Fréttablaðið - 10.04.2010, Síða 12

12 10. apríl 2010 LAUGARDAGUR
Óháði söfnuðurinn
Aðalfundur safnaðarins verður haldinn sunnudaginn 25.apríl,
eftir messu kl.14 í safnaðarheimilinu Kirkjubæ.
Dagskrá aðalfundar:
1. Fundur settur
a) kjör fundarsstjóra og fundarritara
2. Skýrsla formanns
3. Fundargerð síðasta aðalfundar lesin og lögð til samþykktar
4. Skýrsla safnaðarstjórnar
5. Ársreikningar lagðir fram til samþykktar
6. Lagabreytingar
7. Kosning formanns
8. Kosning tveggja stjórnarmanna
9. Kosning varamanna
10. Kosning tveggja skoðunarmanna og varamanns.
11. Önnur mál
12. Fundi slitið
www.ohadisofnudurinn. is
50 ilmandi matseðlar.
UMHVERFISVOTTUÐ
PRENTSMIÐJA
20 mismunandi bækur
sem dæma þarf af kápunni.
Oddi – umhverfisvottuð prentsmiðja. Höfðabakka 7, 110 Reykjavík, sími 515 5000, www.oddi.is
TRÖNURNAR MÆTTAR Á hverju vori
koma trönur í þúsundatali til Svíþjóðar
þar sem fylgjast má með þeim nálægt
Skövde. NORDICPHOTOS/AFP
DANMÖRK Undanfarin ár hafa blóð-
ug átök milli glæpagengja í Kaup-
mannahöfn og víðar í Danmörku
hvort tveggja vakið ótta almenn-
ings og magnað spennu víða í
hverfum innflytjenda.
Borgaryfirvöld í Kaupmanna-
höfn hafa nú gripið til þess ráðs
að bjóða ungmennum sem leiðst
hafa út á glæpabrautina útgöngu-
leið, sem felst í því að þeim er
hjálpað við að ljúka námi, finna
sér atvinnu og útvega sér húsnæði
með handleiðslu stuðningsfulltrúa
frá borginni.
Nú þegar hafa 40 ungmenni
þegið boðið en vonast er til þess
að á hverju ári geti um hundr-
að manns nýtt sér þetta úrræði.
Talið er mögulegt að ná til 400
ungmenna í glæpaheiminum, auk
þess sem vinna inni í fangelsum
gæti náð til enn fleiri. Danskir
fjölmiðlar hafa í liðinni viku
skýrt frá þessu verkefni, sem er
í þann veginn að fara af stað eftir
nokkurn undirbúningstíma.
Um framkvæmdina sér SSP,
sem er samstarfsvettvangur
skóla, félagsmálayfirvalda og lög-
reglu í Kaupmannahöfn.
„Það er mjög erfitt fyrir mörg
ungmenni að fá atvinnu og það
liggur þeim þungt á hjarta,“
er haft eftir Michael Melbye,
framkvæmdastjóra SSP í Kaup-
mannahöfn, í danska dagblaðinu
Berlingske Tidende.
„Svo getur verið nauðsynlegt að
hjálpa þeim með búsetu, svo þeir
búi ekki hjá glæpafélögum sínum
eða í bráðabirgðahúsnæði,“ segir
hann einnig.
Sérstök áhersla er lögð á að
hjálpa þeim að taka upp þráðinn
í skóla og sjá til þess að þeir geti
lokið námi. Það bæti mjög stöðu
þeirra til þess að finna sér heilla-
vænlega fótfestu í lífinu.
Meginhugmyndin er sú að það
skili ekki fullnægjandi árangri að
láta lögregluna eina um að berjast
gegn glæpastarfsemi.
„Við höfum áttað okkur á því að
ef við tökum ekki á okkur ábyrgð
og veitum þessu forystu, þá hjálp-
ar það ekki mikið að segja að lög-
reglan eigi að leysa vandann,“
hefur Berlingske eftir Frank
Jensen, borgarstjóra í Kaup-
mannahöfn. „Við verðum að gera
eitthvað til að koma í veg fyrir
að ungt fólk fari inn í umhverfi
glæpagengjanna og hjálpa þeim
sem vilja komast út.“
gudsteinn@frettabladid.is
Útgönguleið fyrir
unga afbrotamenn
Borgaryfirvöld í Kaupmannahöfn bjóða nú meðlimum glæpagengja aðstoð við
að losna úr glæpaheiminum og komast inn á beinni brautir í lífinu. Nú þegar
hafa fjörutíu ungmenni þegið boðið en talið er mögulegt að ná til 400 manns.
VÍTISENGLAR Í KAUPMANNAHÖFN Átök glæpagengja hafa sett óskemmtilegan svip á mannlífið í Kaupmannahöfn á síðustu
árum. NORDICPHOTOS/AFP
REYKJAVÍK Hönnun samgöngumið-
stöðvar verður boðin út í næsta
mánuði og framkvæmdir við
hana ættu að hefjast fyrir ára-
mót, eftir að Reykjavíkurborg
og samgönguyfirvöld komust að
samkomulagi um hana á fimmtu-
dag.
Samkvæmt því verður mið-
stöðin 3.200 fermetrar í fyrsta
áfanga. Þar verði innanlandsflug
og aðsetur hópferðabifreiða.
Heimildir blaðsins herma að á
síðustu vikum hafi verið tekist á
um hversu mörg bílastæði ættu
að vera við miðstöðina.
Samgönguyfirvöld vildu hafa
þau mörg og ofanjarðar, sem er
ódýrari kostur. En borgin vildi
líta til hönnunarsamkeppni um
framtíð Vatnsmýrar og hafa sem
flesta bíla neðanjarðar.
Ekki fengust nánari upplýsing-
ar um niðurstöðuna í gærkvöldi
en þær að bílakjallari verður við
miðstöðina.
Í fréttum Stöðvar tvö í gær kom
fram að samgönguráðherra vonist
til að framkvæmdum ljúki innan
tuttugu mánaða. Kostnaður sé
áætlaður tveir milljarðar króna.
Blaðið hefur greint frá því að
lífeyrissjóðir muni fjármagna
verkið og fá endurgreitt í leigu
og með farþegagjaldi. - kóþ
Samkomulag hefur náðst milli samgönguyfirvalda og Reykjavíkurborgar:
Samgöngumiðstöð á hreyfingu
FRAMTÍÐARBORGIN Borgaryfirvöld litu
til vinningstillögu úr hugmyndasam-
keppni um framtíð Vatnsmýrarinnar
þegar þau sömdu við samgönguyfirvöld.
TAÍLAND, AP Stuðningsmenn
Thaksins Shinawatra, fyrrver-
andi forsætisráðhera Taílands,
halda ótrauðir áfram mótmæl-
um gegn núverandi stjórn. Í gær
lögðu þeir undir sig fjarskipta-
fyrirtæki, sem lagðar höfðu
verið niður útsendingar sjón-
varpsstöðvar sem notið hefur
vinsælda stjórnarandstæðinga.
Á annan tug mótmælenda og
lögreglumanna særðist í átökum
á lóðinni. Her og lögregla beittu
táragasi en mótmælendur grjóti
og eldsprengjum. - gb
Mótmælendur í Taílandi:
Tóku sjónvarps-
húsið á sitt vald