir í United voru
ekki sannfærandi framan af leik
og í raun sjálfum sér verstir þar
sem þeir létu heimamenn trekk í
trekk hirða boltann af sér á sínum
eigin vallarhelmingi og upp úr því
hefði AC Milan auðveldlega getað
skorað fleiri mörk í fyrri hálf-
leiknum. Gegn gangi leiksins náði
gamli refurinn Paul Scholes hins
vegar að jafna leikinn með skraut-
legu skoti í stöngina og inn seint í
fyrri hálfleiknum eftir góðan und-
irbúning hjá Darren Fletcher og
staðan var jöfn, 1-1, þegar hálf-
leiksflautan gall.
Það var svo enginn annar en
hinn sjóðandi heiti Wayne Roon-
ey sem kom gestunum yfir um
miðjan síðari hálfleik með glæsi-
legu skallamarki eftir frábæra
sendingu frá varamanninum Ant-
onio Valencia. Rooney var svo
aftur á ferðinni þegar um stund-
arfjórðungur lifði leiks og skor-
aði þá aftur með skalla, í þetta
skiptið eftir sendingu Fletcher.
Þegar allt leit út fyrir þægilegan
sigur United náði varamaðurinn
Clarence Seedorf hins vegar að
minnka leikinn þegar fimm mín-
útur lifðu leiks með glæsilegri
hælspyrnu eftir sendingu frá
Ronaldinho. Í uppbótartíma fékk
Michael Carrick sitt annað gula
spjald og þar með rauða spjald-
ið. Hvorugu liðinu tókst að skora
eftir það og ótrúlegum rússíbana-
leik lauk með 2-3 sigri United sem
setti met í Meistaradeildinni með
því að leika sinn sextánda leik í
röð án þess að tapa.
Kraftlausir Madridingar
Mikið jafnræði var með liðum Lyon
og Real Madrid framan af leik á
Gerland-leikvanginum í gærkvöldi
en Cesar Delgado komst næst því
að skora í fyrri hálfleiknum þegar
hann átti hörkuskot í stöng fyrir
heimamenn en staðan var marka-
laus í hálfleik. Heimamenn voru
fljótir úr startholunum í síðari hálf-
leik og Jean Makoun skoraði með
langskoti og reyndist það vera sig-
urmark leiksins. omar@frettablaðið.is
Rússíbanaleikur á San Siro
Wayne Rooney skoraði tvennu í 2-3 útisigri Manchester United gegn AC Milan
og Lyon hélt góðu gengi sínu áfram gegn Real Madrid með 1-0 heimasigri.
SNILLINGUR Wayne Rooney heldur áfram að sýna snilldartakta með Manchester
United en hann skoraði tvö glæsileg mörk í góðum sigri gegn AC Milan á San Siro-
leikvanginum í gærkvöldi. NORDIC PHOTOS/GETTY