Fréttablaðið - 12.04.2010, Side 8

8 12. apríl 2010 MÁNUDAGUR
Hafðu samband
símiVerðbréfaþjónusta Arion banka
er söluaðili sjóða Stefnis.
Kynntu þér sjóðina hjá starfsfólki
verðbréfaþjónustu Arion banka
í síma 444 7000, í næsta útibúi
eða á arionbanki.is/sjodir
Stefnir - Samval.
Meiri möguleikar á
breytilegum markaði.
Fjárfestir í þeim eignaflokkum sem ákjósanlegastir eru hverju sinni
– eignastýring í einum sjóði
Virk stýring í skuldabréfum og hlutabréfum. Áhersla á ríkistryggð
skuldabréf undanfarin misseri
Fjárfestir að mestu í öðrum sjóðum til að auka enn frekar áhættudreifingu
Góður kostur í langtímasparnaði og hentar vel í reglubundnum sparnaði
15,4% meðalnafnávöxtun síðastliðin 5 ár*
Lágmarkskaup 5.000 kr.
Ávöxtunartölur vísa til fortíðar. Fyrri ávöxtun sjóða gefur ekki áreiðanlega vísbendingu um framtíðarárangur þeirra. Vakin er sérstök athygli á að almennt fylgir áhætta fjárfestingu í hlutdeildarskírteinum sjóða, t.d. getur fjárfesting
rýrnað eða tapast að öllu leyti. Stefnir - Samval er fjárfestingarsjóður skv. lögum nr. 30/2003, um verðbréfasjóði og fjárfestingarsjóði. Rekstrarfélag sjóðsins er Stefnir hf. Nánari upplýsingar um sjóðinn, þ.á m. nánari upplýsingar um
áhættu við fjárfestingu í hlutdeildarskírteinum hans, má finna í útboðslýsingu og útdrætti úr útboðslýsingu sjóðsins, sem nálgast má á www.arionbanki.is/sjodir.
*Upplýsingar fengnar af www.sjodir.is
fyrir tímabilið 28.02.2005-28.02.2010.
Ryksugur
- fyrsta flokks. Stór orð sem reynslan réttlætir.
Hátúni 6a . 105 Reykjavík
Sími 552 4420 . www.fonix.is
Hringdu í síma
ef blaðið berst ekki
NÁTTÚRA Mikil umferð hefur verið
um svæði í nágrenni gosstöðvanna
við Fimmvörðuháls með tilheyr-
andi álagi á svæðin. Búast má við
að sú umferð aukist enn með hækk-
andi sól og því er farið að huga að
því að gera allt sem best úr garði
fyrir sumarið.
Skógrækt ríkisins hefur haft
umsjón með Goðalandi og Þórs-
mörk síðan á þriðja áratug 20.
aldar. Svæðin voru friðuð fyrir
beit og síðan hafa birkiskógar
breiðst þar út. Til að koma í veg
fyrir gróður og jarðvegsskemmdir
í brattlendi á nú
að fara í átak til
að bæta stíga-
kerfið. Það er
einnig gert með
öryggissjónar-
mið í huga.
„Það hefur
verið gríðarleg
aukning ferða-
manna um svæð-
ið með hraun-
staumum niður í Goðaland. Stígar
á svæðinu eru engan veginn gerð-
ir til að anna slíkum ferðamanna-
straumi og allra síst að vori til,“
segir Hreinn Óskarsson, verkefn-
isstjóri Hekluskóga og starfsmaður
Skógræktar ríkisins.
Hreinn segir von á fjölda manns
í sumar. „Það er áætlað að 50 til 75
þúsund manns eigi eftir að ganga
upp á Morinsheiði og á nærliggj-
andi fjöll ofan Bása til að berja
nýja eldfjallið og hraunstraumana
í Hrunagili og Hvannárgili augum.
Þeir munu koma óháð því hvort
áfram heldur að gjósa eða ekki.“
Nú er unnið að því að tryggja
það fjármagn sem þarf til að ljúka
verkinu eins fljótt og hægt er áður
en ferðamannastraumurinn hefst
fyrir alvöru. Hreinn segir marga
hafa komið að verkefninu: Ferða-
málastofu, ferðaþjónustuaðila
á Merkursvæðinu, Rangárþing
eystra og sjálfboðaliða í stígagerð
frá Umhverfisstofnun.
Á miðvikudag verður farin ferð í
Goðaland og Hreinn segir að samn-
ingar séu að nást við þyrluþjónust-
ur um að flytja efni á svæðið. Allir
hafi hag af því að koma þessum
hlutum í lag fyrir sumarið.
kolbeinn@frettabladid.is
Laga stíga vegna gossins
Skógrækt ríkisins hyggur á ferð í Goðaland til að lagfæra stíga. Búist er við að 50 til 75 þúsund manns leggi
leið sína þangað í sumar vegna gossins á Fimmvörðuhálsi. Samvinna verður við þyrluþjónustur um verkið.
GOSIÐ Fjöldi ferðamanna hefur lagt leið sína að gosstöðvunum að undanförnu og
þeim á eftir að fjölga til muna í sumar. FRÉTTABLAÐIÐ/GVA
FERÐAMENN Búist er við að 50 til 75 þúsund manns leggi leið sína á Morinsheiði og
nærliggjandi fjöll í sumar. MYND/HREINN ÓSKARSSON
HREINN
ÓSKARSSON
1. Hvað heitir forseti Kirgis-
istans sem var steypt af stóli í
síðustu viku?
2. Hver varð markakóngur
Íslandsmótsins í handbolta
karla?
3. Hvaða afmæli fagnar Vigdís
Finnbogadóttir á fimmtudag-
inn kemur?
SJÁ SVÖR Á SÍÐU 26
TRÚMÁL Nokkrir breskir trúleysingjar reyna nú að
fá útgefna handtökuskipun á Benedikt XVI. páfa,
sem er væntanlegur til Bretlands næsta haust.
Páfinn hafi hylmt yfir með kynferðisbrota-
mönnum með því að þagga niður kynferðis-
brot gegn börnum, þegar hann hét Joseph Alois
Ratzinger og starfaði sem kardínáli.
Meðal þeirra sem vilja hafa páfa í
járnum er Richard Dawkins, prófessor
við Oxford-háskóla.
„Þessi fyrrum yfirmaður rannsókn-
arréttarins ætti að vera handtekinn
um leið og hann dirfist að stíga út
fyrir þetta hálfgildings lénsveldi
sitt, Vatíkanið,“ segir Dawkins í
nýlegum pistli.
Páfinn hefur verið ásakaður um að hafa leynt
glæpum gegn börnum. Bandarískur prestur, Step-
han Kiesle, hafði verið dæmdur fyrir kynferðis-
brot árið 1978 og beðið um að fá að hætta að
þjóna sem prestur.
Biskup yfir honum tók undir þetta og bað Ratz-
inger árið 1981 um að leyfa þetta. Ratz-
inger svaraði árið 1985 og mælti gegn
því að Kiesle yrði sviptur kjól og kalli.
Hann bað biskup heldur um að sýna var-
kárni. Hann skyldi hafa „hagsmuni
allrar kirkjunnar“ í huga. - kóþ
BENEDIKT XVI. PÁFI Sífellt fleiri ásakanir á
hendur kaþólskum kirkjunnar mönnum
heyrast. NORDICPHOTOS/AP
Ratzinger sagður hafa tekið hagsmuni kirkjunnar fram yfir hagsmuni barna:
Trúlausir vilja handtaka páfa
LÖGREGLUMÁL Lögreglan á Suður-
nesjum lagði hald á 53 fölsuð eða
sviplík ferðaskilríki á síðasta ári.
Auk þess var för þrjátíu manna
stöðvuð í Flugstöð Leifs Eiríks-
sonar sem reyndu að komast til
landsins með ólögmætum hætti.
Helsta ferðaleið þeirra sem
reyndu það var frá Ósló, Stokk-
hólmi og Kaupmannahöfn, að því
er kemur fram á vef Víkurfrétta.
Samkvæmt ársskýrslu lögregl-
unnar á Suðurnesjum varð mikil
fjölgun í skjalafalsi á ferðaskil-
ríkjum árið 2009 frá fyrra ári. - fb
Lögreglan á Suðurnesjum:
Fimmtíu fölsuð
vegabréf tekin
VEISTU SVARIÐ?