Fréttablaðið - 17.02.2010, Blaðsíða 22

17. FEBRÚAR 2010 MIÐVIKUDAGUR2 ● fréttablaðið ● brúðkaup
Mikilvægt er að brúðhjón panti
kirkju og sal fyrir stóra daginn
með góðum fyrirvara því leiðin-
legt væri ef kirkjan væri upptek-
in á þeim tíma sem þau óskuðu
sér. Sumir panta kirkju, prest og
sal með allt að árs fyrirvara til að
hafa varann á.
Það er ýmislegt sem þarf að
smella saman ef dagurinn á að
vera fullkominn og því gott að
byrja nógu snemma að skipuleggja
brúðkaupsdaginn. Einnig ber að
hafa í huga að tónlistarmenn eru
gjarnan pantaðir allt að ár fram í
tímann og því gott að huga að því í
tæka tíð. - sg
Góð ráð fyrir verðandi brúðhjón
Gamalgróin hefð er fyrir því að
brúðurin klæðist hvítum kjól á
brúðkaupsdaginn. Hvítur litur
táknar hreinleika og hamingju
og hafa margir einnig tengt
hvíta litinn við meydóm. Í forn-
öld var hins vegar mjög dýrt að
bleikja efni og því var hvítur
kjóll tákn um auð.
Brúðarslörið sem stúlkan
bar á höfði sér átti að fela brúð-
ina fyrir illum öndum. Nú eiga
áldósirnar sem bundnar eru
aftan á farartæki brúðhjón-
anna einnig að fæla burtu illa
anda og tryggja hamingjusamt
hjónaband. Sú hefð að kasta yfir
brúðhjónin hrísgrjónum eða
konfetti og að strá rósablöðum
á kirkjugólf á að tryggja frjó-
semi þeirra. - sm
Hefðir og hjátrú
Hvítur litur brúðarkjólsins var tákn
um auð í fornöld.
Mikilvægt er að panta kirkju með ágætum fyrirvara vilji fólk hafa vaðið fyrir neðan sig.
Lisa Marie Le Taroully og Adem
Mahmic eru hvort sinnar trúar
og ákváðu því að sameinast í
annarri trú og gifta sig í henni.
Ásatrú varð fyrir valinu.
„Ég er kaþólsk og Adem er mús-
limi en hvorugt okkar er þó mjög
trúað,“ segir Lisa Marie sem
hefur verið búsett hér á landi í
fimm ár en Adem í tólf ár. „Það
var Jóhanna G. Harðardóttir Kjal-
nesingagoði sem gaf okkur saman
hinn 19. desember 2009 í veislu-
salnum Rúbín,“ segir Lisa og
bætir við að það hafi verið of kalt
til að framkvæma athöfnina úti.
„Inni í salnum var hringur sem
samanstóð af níu kertum. Við
gengum með Jóhönnu að hringn-
um og hún fór inn í hann þar sem
hún helgaði hann meðal annars
með sáttum og griðum og síðan
fórum við inn í hringinn. Jóhanna
helgaði athöfnina Freyju, Frigg og
Vár, sem er verndari sáttmála á
milli karla og kvenna. Við fórum
með eiðana okkar sem við skrif-
uðum sjálf og skiptumst á hring-
um. Síðan mynduðum við hring
með Jóhönnu með höndunum og
hún lýsti okkur hjón. Þá drukk-
um við heillaskál, kampavín úr
horni þegar við vorum orðin gift,“
segir Lise.
„Við Adem vorum í hefðbundn-
um brúðkaupsfötum en athöfnin
fór fram á ensku þar sem við hana
voru samankomnir gestir frá um
þrettán til fjórtán þjóðlöndum. Við
reyndum því að gera þetta dálítið
alþjóðlegt og sem dæmi má nefna
var vinkona mín frá London brúð-
armeyja og svo var magadans-
mey auk þess sem systir Adems
bjó til baklava sem er hefðbund-
in sæt kaka frá heimalandi hans
Bosníu,“ segir Lisa Marie, sem
er hálfíslensk og hálfbresk og af
frönskum ættum. „Ég ber mikla
virðingu fyrir öllum trúarbrögð-
um en ég hef hrifist af ásatrúnni
og ætla að taka hana.“ - uhj
Kaþólikki og múslimi
giftust að heiðnum sið
● SOKKABANDIÐ BOÐIÐ
UPP Víða á Ítalíu tíðkast að leysa
brúðhjón út með fé í lok veislunn-
ar. Ýmsar útgáfur eru til af þeim
sið en oft er sokkaband brúðarinn-
ar eða hálsbindi brúðgumans, og
jafnvel hvort tveggja, klippt niður í
búta í veislulok og hver bútur boð-
inn upp fyrir fé sem rennur til brúð-
hjónanna.
Steggja- og gæsaveislur svo-
kallaðar, þar sem brúður eða
brúðgumi eru „kvödd“ af vinum
sínum skömmu fyrir brúðkaup,
fóru að tíðkast í íslensku samfé-
lagi á 9. áratugnum. Siður þessi
á sér mun lengri sögu erlendis
enda er hann bundinn við borg-
ir og þétta byggð þar sem auð-
velt er fyrir brúðkaupsgesti að
koma saman.
Á Hard Rock Café, sem var
og hét í Kringlunni, voru slík
partí gjarnan haldin í kring-
um 1990, þar sem gestir gæddu
sér oft á marsipantertum sem
voru í líki brjósts eða kynfæra.
Umræður hafa oft myndast um
neikvæðar hliðar fyrirbæris-
ins og greinar verið skrifað-
ar. Árið 1991 birtist til dæmis
grein í Morgunblaðinu um mál-
efnið sem bar yfirskriftina Síð-
asta freistingin? - jma
Síðasta freistingin
Hard Rock Café í Kringlunni var
vinsæll staður fyrir gæsa- og
steggjapartí.
Sé farið í gegnum gömul ís-
lensk dagblöð má rekast á fjöl-
mörg dæmi um öðruvísi íslensk
brúðkaup.
Þannig er sagt frá brúð-
kaupsvígslu og -veislu í Dag-
blaðinu árið 1978 sem hald-
ið var um borð í Akraborg-
inni sálugu. Á þessum tímum,
þegar hipparnir voru búnir að
lýsa frati á borgaralegar venj-
ur, voru brúðkaupin oft orðin
frjálslegri og flippaðri og á
þessu sama ári 1978 má lesa um
brúðkaup þar sem par skrapp
til fógeta í hádeginu á þriðju-
degi og lét gifta sig. Eftir vígsl-
una fóru þau og fengu sér kók
og hamborgara og „þar með var
þetta búið“. - jma
Haldið upp á daginn með stæl
Brúðkaup geta verið af öllum
stærðum og gerðum. Árið 1978 gifti
par sig hjá fógeta og fékk sér svo
hamborgara á eftir.
Þau Lisa Marie og Adem giftu sig í ásatrú. Jóhanna G. Harðardóttir Kjalnesingagoði gaf þau saman við hátíðlega athöfn. FRÉTTABLAÐIÐ/VALLI