Fréttablaðið - 03.04.2010, Síða 6

3. apríl 2010 LAUGARDAGUR
ELDGOS „Dagurinn byrjaði rólega
en umferð jókst mjög þegar líða
tók á daginn. Göngufólk er ekki
eins fjölmennt og verið hefur,
aðallega vegna versnandi veðurs,“
sagði Víðir Reynisson, deildar-
stjóri hjá Almannavörnum, í gær-
kvöldi. Að sögn Víðis skyggði það
á annars góðan dag að tveir ferða-
menn slösuðu sig þegar þeir duttu
í mikilli hálku. Annar þeirra var
fluttur með þyrlu Norðurflugs til
aðhlynningar, en talið er að hann
hafi farið úr axlarlið.
Virkni í eldstöðinni á Fimm-
vörðuhálsi hefur verið stöðug
síðan nýja sprungan opnaðist á
miðvikudag.
Magnús Tumi Guðmundsson,
jarðeðlisfræðingur á Raunvís-
indastofnun, segir að lítils háttar
hraun hafi runnið til vesturs í gær.
Eins sé gígur að hlaðast upp á nýju
sprungunni þótt hann sé enn mun
lægri en þar sem gosið hófst. „Allt
er þetta eftir bókinni og kannski
helst til rólegra en í upphafi.“
Fjöldi fólks leggur leið sína að
gosstöðvunum eins og áður og
áætlað er að á fimmta þúsund
manns hafi safnast saman við
gosið eða dáðst að því úr fjarlægð
þegar mest hefur verið.
Þrátt fyrir ítrekaðar viðvaranir
Almannavarna um erfiðar aðstæð-
ur gengur vanbúið fólk enn frá
Skógum og björgunarsveitir hafa
aðstoðað fjölmarga við að komast
til byggða á nýjan leik. Nokkrir
þeirra voru örmagna.
Víðir segir enn brögð að því að
ferðamenn reyni að komast inn á
lokuð svæði. Tveir reyndu að kom-
ast á Heljarkamb í gær; þeir voru
handteknir og fluttir til skýrslu-
töku.
Víðir staðfestir jafnframt að
björgunarsveitarmenn hafi lent
í stimpingum við fólk sem sættir
sig ekki við að komast ekki inn á
þau svæði sem eru lokuð í örygg-
isskyni. Segir hann þetta mjög
miður og gera störf björgunar-
sveitarfólks erfiðari. Hann hvetur
ferðalanga til að sýna því skilning
að viss svæði séu hættuleg og þeim
sé ekki lokað að ástæðulausu.
Þeir sem hafa lagt leið sína á
Mýrdalsjökul hafa sífellt verið
að færa sig utar í þá slóð sem þar
hefur myndast. Þetta þýðir að
slóðin var komin hættulega nærri
Námskeið um ræktun matjurta
og kryddjurta til heimilisnota
Heiður Björnsdóttir kennir hvernig rækta má
grænmeti og kryddjurtir með lítilli fyrirhöfn!
www.heilsuhusid.is
Áhugasamir skrái sig á
lagmuli@heilsuhusid.is
eða í síma 578 0300
kl:10-18 alla virka daga.
Verð kr. 4.500.-Fimmtud. 8. apríl
Þriðjud. 13. apríl
Þriðjud. 20. apríl
NÝ
NÁMSKEIÐ
Eldgosið á Fimmvörðuhálsi
AF MORINSHEIÐI Dagurinn í gær var engin undantekning og fjöldi fólks hópaðist að gosstöðvunum. Um fimm þúsund manns
hafa notið útsýnisins nær og fjær þegar mest hefur verið. FRÉTTABLAÐIÐ/PJETUR
NÝR GÍGUR Nýja sprungan opnaðist á miðvikudag og gosvirknin hefur verið stöðug
síðan. Gígur hleðst nú upp og barmarnir taldir vera orðnir um tuttugu metrar.
FRÉTTABLAÐIÐ/VILHELM
Örmagna göngufólk
aðstoðað til byggða
Tveir voru fluttir til byggða eftir að hafa slasað sig við gosstöðvarnar á Fimm-
vörðuhálsi í gær. Björgunarsveitir og lögregla hafa haft afskipti af ferðafólki
sem neitar að virða svæðalokanir og tveir voru handteknir.
■ Virknin á gosstöðvunum við Fimmvörðuháls er stöðug í meginatriðum.
■ Gosstrókarnir í nýja gígnum ná um hundrað metra hæð.
■ Litlar hraunspýjur hafa runnið til vesturs.
■ Virknin í gamla gígnum virðist lítið sem ekkert minni, þrátt fyrir að búist
hafi verið við öðru.
■ Lítil jarðskjálftavirkni hefur verið undir og við gosstöðvarnar undanfarinn
sólarhring en þó mældist skjálfti upp á 2,8 á Richter við rætur Krossár-
jökuls laust eftir klukkan tíu í gærmorgun.
Gosið stöðugt í nýja og gamla gígnum
Auglýsingasími
Allt sem þú þarft…
sprungusvæði og var vélsleða ekið
ofan í sprungu um sexleytið í gær.
Enginn slasaðist að sögn lögreglu.
Eins bar á því að ökumenn tækju
ekki tillit til þeirra er fara gang-
andi um svæðið og voru dæmi um
að lægi við slysum.
svavar@frettabladid.is