Fréttablaðið - 10.04.2010, Blaðsíða 2

2 10. apríl 2010 LAUGARDAGUR
Kristján, drakkstu í þig þessa
reynslu?
„Já, og þessi sýn og akstur fara ekki
saman.“
Kristján Möller samgönguráðherra kynnti
sér færanlegt forvarnahús Sjóvár í fyrra-
dag og meðal þess sem hann prófaði
voru sérstök gleraugu sem líkja eftir
því hvernig sjónin breytist eftir drykkju
áfengis.
Sparnaði þínum er vel varið hjá Auði
Opinn kynningarfundur
þriðjudaginn 13. apríl kl. 17:15
að Borgartúni 29.
Taktu góða ákvörðun
Eignastýring og
séreignarsparnaður
Allir velkomnir
NORÐUR-KÓREA, AP Norður-Kóreu-
stjórn gefur lítið fyrir orð Baracks
Obama Bandaríkjaforseta í vik-
unni, þegar hann kynnti breytta
stefnu Bandaríkjastjórnar gagn-
vart beitingu kjarnorkuvopna.
Samkvæmt nýju stefnunni setja
Bandaríkin sér þá reglu að beita
aldrei kjarnorkuvopnum gegn
öðrum en ríkjum sem þegar hafa
yfir kjarnorkuvopnum að ráða.
Þetta eigi að vera öðrum ríkjum
hvatning til að losa sig við kjarn-
orkuvopn.
Norður-Kórea segir þessa nýju
stefnu fjandsamlega í sinn garð og
heitir því að halda áfram að við-
halda og byggja upp kjarnorku-
vopnabúr sín. - gb
Hafnar kröfu Bandaríkjanna:
Framleiða fleiri
kjarnorkuvopn
ELDGOS „Nýting gervitungla er
mjög skemmtileg viðbót,“ segir
Magnús Tumi Guðmundsson jarð-
eðlisfræðingur, um nýjan búnað
bandarísku geimvísindastofnun-
arinnar (NASA), sem gerir vís-
indamönnum mögulegt að fylgjast
með gosinu við Fimmvörðuháls úr
geimnum.
Á fréttavef NASA segir að bún-
aðurinn hafi reiknað út að um sex
tonn af hrauni hafi runnið upp á
yfirborðið í gosinu á hverri sek-
úndu. Magnús segir það vanmat.
Ætla megi að magnið hafi verið
allt að tífalt meira. - jab
NASA sér gos úr geimnum:
Vanmeta magn
hraunsins
GOSIÐ NASA hefur fylgst með gosinu
úr gervihnetti síðan það hófst fyrir um
þremur vikum. FRÉTTABLAÐIÐ/ANTON
NÝSKÖPUN Hanna Birna Kristjáns-
dóttir borgarstjóri og Katrín Jak-
obsdóttir menntamálaráðherra
undirrituðu í gær samkomulag
um aukafjárveitingu til Nýsköp-
unarsjóðs námsmanna upp á 120
milljónir króna, 90 milljónir koma
frá ríkinu en 30 frá borg.
Með aukafjárveitingunni er
horft til þess að draga úr atvinnu-
leysi meðal háskólanema. Búist er
við að fjárveiting úr Nýsköpunar-
sjóði geri allt að fjögur hundruð
nemum kleift að starfa við sjálf-
stæðar rannsóknir í sumar. - jab
Aukið fé til rannsókna:
Fjögur hundr-
uð fá vinnu
SKÓLAMÁL Leikskóli verður í Engi-
dalsskóla í Hafnarfirði frá næsta
hausti ef tillaga þess efnis verður
ofan á eftir umræðu sem nú fer
fram um skólastarfið í norðurbæ
Hafnarfjarðar. Efstu bekkirnir í
Engidalsskóla, sem nú nær upp í
sjöunda bekk, myndu þá flytjast
yfir í Víðistaðaskóla sem nær frá
fyrsta upp í tíunda bekk.
Lúðvík Geirsson bæjarstjóri
kveður stefnt að niðurstöðu síðar
í mánuðinum. Hann bendir á að
nemendum í Engidalsskóla hafi
fækkað mikið og stefni að óbreyttu
að þeir verði aðeins um tvö
hundruð næsta haust. - gar
Hagræðing í Hafnarfirði:
Leikskólabörn í
grunnskólann
VIÐSKIPTI Skattrannsóknarstjóri hefur krafist kyrr-
setningar á eignum tveggja auðmanna vegna ríf-
lega hundrað milljóna króna skattakröfu á hendur
þeim. Farið verður fram á tugi kyrrsetninga á
næstu vikum, meðal annars á eignum útrásarvík-
inganna. Skattrannsóknarstjóri segir bankareikn-
inga hafa verið tæmda fyrir framan nefið á ríkinu.
Þetta kom fram í fréttum Stöðvar 2 í gær.
Stefán Skjaldarson skattrannsóknarstjóri segir
að ríkið eigi ekki annan kost en að kyrrsetja eignir
þeirra sem eru til rannsóknar og í raun hefði þurft
að bregðast fyrr við.
Hinn 30. mars síðastliðinn voru samþykktar
breytingar á lögum um tekjuskatt. Þær fela meðal
annars í sér að til tryggingar greiðslu væntan-
legrar skattkröfu í málum sem eru í rannsókn hjá
skattrannsóknarstjóra sé heimilt að krefjast kyrr-
setningar hjá skattaðila ef hætta þykir á að eign-
um verði skotið undan eða þær glatist eða rýrni
að mun. Stefán Skjaldarson skattrannsóknarstjóri
segir að nú þegar sé búið að krefjast kyrrsetningar
eigna.
Stefán segir að tugir mála muni fara þessa
leið á næstu vikum. Miðað sé við að skattkrafan
sem verður grundvöllur kyrrsetningarinnar
nemi að lágmarki 50 milljónum króna. Endanleg
skattkrafa sé þó ekki sama upphæð og krafist sé
kyrrsetningar á. - ghh
Skattrannsóknarstjóri telur hættu á að eignum verði skotið undan:
Vill kyrrsetja eignir auðmanna
STEFÁN SKJALDARSON Skattrannsóknarstjóri segir að ríkið eigi
ekki annan kost en að kyrrsetja eignir auðmannanna tveggja.
FJÁRMÁL Mál Lárusar Welding,
fyrrverandi bankastjóra Glitnis,
og Jóns Ásgeirs Jóhannessonar og
Pálma Haraldssonar, stærstu eig-
enda bankans, vekur furðu, að sögn
Jóhönnu Sigurðardóttur forsætis-
ráðherra. Hún segist hafa orðið
agndofa yfir því. „Manni finnst
ótrúlegt að þetta hafi getað gerst
inni í bönkunum eins og fram hefur
komið í þessum tölvupóstum. Það
er mjög mikilvægt að þetta fari
réttar leiðir og í þessu tilviki á að
vísa þessu máli til sérstaks sak-
sóknara,“ sagði hún á blaðamanna-
fundi í gær.
Slitastjórn og skilanefnd Glitnis
greindi frá því sömuleiðis að þær
ætli að senda sérstökum sak-
sóknara kynningu á þeim málum
sem þremenningarnir og þremur
starfsmönnum bankans til viðbót-
ar hefur verið stefnt fyrir. Þeir
Jón Ásgeir og Pálmi eru grunað-
ir um að hafa misnotað stöðu sína
sem aðaleigendur bankans. Allir
hinna stefndu eru grunaðir um
refsiverða háttsemi.
Í tilkynningu sem slitastjórn
og skilanefnd sendi frá sér vegna
málsins kemur fram að við
afgreiðslu þeirra mála sem upp
komi hafi Glitnir átt samstarf við
embætti sérstaks saksóknara og
fjármálaeftirlit í tengslum við það.
- jab
FORSÆTISRÁÐHERRA Mikilvægt er að
öll mál fari réttar boðleiðir, að sögn
Jóhönnu Sigurðardóttur.
FRÉTTABLAÐIÐ/VILHELM
Forsætisráðherra agndofa yfir málum bankastjóra og eigenda Glitnis:
Allt fer til sérstaks saksóknara
Stal slátri og kjúklingi
Karl á fimmtugsaldri var handtekinn
í Reykjavík í fyrradag en hann hafði
stolið fartölvu, tölvuskjá og síma
frá starfsfólki í stofnun einni. Við
leit á þjófnum kom einnig í ljós
sláturkeppur og frosinn kjúklingur.
LÖGREGLUMÁL
SLYS Ungur piltur slasaðist við
tölvuleik á höfuðborgarsvæð-
inu í fyrradag. Slysið átti sér
stað á heimili drengsins en af
ókunnum ástæðum hoppaði
hann upp úr sófa og rak höfuð-
ið í loftið meðan á leiknum stóð.
Pilturinn fékk skurð á höfuðið
og var fluttur á slysadeild til
aðhlynningar en meiðslin telj-
ast minni háttar. Ekki er vitað
hvaða tölvuleik drengurinn var
að spila.
Ungur piltur á slysadeild:
Slasaðist við að
spila tölvuleik
UMHVERFISMÁL Ræktun lúpínu á
Íslandi verður stórlega takmörkuð
frá því sem nú er, samkvæmt nýrri
áætlun umhverfisráðuneytisins.
Svandís Svavarsdóttir umhverfis-
ráðherra fól í nóvember í fyrra þeim
Sveini Runólfssyni landgræðslu-
stjóra og Jóni Gunnari Ottóssyni,
forstjóra Náttúrufræðistofnunar
Íslands, að gera áætlun um aðgerð-
ir til að stemma stigu við útbreiðslu
alaskalúpínu og uppræta hana þar
sem hún sé óæskileg. Niðurstaða
þeirrar vinnu var kynnt á blaða-
mannafundi í umhverfisráðuneytinu
í gær. Einnig var fjallað um plönt-
una skógarkerfil sem eins og lúp-
ínan reyndist útbreiddari á hálend-
inu og friðlýstum svæðum en áður
var talið. Skýrsluhöfundar leggja til
að setja þessum tegundum strang-
ar skorður til að takmarka neikvæð
áhrif þeirra en jafnframt nýta lúp-
ínuna á völdum svæðum til land-
græðslu og ræktunar.
Meðal annars er lagt til að gerð
verði lagabreyting þannig að rækt-
un lúpínu verði algerlega bönnuð í
yfir 400 metra hæð yfir sjó í stað
500 metra áður. Skipa á sérstaka
aðgerðastjórn vegna baráttunnar
við þessar plöntur sem fyrst voru
fluttar til Íslands í kringum árið
1900 og eru nú farnar að drepa
niður annað plöntulíf.
„Á ári líffræðilegrar fjölbreytni
þarf að huga sérstaklega að þeim
þeim þáttum sem varða ágengar
tegundir. Þar hefur farið fremst í
flokki alaskalúpínan,“ sagði Svandís
Svavarsdóttir umhverfisráðherra.
Sigurður H. Magnússon frá
Náttúrfræðistofnun Íslands sagði
áhrifaríkustu leiðina til að eyða
lúpínu vera að úða hana með eitri.
Sveinn Runólfsson landgræðslu-
stjóri sagði aðspurður á fundum að
sú aðferð væri ítarlega rannsökuð
og myndi ekki valda skaða ef rétt
væri staðið að verki. Sauðfjárbeit
og sláttur lúpínunnar eru tvær
aðferðir sem einnig voru nefndar.
Báðir vildu Sveinn og Sigurður þó
fyrst og fremst höfða til almenn-
ings að vera meðvitaðan um óæski-
leg áhrif lúpínunnar.
„Lúpínan hefur alltaf fengið blóð-
ið til að renna í fólki, einhverra
hluta vegna,“ svaraði Svandís spurð
hvort hún ætti jafnvel von á pólit-
ískum deilum vegna hinnar nýju
stefnu ráðuneytisins. „Bæði nátt-
úruverndarsinnar og landgræðslus-
innar hafa haft á þessu miklar skoð-
anir – eðlilega vegna þess að þarna
er um mjög kraftmikla plöntu að
ræða sem er frábær landgræðslu-
planta en um leið mjög ógnandi
við náttúrulegt umhverfi. Það sem
ég er að freista þess að gera með
þessari vinnu og þessari skýrslu er
að leiða þessi sjónarmið saman og
leita leiða til að stemma stigu við
lúpínunni þar sem hún á alls ekki
heima.“ gar@frettabladid.is
Ráðherra lýsir stríði
á hendur lúpínunni
Takmarka á tjón af völdum alaskalúpínu hérlendis með því að hefta útbreiðslu
hennar og uppræta þar sem hún veldur skaða. Umhverfisráðherra segir nýja
áætlun eiga að sameina sjónarmið náttúruverndarsinna og landgræðslufólks.
AÐGERÐIR KYNNTAR Sigurður H. Magnússon, Sveinn Runólfsson, Svandís Svavars-
dóttir og Jón Gunnar Ottósson kynntu í gær mikla stefnubreytingu varðandi ræktun
alaskalúpínu. FRÉTTABLAÐIÐ/VALLI
Í ESJUHLÍÐUM Alaskalúpínu og skógar-
kerfli verða settar strangari skorður,
samkvæmt niðurstöður nefndarinnar.
SPURNING DAGSINS