Fréttablaðið - 09.04.2010, Blaðsíða 29

FÖSTUDAGUR 9. apríl 2010 3
„Ég ætla að flytja perlur eftir
nokkra frábæra tónlistarmenn
eins og Dylan, Cohen, Lennon og
U2, við undirleik Kjartans Valde-
marssonar píanóleikara. Líka að
ræða aðeins um textana og úr
hvaða jarðvegi tónlistin er sprott-
in. Þetta eru allt lög sem hafa haft
sterk áhrif á mig gegnum árin,“
segir Þórunn þegar fræðst er
um dagskrá hennar í Þjóðleik-
húskjallaranum. Fyrsta gigg er
í kvöld klukkan 20 og það næsta
annað kvöld á sama tíma.
Leikarar eru hæfileikafólk sem
liggur margt á hjarta að sögn Þór-
unnar og hún efast ekki um að
margt skemmtilegt eigi eftir að
koma fram á Kvöldstundum með
listamanni, tónlist, ljóðalestur,
leiklist, jafnvel uppistand. „Mín
kvöld verða eitthvað fram á vorið
en þetta er auðvitað tilrauna-
starfsemi enn þá. Við hoppum út
í djúpu laugina og gerum það af
heilum hug og heitu hjarta. Svo
tekur einhver annar við keflinu
með haustinu. Það eina sem
hefur verið ákveðið er að engar
reglur eru fyrir því hvað verði til
flutnings.“
Þau Þórunn og Kjartan hafa
unnið saman áður, meira að segja
í Þjóðleikhúskjallaranum. Þá
voru þau með Kjallarakabarett
og fluttu lög frá ýmsum tímum,
ásamt hljómsveit. „Þetta var í
lok síðustu aldar, þá átti fólk oft
skemmtileg kvöld í Kjallaranum
yfir kaffibolla eða rauðvínsglasi
og það er eitthvað sem mig langar
að endurvekja.
Kjallarinn er svo dásamlegur
staður, þar er nálægðin svo mikil
og því myndast hæfileg djass-
kjallarastemning,“ segir Þórunn.
Hún tekur fram að kvöldstund-
in hennar taki góðan klukkutíma
og aðgangseyrir sé bara þúsund
krónur. gun@frettabladid.is
Lög sem hafa haft áhrif
Kvöldstund með listamanni er yfirskrift skemmtana sem hefjast í Þjóðleikhúskjallaranum um helgina.
Þar setja leikarar Þjóðleikhússins saman dagskrá að sínum hætti. Þórunn Lárusdóttir ríður á vaðið.
„Við hoppum út í djúpu laugina og gerum þetta af heilum hug og heitu hjarta,“ segir
Þórunn um dagskrána sem hún og Kjartan Valdemarsson píanóleikari frumflytja í
kvöld í Þjóðleikhúskjallaranum. FRÉTTABLAÐIÐ/GVA
NÝJAR
SUMARVÖRUR
Gakktu inn í sumarið ...
... með Paco Gil
bankastræti 7 101 reykjavík sími 551 3470reykjavík
A
N
T
O
N
&
B
E
R
G
U
R
Við vorum að fá nýja sendingu
af æðislegum Paco Gil sumarskóm.
Verð frá 37.800 kr.
Art & design / Sjøfn Har / Skólavörðustígur 41
101 Reykjavík, Sími: 551 0606 / 894 0367
sjofnhar.is • sjofnhar@sjofnhar.com
Opið kl. 13–18
Laugard. kl. 12–18
Innrammaðar í 40 x 40 cm eða 18 x 18 cm
Vandaðar seríur af konumyndum.
‚frænkan‘
‚íslenskt landslag‘