Fréttablaðið - 10.04.2010, Page 96

56 10. apríl 2010 LAUGARDAGUR
Plötusnúðarnir Kiddi Big-
foot og Nökkvi Svavarsson
byrjuðu að starfa saman á
Dejá Vu fyrir sextán árum.
Þeir eru enn í fullu fjöri og
skemmta nú á Pósthúsinu
um helgar undir nafninu
Shadow-DJ-S.
„Við vorum plötusnúðar og
skemmtanastjórar á Skugga-
barnum á sínum tíma þegar hann
var hvað vinsælastur. Svo var
„reunion“ um daginn og þá fund-
um við hvað er gaman að spila
þessa tónlist sem við vorum að
spila þá,“ segir Kiddi. „Pósthús-
ið var að fíla þetta og við ákváð-
um að hafa upphitun þar frá 22
til 01. Spila svala tónlist eins og
var á Skuggabarnum. Fólk þekk-
ir lögin, dillar sér kannski með
þeim, drekkur gott vín og kemur
sér í gírinn.“
Kiddi rak síðast skemmtistað-
inn Tunglið við Tryggvagötu en
eftir að hann hætti hefur hann
verið í samstarfi við Sigga Hlö
og Valla sport hjá Boogie Nights.
Þess á milli starfar hann hjá
fyrirtækinu Sparnaði á Akureyri.
„Við erum að spila nánast allar
helgar í einkasamkvæmum úti
um allan bæ og allt land. Ég hef
verið töluvert að spila á Volca-
no Café í Vestmannaeyjum. Það
er ótrúleg stemning sem mynd-
ast þar. Það er eins og þjóðhátíð í
hvert skipti sem ég er þar.“
Þrjátíu ár eru liðin síðan Kiddi
þreytti frumraun sína sem plötu-
snúður og 26 ár eru síðan hann
tók fyrst pening fyrir að þeyta
skífum. Lögin sem hann spilar
eru, eins og gefur að skilja, mis-
munandi eftir því hvaða fólk er í
partíinu. „Ég er örugglega með
níu þúsund lög að velja úr. Ef það
er einkasamkvæmi spilar maður
blandaða tónlist. Þetta fer eftir
aldurshópnum. Maður reynir að
gleðja eldra fólkið fyrst og svo
fara út í yngra í restina því það
endist lengur.“
Þótt hann sé orðinn 44 ára er
Kiddi hvergi af baki dottinn.
„Þann daginn sem ég verð þreytt-
ur á þessu þá hætti ég. Meðan
þetta er svona gaman ætla ég að
halda áfram,“ segir hann. „Tón-
listin er alltaf að breytast og fólk-
ið líka. Þetta er aldrei það sama.
Það er bara gaman að gleðja
fólk.“
Nökkvi Svavarsson, sem er fimm
árum yngri en Kiddi og starfar hjá
Ísafoldarprentsmiðju, byrjaði
fyrst að vinna með honum
á Dejá Vu og hefur verið
viðloðandi skemmtana-
bransann allar götur
síðan, þar á meðal á Rex
og á Austur.
Hann hefur mjög
gaman af starfinu rétt
eins og kolleginn. „Á
meðan Kiddi er enn þá
í þessu þá á maður sjens.
Mér finnst þetta enn þá
gaman, það er það sem kitlar
mig. Kikkið við að gleðja mann-
skapinn er örugglega svipað
og fyrir Ragga Bjarna að
standa á sviði. Þetta kikk
rekur mann áfram,“
segir Nökkvi.
freyr@frettabladid.is
Skugga-plötusnúðar í stuði
1980-1982: Félagsmiðstöðvar og
skemmtistaðir í Svíþjóð.
1983: Glæsibær
1983: Hollywood
1984: Traffic
1984: Sigtún
1984: Zafarí/Roxy
1985: Upp og niður
1986: Ypselon
1986: Hótel Borg
1986: Kreml
1987-1990: Casablanca
1987-1988: Lækjartunglið/Bíókjallarinn
1988: Abracadabra
1988: Hótel Borg
1989: Yfir strikið
1989: Tunglið
1990: Kjallari keisarans
1990: Berlín
1991: La Café
1992: Hressó
1993: Casablanca
1993-1994: Dejá-Vú
1993-1994: Tunglið
1995: Amma Lú
1995-1996: Þjóðleikhúskjallarinn
1996: Ingólfskaffi
1996: Casablanca
1997-1998: Nellý´s
1998-1999: Skuggabarinn
1999: Astró/Wunderbar
2000-2001: Klaustrið
2002: Astró
2002-2003: Sportkaffi
2002-2006: Hverfis-
barinn
2005-2006: Sólon
2007-2008: Gaukur á
Stöng/Tunglið
2010: Pósthúsið vínbar
KIDDI BIGFOOT – TÍMALÍNA
Söngkonan unga, Miley Cyrus, er
svo ástfangin af kærasta sínum,
ástralska leikaranum Liam
Hemsworth, að hún gæti vel
hugsað sér að giftast piltinum um
leið og hún hefur aldur til.
„Hún er sannfærð um að þau
eigi eftir að verja ævinni saman.
Hún hefur sagt að hún vilji gift-
ast honum þegar hún hefur
náð átján ára aldri. Hún hefur
meira að segja fengið leyfi hjá
móður sinni til að klæðast henn-
ar brúðarkjól,“ var haft eftir
fjölskylduvini.
Miley og Liam hafa átt í sam-
bandi í tíu mánuði og heimsótti
söngkonan fjölskyldu Liams í
Ástralíu fyrir stuttu. „Hann er
yndislegur. Við hittumst daglega
og hann er orðinn minn besti
vinur,“ sagði stúlkan.
Miley vill
giftast Liam
Leikarinn Jude
Law hefur
unnið skaða-
bótamál sem
hann höfðaði
gegn tímarit-
inu Hello eftir
að það tók
ljósmyndir af
honum og börn-
unum hans á
ströndinni.
Bæturnar nema tæpum tveim-
ur milljónum króna og þarf Hello
að greiða allan lögfræðikostnað
leikarans. Hello hefur einnig
samþykkt að birta ekki myndir
af honum með börnunum fyrr en
þau verða átján ára. Lögfræð-
ingar Law segja að leikarinn og
börnin hans eigi rétt á sínu einka-
lífi og því hafi myndbirtingin
ekki verið lögmæt.
Skaðabætur
frá Hello
JUDE LAW
Bandaríska ungstirnið Shia LeBeo-
uf og reynsluboltinn Jon Voight eru
miklir vinir. Þetta kemur kannski
einhverjum spánskt fyrir sjónir
enda mikill aldursmunur á þeim.
Þeir eiga það hins vegar sameigin-
legt að vera tveir einmanna karlar
í partíborginni Hollywood sem eiga
enga fjölskyldu að. Shia er enn að
reyna ná almennilegum samskipt-
um við föður sinn sem hefur marga
hildina háð í baráttu sinni við
eiturlyfjadjöfulinn og sagan
af stirðum samskiptum
Voights og dóttur hans,
Angelinu Jolie, er flest-
um ljós.
Shia ræddi þetta
sérstaka vinasam-
band í bandaríska
glanstímaritinu Gla-
mour. „Við lékum í
nokkrum myndum
saman og fylltum upp í tómarúm hvor annars. Þótt
hann myndi aldrei viðurkenna það, þá
átti hann enga fjölskyldu og ég átti
enga fjölskyldu.“
Shia slasaðist til að mynda
alvarlega á hendi efitr bílslys og
fyrsti maðurinn til að heimsækja
hann var Jon Voight. „Hann kom
á undan pabba mínum,“ segir
Shia en leikarinn hefur átt erf-
itt með að tengjast föður sínum.
„Pabbi er yndislegasti maður í
heimi en um leið sá skelfileg-
asti. Hann komst mjög
nálægt því að eyði-
leggja líf mitt því ég
reyndi allt hvað ég gat
til að þóknast honum,“
útskýrir Shie sem ber
móður sinni hins vegar
vel söguna. „Hún er
algjör klettur í mínu
líf. Algjör engill.“
Shia og Voight ná vel saman
REYNSLUBOLTAR Kiddi Bigfoot og Nökkvi Svavarsson hita rækilega upp í mann-
skapnum á Pósthúsinu í kvöld. FRÉTTABLAÐIÐ/STEFÁN
ERFIÐ ÆSKA Shia LeBeouf átti erfiða
æsku en á nú traustan vin í bandaríska
stórleikaranum Jon Voight.