Fréttablaðið - 18.06.2010, Qupperneq 16

16 18. júní 2010 FÖSTUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
MENNING: Páll Baldvin Baldvinsson fulltrúi ritstjóra pbb@frettabladid.is HELGAREFNI: Anna Margrét Björnsson amb@frettabladid.is og Sigríður Björg Tómasdóttir sigridur@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Henry Birgir Gunnarsson henry@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
HALLDÓR
Ólafur Þ.
Stephensen
olafur@frettabladid.is
SKOÐUN
Það er varla til svo lítið fyrirtæki á Íslandi að það hafi ekki svokallaðan
almannatengil á sínum vegum. Stundum
ganga þessir aðilar svo langt í að fegra fyr-
irtækin eða stofnanirnar sem þeir starfa
fyrir að engu tali tekur. Ein stofnun á
Íslandi hefur hins vegar brugðið á annað
ráð. Þessi stofnun hefur 63 menn á full-
um launum við að tala illa um stofnunina.
Almannatenglarnir 63 tala ævinlega illa um
vinnustaðinn sinn, þeir sjá aldrei neitt nema
svarta bletti og vandamál þar sem þessi
stofnun er annars vegar. Einn starfsmaður
þessarar stofnunar komst þannig að orði á
dögunum að stofnunin væri óþörf með öllu
en tók samt ekki þá rökréttu ákvörðun að
segja samstundis af sér störfum fyrir stofn-
unina.
Þessi stofnun er Alþingi Íslendinga.
Hvernig væri að formenn þingflokkanna
kæmu sér saman um eina níðlausa viku um
Alþingi? Hvernig væri að forysta þings-
ins notaði þinghléið til þess að ferðast um
landið í því skyni einu að kynna Alþingi og
störf þess. Af hverju skyldi Alþingi vera
eina stofnunin á Íslandi eða í heiminum sem
ekki þarf á því að halda að sagt sé frá störf-
um þess með skipulegum og sanngjörnum
hætti.
Þingmenn tala mikið um virðingarleys-
ið fyrir Alþingi. Það skyldi þó ekki vera
að virðingarleysið sé þingmönnunum að
kenna?
Sigríður Ingibjörg Jónsdóttir alþingis-
maður spurði um það hvort ekki mætti læra
af þjóðþingum grannlandanna. Það er vafa-
laust unnt. Síðasta breyting á þingsköpum
var ekki til bóta þegar opnað var fyrir það
að sami þingmaðurinn getur verið annar
hver ræðumaður vikum saman og þing-
mönnum líðst nú að fara í andsvör við sjálfa
sig. Svoleiðis fíflaskapur er fyrir neðan
virðingu alþingismanna og Alþingis sjálfs.
Í fullri alvöru: Alþingi er æðsta stofnun
þjóðarinnar. Alþingi er sameign þjóðarinn-
ar, sameign sem aldrei verður seld. Eina
stofnunin sem aldrei var einkavædd. Hún
er að mörgu leyti eins og klukkan góða;
tákn þess sem sameinar okkur. Ef Alþingi
er brotið í duft fyrirlitningar og virðing-
arleysis með stóryrðaflaumi og popúlisma
þá hefur þjóðin misst sinn besta vin, svo ég
renni mér til Íslandsklukkunnar að lokum.
Við skulum sameinast um það innan- sem
utanþingsmenn að verja þingræðið. Það er
oft seinvirkt og ósanngjarnt en það er ekk-
ert til betra. Þingmenn á Alþingi Íslendinga
þurfa að hætta að tala Alþingi niður í svaðið.
Ein níðlaus vika?
Stjórnmál
Svavar
Gestsson
fyrrverandi
alþingismaður og
ráðherra
S
amþykkt Evrópusambandsins um að hefja aðildarviðræð-
ur við Ísland þýðir ekki að Ísland verði aðildarríki ESB.
Það ræðst ekki fyrr en þjóðin greiðir atkvæði um aðild-
arsamning. En ákvörðunin er vendipunktur að því leyti
að nú er aðildarferlið formlega hafið og þá er vonandi
hægt að færa Evrópuumræðuna á Íslandi á grunn staðreynda.
Fólk getur þá rætt málið út frá því hvað sett er fram við samn-
ingaborðið, af hálfu ESB og Íslands, en ekki með hliðsjón af ágizk-
unum, tröllasögum eða bábiljum á borð við þær að ESB-aðild hafi
herskyldu í för með sér eða að fiskimiðin fyllist af útlendum tog-
urum. Þá verður sömuleiðis hægt að halda sig við það sem ESB-
ríkin setja fram sameiginlega og forðast andlegt uppnám eins og
það sem varð í lok þinghaldsins í fyrradag, þegar alþingismenn
fengu skyndilega miklar áhyggjur af þekktri afstöðu Þjóðverja
í hvalveiðimálum.
Evrópusambandið hefur
marga galla og marga kosti. Nú
hefst smíði aðildarsamnings,
sem mun vafalaust innihalda
hvort tveggja. Á grundvelli
hans mun þjóðin svo gera upp
hug sinn, að einhverjum árum
liðnum. Ekki er hægt að segja
til um það í dag hver verður þá niðurstaðan. Rétt er að hafa í
huga að reynslan sýnir að afgerandi málamiðlanir, sem snúa að
grundvallarhagsmunum ríkja sem sækja um aðild að ESB, eru
yfirleitt ekki gerðar fyrr en á lokaspretti samningaviðræðna.
Í samþykkt leiðtogaráðsins eru óbeinar tilvísanir til Icesave-
málsins, þótt það sé ekki nefnt beint. Það að málið sé enn óleyst
hindrar ekki að aðildarviðræður hefjist, eins og fram kom hér
í blaðinu í fyrradag. Hugsanlega gæti það seinkað þeim hluta
viðræðnanna sem snýr að fjármálastofnunum.
Það sem skiptir þó meginmáli er að íslenzkt efnahagslíf þarf
nauðsynlega á því að halda að Icesave-deilan leysist sem fyrst,
alveg burtséð frá hugsanlegri ESB-aðild. Þeir sem enn telja að
ástæða sé til að þvælast fyrir lausn málsins til að koma í veg fyrir
ESB-aðild eftir nokkur ár valda landinu eingöngu skaða.
Almenningsálitið er nú ESB-aðild andsnúið. Það var það ekki
fyrir ári og aftur getur orðið breyting á. Erfitt efnahagsástand
í mörgum ESB-ríkjum og Icesave-deilan hafa haft sín áhrif á
viðhorfið á Íslandi undanfarið. Efnahagurinn getur batnað og
Icesave-deilan verður að leysast. Önnur staða kann að verða uppi
þegar aðildarsamningurinn liggur fyrir. Fordæmi eru fyrir því,
t.d. í Svíþjóð, að almenningsálitið sé aðild andsnúið á einhverju
stigi aðildarferlisins, en þjóðin samþykki aðild engu að síður.
Annars er jákvætt hversu margir stjórnmálamenn, sem eru
andsnúnir aðild að ESB, eru nú viðkvæmir fyrir almenningsálit-
inu eins og það kemur fram í könnunum. Þeir töldu ekki að neitt
ætti að gera með það þegar þjóðin sagðist árum saman fylgjandi
ESB-aðild í sams konar könnunum. Um það eru hins vegar allir
sammála, að hin endanlega mæling almenningsálitsins er gerð
með þjóðaratkvæðagreiðslu og niðurstaða hennar gildir.
Samþykkt leiðtogaráðs ESB er vendipunktur:
Umræða á grunni
staðreynda
Úps
Jóhönnu Sigurðardóttur varð á í
messunni á Austurvelli í gærmorgun.
Hún þuldi ræðu í tilefni af þjóðhá-
tíðardeginum og fór rangt með fæð-
ingarstað Jóns Sigurðssonar; sagði
Hrafns- eyri vera við Dýrafjörð
en ekki Arnarfjörð.
Óheppilegra verður
það varla. Eins og
tíðkast með æðstu
ráðamenn hefur
Jóhanna líklega
ræðusmiði á sínum
snærum. Sá sem á
heiðurinn af þessu
glappaskoti
má eiga
von á skömm í hatt sinn frá ráðherra,
nú eða aðstoðarmanni hennar. Hafi
hann ekki þegar fengið hana.
Til upplýsingar
Skríbentum í forsætisráðuneytinu
skal bent á það að í gær vígði afmæl-
isnefnd Jóns Sigurðssonar, sem
starfar á vegum forsæt-
isráðuneytisins, vefinn
jonsigurdsson.is. Þar
má finna æviágrip hans
og safn af myndum frá
Hrafnseyri sem hægt er
að nota til að glöggva sig
á staðháttum í Arnarfirð-
inum.
Guði sé lof
Skyssan ætti að verða vatn á myllu
þeirra sem hvað ákafast berjast gegn
Evrópustefnu ríkisstjórnarinnar. Ekki
einasta hafi leiðtogaráð sambands-
ins leyft sér að samþykkja að hefja
aðildarviðræður við Ísland á hinum
háheilaga degi heldur hafi þjóðníð-
ingurinn í forsætisráðuneytinu notað
tækifærið og niðurlægt minningu
sjálfstæðishetjunnar ofan í kaup-
ið. Gera má ráð fyrir að málflutn-
ingur þjóðræknustu ákafamanna
á Alþingi hefði verið eitthvað á
þessa leið ef þingi hefði
ekki þegar verið slitið
flestum til heilla.
stigur@frettabladid.is