Fréttablaðið - 10.04.2010, Page 104

64 10. apríl 2010 LAUGARDAGUR
KÖRFUBOLTI Þriðju leikirnir í undan-
úrslitaeinvígum Iceland Express-
deildar karla í körfubolta fara
fram um helgina en staðan er ólík
í einvígunum. Á sama tíma og stað-
an er 1-1 í einvígi KR og Snæfell þá
geta Keflvíkingar tryggt sér sæti í
lokaúrslitunum með sigri á Njarð-
vík á heimavelli. Fréttablaðið fékk
Friðrik Ragnarsson, fráfarandi
þjálfara Grindavíkur, til þess að
spá í stöðuna í einvígunum.
Þriðji leikur KR og Snæfells fer
fram í DHL-höllinni klukkan 16.00
í dag. „Þarna eru tvö frábær lið
og tvö bestu lið landsins að mínu
mati,“ segir Friðrik. „Þetta er sería
það sem bæði lið eiga jafnmikla
möguleika. Að mínu mati er þetta
hálfgerð úrslitasería og ég spái því
að það lið sem fer í gegnum þessa
seríu verði Íslandsmeistari,“ segir
Friðrik.
Þriðji leikur Keflavíkur og
Njarðvíkur fer fram í Toyota-höll-
inni í Keflavík klukkan 19.15 á
morgun.
„Ég horfði á Njarðvík-Kefla-
vík í gær [fimmtudagskvöld] þar
sem Njarðvíkingarnir voru tekn-
ir í kennslustund. Keflavík er með
flott lið þar sem allir eru að berjast
hver fyrir annan en ef maður horf-
ir á Njarðvíkurliðið þá eru þetta
bara fimm einstaklingar inn á í
einu og það er enginn liðsbragur,“
segir Friðrik og aðalvandamálið er
staðan sem Friðrik sjálfur spilaði í
meira en áratug hjá Njarðvík.
„Þeir berhátta leikstjórnenda-
stöðuna hjá Njarðvík. Ég veit ekki
hvað þeir eru að taka marga bolta
af Njarðvíkingunum eins og þeir
væru að taka sælgæti af barni,“
segir Friðrik.
„Njarðvíkurliðið hefur bunka af
hæfileikum en þeir verða að fara
að stilla sig saman sem lið. Ger-
ist það þá getur allt gerst. Kefl-
víkingar eru að sýna það að þeir
eru mættir í úrslitakeppni og það
er kominn gamli Keflavíkur-hrok-
inn í þetta hjá þeim. Þeir eru best-
ir þegar þeir eru komnir með nett-
an hroka í sinn leik,“ segir Friðrik
að lokum. - óój
Friðrik Ragnarsson um undanúrslitaeinvígi körfunnar:
Tvö bestu lið lands-
ins mætast í dag
1-1 Einvígi KR og Snæfells er aftur komið á byrjunarreit. Hér er Pavel Ermolinskij í
strangri gæslu Snæfellinga í fyrsta leiknum. FRÉTTABLAÐIÐ/DANÍEL
HANDBOLTI FH-ingar fá smá sárabót
fyrir það að hafa misst af úrslita-
keppninni því liðið á markahæsta
mann deildarinnar í Bjarna Fritz-
syni. Bjarni er fyrsti FH-ingurinn
í átján ár til þess að verða marka-
kóngur í efstu deild handboltans
eða allt frá því að Hans Guðmunds-
son afrekaði það 1991-92.
Bjarni skoraði 149 mörk í 19
leikjum eða 7,8 mörk að meðaltali
í leik. Hann skoraði fjórtán mörk-
um meira en næstu menn sem voru
Akureyringurinn Oddur Grétars-
son og HK-ingurinn Valdimar
Fannar Þórsson. Bjarni Fritzson
og félagar í FH-liðinu rétt misstu
af úrslitakeppninni á lokasprett-
inum en liðið vann aðeins tvo af
síðustu sex leikjum sínum eftir
að hafa byrjað þriðju umferðina
á glæsilegum sigri á Íslands- og
bikarmeisturum Hauka.
„Ég varð fyrir mjög miklum von-
brigðum. Ég lagði mjög mikið á mig
fyrir þetta tímabil og á þessu tíma-
bili. Það var því mjög sárt að liðið
hafi ekki gert meira. Mér fannst
við ekki vera nógu sterkir æfinga-
lega séð á þessum tíma. Menn voru
að detta of mikið út,“ segir Bjarni
og án þess að vera að kenna ungu
leikmönnunum um þá tekur hann
fram að það hafi háð liðinu hversu
ungir margir lykilmenn liðsins
eru.
„Þeir eru mjög hæfileikaríkir
en þeir eru bara 19 og 20 ára og
það er ekki mikill aldur. Það voru
alltaf margir póstar hjá okkur sem
spiluðu mjög illa í þessum síðustu
leikjum. Þetta eru ekki bara ungu
strákarnir því það voru líka eldri
leikmenn sem voru ekki að standa
sig,“ segir Bjarni.
FH-ingar unnu síðasta leikinn
sinn á móti HK og hefðu kom-
ist í úrslitakeppnina ef nágrann-
ar þeirra, deildarmeistararnir í
Haukum, hefðu klárað sinn leik á
móti Akureyri. Akureyri vann hins
vegar leikinn 34-30.
„Ég bjóst alveg við því að
Haukarnir myndu hvíla menn
í þessum leik. Ég var búinn að
upplifa vonbrigðin eftir Valsleik-
inn. Mér fannst við vera búnir að
tapa þessu þá því mér fannst við
hæglega geta klárað þann leik,“
sagði Bjarni en FH tapaði 20-25
á heimavelli á móti Val í næstsíð-
ustu umferð. „Það er ekki hægt að
treysta á neitt annað lið. Við spil-
uðum hryllilega í þriðju umferð og
áttum ekkert skilið meira. Það er
ekkert hægt að vera að svekkja sig
á Haukunum,“ sagði Bjarni.
„Ég samt trúði þessu ekki því ég
var búinn að heyra stöðuna í hálf-
leik og ég hélt að þetta væri komið,“
sagði Bjarni en Haukar voru 16-10
yfir í hálfleik á móti Akureyri en
töpuðu seinni hálfleiknum 14-24.
Bjarni segir markakóngstitilinn
ekki vera mikla sárabót fyrir sig.
„Markakóngstitillinn breytir
engu og mér gæti eiginlega ekki
verið meira sama. Ég ætlaði að
verða Íslandsmeistari og lagði
mjög mikið á mig til að það gæti
gerst. Þegar það tókst ekki þá varð
ég mjög sár,“ segir Bjarni.
Hann segir líka framtíðina vera
óráðna. „Ég er samningslaus, var
að eignast strák og er að fara að
klára verkefnin mín í meistara-
náminu mínu í sálfræði.
Nú slekkur maður bara á sjón-
varpinu og setur eyrnatappa í
eyrun. Ég nenni ekki að horfa á
þetta einu sinni,“ sagði Bjarni
spurður um hvort hann ætlaði að
fylgjast með úrslitakeppninni.
ooj@frettabladid.is.
Ég ætlaði að verða Íslandsmeistari
FH-ingurinn Bjarni Fritzson segir markakóngstitilinn ekki vera mikla sárabót fyrir það að FH-liðið komst
ekki í úrslitakeppnina. Bjarni er fyrsti markakóngur FH í 18 ár en hann skoraði 149 mörk í 19 leikjum.
HAUKALEIKURINN Bjarni Fritzson sést hér í 31-25 sigrinum á Haukum. Síðan þá náði FH-liðið aðeins í 4 stig. FRÉTTABLAÐIÐ/VALLI
MARKAHÆSTIR Í N1
DEILD KARLA 2009-2010:
Bjarni Fritzson, FH 149
Oddur Grétarsson, Akureyri 135
Valdimar Fannar Þórsson, HK 135
Sigurbergur Sveinsson, Haukum 128
Arnór Þór Gunnarsson, Val 123
Anton Rúnarsson, Gróttu 116
Árni Þór Sigtryggsson, Akureyri 107
Ólafur Guðmundsson, FH 100
Hjalti Þór Pálmason, Gróttu 95
Ólafur Gústafsson, FH 90
Atli Ævar Ingólfsson, HK 86
Andri Berg Haraldsson, Fram 85
Vilhjálmur Halldórsson, Stjörn. 81
Jónatan Þór Magnússon, Akyreyri 78
Björgvin Þór Hólmgeirss., Haukum 76
HANDBOLTI Það voru átta leikmenn
N1-deildar karla í handbolta sem
náðu að skora 100 mörk eða meira
fyrir lið sín í deildarkeppninni.
Hér fyrir neðan má sjá listann
yfir markahæstu menn deildar-
innar en fjórir leikmenn voru
að skora yfir 100 mörk annað
tímabilið í röð en það voru þeir
Valdimar Þórsson, Sigurbergur
Sveinsson, Arnór Þór Gunnars-
son og Árni Þór Sigtryggsson. - óój
N1-deild karla í handbolta:
Átta yfir hundr-
að mörk í vetur
ÞRJÚ ÁR Í RÖÐ Valsmaðurinn Arnór Þór
Gunnarsson braut 100 marka múrinn
þriðja árið í röð. FRÉTTABLAÐIÐ/STEFÁN
Fyrrverandi viðskiptavinir
A.Karlsson ehf
takið eftir:

Áður en A.Karlsson fór í þrot sá Kælismiðjan
Frost ehf. um þjónustu á kæli– og frystibúnaði
fyrir þeirra viðskiptavini.

Við viljum benda fyrrverandi viðskiptavinum
A.Karlsson á að nú geta þeir snúið sér beint til
okkar til að fá þjónustu á kæli– og frystibúnaði.

Við þjónustum auk þess uppþvottavélar, ofna,
frönskupotta, þvottavélar, þurrkara, rafmagns-
grill og rafmagnspönnur.
Ef við eigum ekki til varahluti á lager þá út-
vegum við þá hratt og á mjög góðu verði.

Vinsamlegast hafið samband í síma 464-9400 til
að fá þjónustu. Nánari upplýsingar er einnig að
finna á heimasíðu okkar sem er www.frost.is

Kælismiðjan Frost ehf.