Fréttablaðið - 07.04.2010, Blaðsíða 11
MIÐVIKUDAGUR 7. apríl 2010 11
SNJÓFLÓÐ Skemmdir urðu á mann-
virkjum þegar snjóflóð féll á
skíðasvæðinu á Siglufirði um
kvöldmat á páskadag. Nýlega var
búið að loka svæðinu.
Flóðið féll meðal annars á lyftu-
skúr á milli barnabrautar og svo-
nefndrar T-brautar auk þess sem
það braut niður sjálfvirka veður-
athugunarstöð.
Að kvöldi mánudags féllu svo
tvö flóð milli Ólafsfjarðar og Dal-
víkur og þurftu björgunarsveitir
að aðstoða fólk úr tveimur bílum
sem óku inn í flóðin.
Súðavíkurvegur var svo lokað-
ur framan af morgni í gær vegna
snjóflóðs sem þar féll. - óká
Snjóflóð féll á skíðasvæði:
Braut veðurat-
hugunarstöð
SNJÓFLÓÐAÆFING Frá æfingu Lands-
bjargar á viðbúnaði vegna snjóflóða árið
2008. FRÉTTABLAÐIÐ/VILHELM
ÞÝSKALAND, AP Þúsundir Þjóðverja
tóku þátt í mótmælagöngum um
páskana gegn stríðinu í Afgan-
istan.
Misfjölmenn mótmæli voru
haldin í tugum borga og bæja
víðs vegar um Þýskaland, og
segja skipuleggjendur mótmæl-
anna að samtals hafi tugir þús-
unda tekið þátt.
Á föstudag létu þrír þýskir her-
menn lífið í Afganistan, en sama
dag urðu þýskir hermenn sex
Afgönum að bana, að sögn fyrir
slysni. - gb
Þúsundir Þjóðverja mótmæla:
Stríði í Afgan-
istan mótmælt
HEILBRIGÐISMÁL Grunur leikur á
að salmonellu-smit sé að finna í
kjúklingi framleiddum af Mat-
fugli ehf. Frekari rannsókn-
ir munu fara fram en þangað til
þykir fyrirtækinu rétt að inn-
kalla vöruna.
Um er að ræða kjúkling með
rekjanleikanúmerið 215-10-08-1-
03. Í samræmi við innra eftir-
lit fyrirtækisins og í samráði við
heilbrigðisyfirvöld hefur verið
unnið að innköllun vörunnar.
Hafi fólk fest kaup á kjúklingi
með fyrrnefndu númeri má skila
vörunni í viðkomandi verslun eða
beint til Matfugls.
Fyrirtækið tekur jafnframt
fram að kjúklingurinn er hættu-
laus fari neytendur eftir leiðbein-
ingum um eldamennsku, steiki í
gegn og gæti þess að blóðvökvi
fari ekki í aðra vöru.
Kjúklingur innkallaður:
Grunur um
salmonellu
Margir teknir
Átján manns voru teknir fyrir ölvun-
arakstur á höfuðborgarsvæðinu um
páskana. Þá voru níu teknir fyrir að
aka undir áhrifum fíkniefna. Ellefu
þeirra sem voru stöðvaðir höfðu
þegar verið sviptir ökuleyfi.
LÖGREGLUFRÉTTIR
Afhenti trúnaðarbréf
Gunnar Snorri Gunnarsson hefur
afhent Ivo Josipovic, forseta Króatíu,
trúnaðarbréf sem sendiherra Íslands
gagnvart landinu. Það gerði hann á
fundi þeirra hinn 1. apríl síðastliðinn.
UTANRÍKISMÁL
Fermingargjöf
sem vex Hafðu samband
— Framtíðarbók Arion banka
Framtíðarbók er góð gjöf frá þeim sem vilja
leggja traustan grunn að framtíð fermingarbarnsins.
Framtíðarbók er verðtryggður innlánsreikningur sem gefur
hæstu vexti almennra verðtryggðra innlánsreikninga.
Innistæðan er laus til úttektar við 18 ára aldur.
Nánari upplýsingar fást hjá þjónusturáðgjöfum í útibúum
eða á .
Öll fermingarbörn sem leggja 25 þúsund kr.
eða meira inn á Framtíðarbók fá bol að eigin vali
úr versluninni Dogma.
ALÞINGI Ráðherrar geta kallað til varamenn
til setu á Alþingi verði frumvarp nítján þing-
manna úr öllum flokkum að lögum.
Í því er gert ráð fyrir að þingmaður geti,
meðan hann gegnir ráðherraembætti, ákveð-
ið að sitja á Alþingi samkvæmt embættis-
stöðu sinni sem ráðherra en ekki þingmaður.
Missir hann því atkvæðisrétt en getur tekið
þátt í umræðum.
Flutningsmenn telja þetta ráðslag til þess
fallið að styrkja ákvæði stjórnarskrárinn-
ar um þrískiptingu valdsins enda séu skilin
á milli löggjafarvaldsins og framkvæmd-
arvaldsins óljós. Í greinargerð er bent á að
fyrir þinginu liggi frumvarp um breytingu á
stjórnarskrá þess efnis að skýrt verði kveðið
á um að þingmaður sem skipaður verði ráð-
herra skuli víkja úr þingsæti á meðan hann
gegnir ráðherraembætti og varamaður hans
taka sæti hans á meðan. „Verði það frum-
varp samþykkt getur breytingin eðli máls
samkvæmt ekki tekið gildi fyrr en á nýju
kjörtímabili. Það frumvarp sem nú er lagt
fram gerir þeim sem svo kjósa kleift að hafa
þennan háttinn á strax á þessu kjörtímabili,“
segir í greinargerðinni.
Í frumvarpinu er miðað við að ráðherra
sem ákveður að kalla til varamann haldi
kjörum sínum. Í því felst að útgjöld Alþingis
aukast sem nemur þingfararkaupi og öðrum
greiðslum til varaþingmannsins.
- bþs
Þingmenn úr öllum flokkum telja nauðsynlegt að treysta þrískiptingu valdsins:
Ráðherrar geti kallað til varamenn
FRÁ ALÞINGI Í nýju frumvarpi er gert ráð fyrir að
þingmaður sem verður ráðherra geti setið á þingi sem
ráðherra en ekki þingmaður.