Fréttablaðið - 07.04.2010, Blaðsíða 17
Sögurnar... tölurnar... fólkið...
Forstjórabíll annó 2010
Reynsluakstur
á notuðum bíl
10
Stjórnir fyrirtækja
Karlar í mörgum
stjórnum
2
Ferðaþjónusta
Nauðsynlegt að
jafna strauminn
6-7
Veffang: visir.is – Sími: 512 5000
H E L S T Í Ú T L Ö N D U M
Miðvikudagur 7. apríl 2009 – 4. tölublað – 6. árgangur
Úrvalsvísitalan (OMXI6) rauf 960
stiga múrinn í Kauphöllinni eftir
hádegið í gær og hefur hún ekki
verið hærri innan dags síðan 17.
febrúar í fyrra. Vísitalan hefur
hækkað um 17,8 prósent frá ára-
mótum.
Úrvalsvísitalan, sem saman-
stendur af sex veltumestu hluta-
félögunum sem skráð eru á mark-
að, tók við af OMXI15-vísitölunni
í ársbyrjun 2009.
Helmingur félaganna sex eru
færeysk. Bakkavör verður tekið
úr vísitölunni um miðjan mánuð-
inn. Ekki liggur fyrir hvaða félag
tekur sæti þess.
Úrvalsvísitalan nýja stóð í þús-
und stigum á fyrsta viðskipta-
degi í fyrra og rauf þúsund stiga
múrinn innan tveggja fyrstu við-
skiptadaganna áður en hún tók að
gefa hratt eftir. - jab
Vísitalan við
upphafspunkt
Pétur Gunnarsson
skrifar
Ætla má að tekjur lífeyrissjóðanna hefðu verið 50-
100 milljörðum króna hærri en raun bar vitni á síð-
asta ári ef gjaldeyrishöftin kæmu ekki í veg fyrir
að þeir gætu nýtt heimildir til að fjárfesta erlendis
með svipuðum hætti og síðustu ár.
Þetta er mat heimildarmanna úr lífeyrissjóðakerf-
inu. Gjaldeyrishöftin og skortur á erlendu fé hafa
einnig leitt til þess að lífeyrissjóðir hafa ekki getað
uppfyllt samninga um að taka þátt í fjárfestingar-
verkefnum erlendis.
Sjóðirnir eru bundnir með sitt fé hér á landi þar
sem lítið er um tækifæri til fjárfestinga, önnur en
ríkistryggt skuldabréf.
Erlendar eignir eru um fjórðungur af eignum sjóð-
anna. Lífeyrissjóðum er heimilt að fjárfesta fyrir
helming tekna sinna erlendis. Sú heimild hefur ekki
verið nýtt að fullu í gegnum árin. Væru gjaldeyris-
höftin ekki til staðar og helmingur teknanna hefði
notið markaðsávöxtunar erlendis síðasta ár má ætla
að tekjur sjóðanna hefðu orðið 100-150 milljörðum
króna hærri en raunin varð síðasta ár.
Að jafnaði hafa um 25 prósent verið fjárfest er-
lendis. Ef sú væri enn raunin hefðu tekjurnar orðið
50 til 75 milljörðum hærri en raunin varð miðað við
markaðsávöxtun.
Við þær aðstæður, sem eru í innlendu efnahags-
lífi, segja heimildir Markaðarins að forsvarsmenn
sjóðanna hefðu viljað nýta sér heimildir til erlendra
fjárfestinga í mun meiri mæli en gert var að jafn-
aði fyrir hrun. Miðað við það sé sennilegt að sjóðirn-
ir hefðu í raun hagnast um hundrað milljarða króna
hærri fjárhæð á erlendum fjárfestingum en raunin
varð. „Það er aldrei hægt að fullyrða nákvæmlega
hverjar tölurnar væru en það er hægt að fullyrða
að þetta hefur haft neikvæð áhrif á sjóðina,“ sagði
framámaður í lífeyrissjóðakerfinu. Eins og margir
aðrir í hans stöðu sér hann fram á að þurfa líklega
að skerða réttindi sinna lífeyrisþega á þessu ári.
Lífeyrissjóðir verða
af tugmilljörðum
Ætla má að lífeyrissjóðir hafi misst möguleika á tekjum sem
nema milli 50 til 100 milljarða króna vegna gjaldeyrishafta.
Þ R Ó U N V Í S I T Ö L U N N A R
Úrvalsvísitalan frá upphafi árs 2009 til
6. apríl 2010.
Jan. 2009 apr. 2010
1000
800
600
400
Keyrt á málaferli Hundruð
einkamála hafa verið höfðuð á
hendur japanska bílaframleiðand-
anum Toyota vegna innköllunar
bifreiða með bremsugalla. Toyota
skoðar nú hvort skárra sé að fall-
ast á 16,4 milljarða dala sekt, sem
væri viðurkenning á afglöpum,
eða verjast bandarískum stjórn-
völdum fyrir dómi, sem hefði í för
með sér slæmt umtal.
Fjárhættuspilarar Ein af afleið-
ingum heimskreppunnar er sú að
mjög hefur dregið úr umsvifum
fjárhættuspilara í Norður-Dakóta,
en þar hefur sú iðja verið stund-
uð af meira kappi en annars stað-
ar í Bandaríkjunum. Á síðasta ári
eyddu íbúar og ferðamenn þar 250
milljónum dala í spilavíti, bingó,
happdrætti og önnur fjárhættu-
spil.
Kæra mútugreiðslur Franska
olíufyrirtækið Total var ákært
fyrir mútugreiðslur til Íraks á ár-
unum 1996-2003, þegar olíusölu-
bann Sameinuðu þjóðanna á hend-
ur Írak var í gildi. Þetta kemur
fram í ársskýrslu olíurisans, sem
birt var á föstudag. Rannsóknir
hafa staðið yfir árum saman og
sér ekki fyrir endann á þeim.
• Hagstæðar afborganir
• Söluaðilar geta valið um lán með breytilegum vöxtum eða vaxtalaus
• Söluaðilar greiða ekkert þjónustagjald af Kortalánum
• VALITOR greiðir út til söluaðila annan virkan dag eftir að sala fer fram
FYRIRTÆKJALAUSNIR VALITOR • Laugavegi 77 • 101 Reykjavík • fyrirt@valitor.is • www.valitor.is
Svansmerkt
prentverk
ÁHYGGJULAUST ÆVIKVÖLD Lífeyrir hefur hækkað undan-
farin ár, enda verðtryggður. Fram undan er hins vegar skerðing
greiðslna til lífeyrisþega hjá fjölmörgum sjóðum. FRÉTTABLAÐIÐ/HARI