Fréttablaðið - 10.04.2010, Qupperneq 8

8 10. apríl 2010 LAUGARDAGUR
UPPLÝSINGATÆKNI Auðkennistölur
fyrir tölvur á internetinu (IPv4)
eru við það að klárast. Í nýrri
skýrslu Efnahags- og framfara-
stofnunarinnar (OECD) kemur
fram að í mars á þessu ári hafi
ekki verið eftir nema átta prósent
af IP-tölum þessarar gerðar.
Í skýrslu OECD er fjallað um
hvernig gengur að koma á næstu
kynslóð auðkenna í netsam-
skiptum, en hún nefnist Internet
Addressing: Measuring Deploym-
ent of IPv6.
Bent er á að klárist IPv4 auð-
kenni áður en næstu kynslóð hefur
verið komið almennilega í gagnið
gæti það þýtt að nýir netnotend-
ur og þráðlaus tæki komist ekki í
samband við internetið. Það myndi
svo aftur hamla framþróun á Net-
inu, nýrri tækni og þjónustu. Nið-
urstaðan er því að meira þurfi að
gera í málinu og hraðar.
Til þess að geta komið nýjum
viðskiptavinum eða tækjum í
samband við Netið þurfa fjar-
skiptafyrirtæki að vera tilbúin
með stuðning við næstu kynslóð
samskiptatækni á Netinu (IPv6)
þegar auðkennisnúmer í IPv4
kerfinu þrýtur. OECD bendir á
að öðrum kosti þurfi að koma til
bæði dýr og flókinn búnaður til
að netfangagreiningar (NAT, eða
network address translation) til
þess að hægt verði að láta marga
notendur og tæki nota sömu IPv4
töluna. Ósvarað er spurningum
um hvaða áhrif það myndi hafa á
rannsókn sakamála þar sem tölv-
ur og notendur hafa verið raktir til
ákveðinna IP-talna.
„Eins og staðan er þá er ekki
nóg að gert í að koma IPv6 í gagn-
ið áður en IPv4 auðkenni þrýtur.
Mun meira átak þarf að eiga sér
stað til þess að stoðkerfi inter-
netsins verði reiðubúið þegar IPv4
tölurnar verða búnar árið 2012,“
segir í skýrslunni.
Fram kemur að meðal yfirlýstra
markmiða aðildarríkja OECD sé
að ýta undir upptöku næstu kyn-
slóðar samskiptatækni á Netinu,
sem og margra annarra landa sem
standi utan samtakanna. Fram
kemur að í byrjun þessa árs hafi
einungis 5,5 prósent staðbundinna
tölvuneta ráðið við netumferð af
IPv6 staðli, þó svo að eitt af hverj-
um fimm fjarskiptanetum styðji
staðalinn. Tæki og tölvur í notk-
un sem styðja staðalinn eru þó í
miklum meirihluta, eða yfir 90
prósent.
OECD beinir því til ríkisstjórna
að starfa með fyrirtækjum í einka-
geira og öðrum hlutaðeigandi til að
styðja við hraða upptöku nýs sam-
skiptastaðals á netinu og gæta að
mögulegum „flöskuhálsum“ sem
komið gætu upp í innleiðingar-
ferlinu. olikr@frettabladid.is
eru eftir af auð-
kennistölum (IP-
tölum) fyrir tölvur á
internetinu í núverandi kerfi.
Talið er að þær verði uppurn-
ar árið 2012.
8%
Námskeið um ræktun matjurta
og kryddjurta til heimilisnota
Heiður Björnsdóttir kennir hvernig rækta má
grænmeti og kryddjurtir með lítilli fyrirhöfn!
www.heilsuhusid.is
Áhugasamir skrái sig á
lagmuli@heilsuhusid.is
eða í síma 578 0300
kl:10-18 alla virka daga.
Verð kr. 4.500.-
Þriðjud. 13. apríl
Þriðjud. 20. apríl
NÝ
NÁMSKEIÐ
ÍS
LE
N
SK
A
SI
A.
IS
M
SA
4
86
72
0
2/
10
á 1 lítra
Kókómjólk
FUNHEITT TILBOÐ
Nýtt!
Endurlokanlegar
umbúðir
Ný tæki komast ekki
á Netið klárist IP-tölur
Innan við tíundi partur er eftir af auðkennum sem tölvum er úthlutað á internet-
inu, IPv4. Unnið er að því að taka upp næstu kynslóð auðkenna í netsamskipt-
um, IPv6. OECD hvetur til hraðari upptöku til að hægi ekki á framþróun Netsins.
SAMAN Á NETINU Hér sjást þrjár stúdínur í Árbæjarskóla sameinast um eina tölvu. Þegar
tölvur tengjast internetinu er þeim úthlutað auðkennisnúmeri, svokallaðri IP-tölu, líkt og
bílum bílnúmerum. Sú kynslóð IP-talna sem nú er notast við er á þrotum. FRÉTTABLAÐIÐ/GVA
KIRGISISTAN, AP Þúsundir manna söfnuðust saman á
aðaltorgi Biskeks, höfuðborgar Kirgisistan, til að
minnast þeirra sem féllu í átökum í vikunni þegar
stjórn Kurmanbeks Bakijev forseta var steypt af
stóli.
Að minnsta kosti 76 manns létu lífið í átökunum
og meira en 1.400 særðust.
Mikil reiði var meðal mannfjöldans vegna dauðs-
fallanna og var Bakijev kennt um, en hann var
kominn til borgarinnar Jalalabad í Afganistan þar
sem hann ræddi við fréttamenn í gær.
Hann sagðist hreint ekki hafa í hyggju að segja
af sér, þrátt fyrir að hafa verið sviptur völdum.
Hann kennir byltingarmönnum um dauðsföllin.
Bakijev komst til valda í túlípanabyltingunni
svonefndu árið 2005 og hefur tekist að koma á stöð-
ugleika í þjóðfélaginu síðan, en er sagður hafa gert
það á kostnað lýðræðis og sakaður um að hafa not-
fært sér embættið til að hagnast persónulega.
„Ég held að hans bíði dapurleg örlög vegna þess
að með því að gefa öryggisvörðum skipun um að
skjóta á mannfjöldann undirritaði hann sinn eigin
dauðadóm,“ sagði Askar Akajev, forveri hans í
embætti, sem var sakaður um sams konar misbeit-
ingu valds á sínum tíma. Akajev kennir nú stærð-
fræði við ríkisháskólann í Moskvu. - gb
Íbúar í Kirgisistan minnast þeirra sem féllu í átökum vikunnar:
Bakajev flúinn til Afganistans
KURMANBEK BAKIJEV Neitar að viðurkenna bráðabirgðastjórn
byltingarmanna. NORDICPHOTOS/AFP
REYKJAVÍK Reykjavíkurborg hefur verið valin
ein sex evrópskra borga sem keppa til úrslita
um að vera Græna borgin í Evrópu (European
Green Capital) eftir tvö til þrjú ár. Stokkhólm-
ur í Svíþjóð er Græna borgin í ár en Hamborg í
Þýskalandi verður það á næsta ári.
Sautján borgir í tólf Evrópuríkjum sóttu
um viðurkenninguna, sem veitt er þeim borg-
um sem hafa sett sér metnaðarfull markmið í
umhverfismálum og verið öðrum fyrirmynd.
Sex borgir komust í úrslit. Reykjavík keppir
við spænsku borgirnar Barcelona og Vitora-
Gasteiz, Malmö í Svíþjóð, Nantes í Frakkklandi
og Nürnberg í Þýskalandi. Tvær borgir verða
valdar.
„Þetta er mikill heiður. Við erum stolt yfir
því að komast í úrslit og
munum nota þetta í kynn-
ingu á borginni,“ segir
Hanna Birna Kristjánsdótt-
ir borgarstjóri og bendir á
að mikið hafi verið lagt í 75
blaðsíðna umsókn sem skil-
að var í febrúar. Evrópusam-
bandið stendur fyrir tilnefn-
ingunni.
Hanna Birna segir Reykja-
víkurborg hafa lagt sig fram
í umhverfismálum undir nafninu Græn skref,
svo sem að vera með hjólreiðaáætlun og aðrar
umhverfisvænar samgöngur. Þó verði að halda
áfram að draga úr bílaumferð í borginni. - jab
Reykjavík keppir við sex borgir í Evrópu um viðurkenningu Evrópusambandsins:
Gæti tekið við af Hamborg sem Græna borgin
REYKJAVÍK Sautján borgir sóttust eftir því að verða
Græna borgin í Evrópu 2012 eða 2013. FRÉTTABLAÐIÐ/GVA
HANNA BIRNA
KRISTJÁNSDÓTTIR
1. Hversu margar síður í skýrslu
rannsóknarnefndar Alþingis
fjalla um Ingibjörgu Sólrúnu?
2. Hvað heitir framkvæmda-
stjóri Golfklúbbs Reykjavíkur?
3. Eva Hauksdóttir var gjarnan
kölluð norn í búsáhaldabylt-
ingunni. Hvað kallar hún sig
núna?
SVÖRIN ERU Á SÍÐU 70
VEISTU SVARIÐ?