Fréttablaðið - 07.04.2010, Blaðsíða 30

MARKAÐURINN 7. APRÍL 2010 MIÐVIKUDAGUR10
F R É T T I R
„Ansi ert þú vel akandi,“ heilsaði
undirrituðum vinnufélagi á fyrsta
degi reynsluaksturs 2006 árgerðar
af Toyota Land Cruiser 120 jeppa
sem finna má í deild notaðra bíla
hjá Toyota í Kópavogi. Fleiri urðu
til þess að hafa orð á bílakostinum.
Jeppinn er þannig að eftir honum
er tekið.
Tilfinningin þegar stigið var upp
í jeppann var heldur ekki að um
notaðan bíl væri að ræða, svo vel
hefur verið um hann hugsað. Þó er
hann ekinn tæpa 80 þúsund kíló-
metra. Ljóst leður er í sætum og
innréttingin smekkleg. Milli sæta
ökumanns og farþega er að finna
glasa-/flöskuhaldara og rúmgott
geymslubox.
Bíllinn er mjög þægilegur í lang-
keyrslu, krafturinn nægur og fyrir-
hafnarlítið að halda lögbundnum
hámarkshraða upp brekkur, hvort
sem það eru Kambarnir eða Lög-
bergsbrekka. Fremur er að maður
þurfi að gæta sín á að fara ekki of
greitt. Þá er líka gott að geta reitt
sig á skriðstillinn (e. cruise control)
til þess að halda sér innan ramma
umferðarlaga og -reglna. (Og þarf
vart að nefna að slík græja er nauð-
synleg í forstjórabílnum, svona til
þess að tryggja átakalítinn akstur
heim eftir annasaman dag.)
Annars býr ökutækið yfir öllum
þeim kostum sem prýða eiga góðan
jeppa. Há drif og lág, hægt að læsa
mismunadrifi og svo er fjöðrunin
þannig úr garði gerð að hægt er
að hækka bílinn og lækka. Annars
er það kannski helst fjöðrunin sem
hægt er að hnýta í því undirrituð-
um fannst bíllinn helst til of hast-
ur og eins gott að hægja vel á yfir
hraðahindranir. Líkast til er það þó
nokkuð sem fylgir því að aka um á
stórum jeppa.
Þá er skemmtilegt að hafa meðal
mælitækja í mælaborði hæðar- og
loftþrýsingsmæli, en að auki er
vitanlega hægt að sjá upplýsingar
um lofthita og um eldsneytiseyðslu,
hvort heldur sem er hverju sinni,
eða jafnaðareyðslu.
Af dísilbifreið af þessari stærð
telst eyðslan líkast til ekki yfirdrif-
in. Jafnaðarmæling sýndi 12 lítra á
hverja hundrað kílómetra í blönd-
uðum akstri.
Þó er kannski ástæða til að
staldra líka við uppsett verð, 6,7
milljónir króna, sem líkast til er
í hærri kantinum miðað við sam-
bærilega jeppa. Þó verður að skoða
verðið í samhengi við að Toyota-
bílar hafa alla jafna haldið sér vel
í verði og verið eftirsóttir í endur-
sölu. Þá er verðið ekki nema tæpur
helmingur af verði nýs bíls af sömu
gerð.
Forstjórabíll þarf að standa
undir nafni. Bílakosturinn má ekki
gefa til kynna að fyrirtæki eigand-
ans stefni hraðbyri í gjaldþrot. Þá
þarf bíllinn að reynast vel jafnt í
snatt innanbæjar og í hverjar þær
ferðir aðrar sem starfið kann að
kalla á.
Blessunarlega eru flestar leið-
ir sem kalla á forstjóraferðir inn-
anlands malbikaðar og því engin
nauðsyn að vera á jeppa. Tilfinn-
ingin sem fylgir því að vera á Land
Cruisernum var engu að síður sú
að maður væri fær í flestan sjó.
Breytir þá engu hvort haldið skuli
á einhvern af golfvöllum landsins,
í veiði, eða á fund. Bíllinn kemur
manni á áfangastað.
Þá er hann rúmgóður og sjálf-
virkur hitastillir miðstöðvarinn-
ar tryggir að þurfi maður að nota
bílinn sem skrifstofu undir viðtal
í næði, þá er vel hægt að halda í
honum stuttan fund, hvar sem
maður kýs að leggja.
Dómurinn er því að hvaða for-
stjóri sem er gæti verið stoltur af
því að aka um á kolsvörtum Toy-
ota Land Cruisernum, jafnvel þótt
svo hann sé ekki alveg spánnýr.
Bíllinn er sem nýr á að líta. Þá er
ekki laust við að mann renni í grun
að á þessum tímum veki forstjóri
sem lætur sér nægja að eyða sex
til sjö milljónum í bíl undir sjálf-
an sig meira traust en sá sem er
tilbúinn að henda 15 til 20 milljón-
um í nýjan bíl.
Þetta var algeng sjón á vorin
fyrir ekki svo mörgum árum;
grásleppukarlar að bjóða signa
grásleppu eða rauðmaga við Æg-
isíðu. Skúrarnir eru eitt þekkt-
asta kennileiti borgarinnar og
búa yfir miklu aðdráttarafli, þótt
útgerð sé dottin upp fyrir þar.
Þessi mynd var tekin fyrir 30
árum og einu betur, nánar til-
tekið í maí 1979. Grásleppukarl
hefur fengið unga pilta með sér
í lið til að selja aflann. Í bak-
grunni glittir í Sörlaskjól og
Faxaskjól. Áform voru uppi um
að rífa gömlu grásleppuhjallana
en við þau var hætt. Þeir fá því að
standa áfram svo lengi sem þeir
kæra sig um.
Hrogn grásleppunnar eru eft-
irsótt útflutningsvara, ekki síst
nú um stundir, en verð á hrogn-
um hefur hækkað um 50 prósent
á milli ára.
Verslað með grásleppu
í miðri Reykjavík
HÖNDLAÐ MEÐ FISKINN Ungir piltar námu af þeim eldri að selja signa grásleppu
og annan afla á árum áður. Sala sem þessi heyrir nú sögunni til.
MARKAÐURINN/LJÓSMYNDASAFN REYKJAVÍKUR
TOYOTA LAND CRUISER 120 Kolbikasvartur og vel við haldinn jeppinn vekur athygli
þar sem á honum er komið. Bíllinn er verulega lipur í akstri þótt ökumaður glati samt
aldrei tilfinningunni sem því fylgir að vera undir stýri á jeppa. FRÉTTABLAÐIÐ/VILHELM
YFIR HEIÐINA MEÐ ÓLA KRISTJÁNI
Bíll sem eftir er tekið
Toyota Land Cruiser 120, árgerð 2006
Ásett verð: 6.740.000 krónur
Ekinn: 79.900 km
Lengd: 471,5 cm
Breidd: 188,5 cm
Litur: Svartur
Sætafjöldi: 5
Þyngd: 2.175 kg
Burðargeta: 725 kg
Slagrými: 2.982 cm3
Afl: 122 kW
Eldsneyti: Dísilolía
H E L S T U S T A Ð R E Y N D I R
Óli Kristján
Ármannsson
blaðamaður
tekur til kost-
anna notaða bíla
og metur hvort
þeir fái staðið
undir því að kall-
ast forstjórabílar.
Ú R F O R T Í Ð I N N I
„Andrés Önd er aðeins til á raf-
rænu formi á ensku. Þetta er ekki
til hér og verður bylting í útgáfu-
geiranum,“ segir fjölmiðlamaður-
inn Jón Axel Ólafsson, markaðs-
stjóri útgáfufélagsins Eddu, sem
hefur lagt grunninn að því að gera
eigendum iPad-tölva kleift að lesa
Andrés-blöðin.
Jón Axel hefur um árabil verið
aðdáandi bandaríska tækniris-
ans Apple, sem setti iPad-tölvuna
á markað um páskana. Jón pant-
aði eina slíka og
ætlaði vinafólk
hans að færa
h o n u m h a n a
þegar það snýr
heim að utan á
föstudag. Jóni
leiddist biðin og
útvegaði sér hana
eftir öðrum leið-
um. „Þetta er betri
græja en ég átti von
á,“ segir hann.
Tölva Jóns er sú
stærsta af i Pad-
tölvunum þremur
sem koma á mark-
að að þessu sinni, eða
með 64 gígabæta harð-
an disk. Líkt
og fram kom
í Fréttablað-
inu í gær er
ekki búist við
að iPad-tölv-
ur verði fáan-
legar með ís-
lensku lyklaborði
fyrr en í fyrsta lagi um næstu jól.
Jón Axel segir það ekki verða til
trafala.
Jón Axel segir iPad-tölvuna
ekki koma í stað fartölva. „Ég held
að hún sé sniðug fyrir þá sem eru
á ferðinni. Hún er fín fyrir minni
háttar mál. Þetta er ekki græja
fyrir skólafólk.“ - jab
Andrés Önd ryður iPad-brautina
JÓN AXEL ÓLAFSSON Markaðsstjóri útgáfufélagsins Eddu gat
ekki beðið fram á föstudag eftir nýjustu tölvunni frá Apple.
„Við höfum haft nóg fyrir stafni
öll þessi ár að framleiða hug-
myndir fyrir aðra,“ segir Sig-
urður Kaldal, annar stofnenda
fyrirtækisins Koma. Sigurður
og Gotti Bernhöft stofnuðu fyr-
irtækið fyrir sex árum og hafa
þeir frá upphafi unnið með hönn-
uðum sem vilja raungera hug-
myndir auk þess að sérmerkja
vörur fyrir fyrirtæki. Fastir
starfsmenn eru þrír.
Segja má að Koma brúi bilið
á milli hugmynda og fram-
leiðslu. „Stundum hefur hingað
komið fólk með hugmyndir og
við höfum hjálpað því að fjölda-
framleiða hlutinn fyrir heim-
inn,“ segir Sigurður en frá Koma
hefur komið fjöldi þekktra hluta
í daglegu lífi, svo sem Blaðber-
inn svokallaði auk vinsælla borð-
spila.
Á meðal þekktari afurða Koma
um þessar mundir er segul-
snúruhaldarinn Magnet, sem
kom á markað í kringum síð-
ustu jól. Þróunarvinna tók eitt
ár og sá Koma um framleiðsluna
á skrifstofu fyrirtækisins í Kína.
Þar er jafnframt einn starfsmað-
ur sem ræður aukafólk til stærri
verka. Þar er líka lager fyrir-
tækisins og hefur snúruhaldar-
anum verið dreift þaðan til rúm-
lega tuttugu landa. - jab
Framleiða hugmyndir
fyrir heiminn
STOFNENDURNIR Þeir Gotti Bernhöft
og Sigurður Kaldal hafa gert hugmyndir að
veruleika í sex ár. MARKAÐURINN/GVA
Suðurhraun 1 - Garðabær - Sími 595 0300 - www.isafold. is
Eitt nafnspjald?
100.000 bæklingar?
Leitið tilboða
F Y R I R T Æ K I