Fréttablaðið - 26.06.2010, Page 12
12 26. júní 2010 LAUGARDAGUR
MEÐ KÓNGULÓ Í ANDLITI Melissa
Koopman reynir að láta sér vel lynda
þótt tarantúla skríði á andliti hennar
á lesfundi í kirkju í Carlyle í Illinois í
Bandaríkjunum, þar sem boðið var
upp á þessa einstæðu upplifun.
NORDICPHOTOS/AFP
SAMGÖNGUMÁL Talsvert meiri
umferð var til og frá Akureyri
í síðustu viku en á sama tíma
í fyrra. Vegagerðin tók saman
umferðartölur vegna Bíladaga sem
haldnir voru um liðna helgi.
17. júní var einnig í tölunum,
en talsvert margir koma einnig í
bæinn í kringum hann, meðal ann-
ars vegna útskriftar Menntaskól-
ans á Akureyri. Umferðin í vik-
unni jókst um 8,5 prósent miðað
við sömu viku í fyrra. Rúmlega 15
þúsund bílar fóru til og frá bænum
í vikunni. - þeb
Bílatalning Vegagerðarinnar:
Meiri umferð
vegna Bíladaga
HVALVEIÐAR Frumbyggjar á Græn-
landi hafa fengið heimild til að
veiða fleiri hvali. Á ársfundi
Alþjóðahvalveiðiráðsins, sem hófst
síðasta mánudag í Marokkó, var
samþykkt tillaga frá Danmörku,
fyrir Grænlands hönd, um árleg-
an kvóta upp á níu hnúfubaka,
sem kemur til viðbótar við núver-
andi frumbyggjaveiðar
þeirra.
Ársfundinum lauk í
gær án niðurstöðu um
málamiðlunartillögu for-
manns og varaformanns
ráðsins, sem fyrirfram
voru bundnar miklar
vonir við að myndi sætta
þau ríki ráðsins sem
stunda hvalveiðar og hin
sem eru andvíg hvalveið-
um.
„Það verður gert árshlé
á sáttaumleitunum í ráð-
inu. Þeim verður haldið
áfram á næsta ársfundi,“
segir Tómas H. Heið-
ar, aðalfulltrúi Íslands í
ráðinu. „Staða okkar er í
sjálfu sér óbreytt.“
Árni Finnsson, formaður
stjórnar Náttúruverndarsamtaka
Íslands, segir hins vegar að jafn-
vel þótt málamiðlunartillagan hafi
ekki náð fram að ganga hafi „hval-
veiðistefna Jóns Bjarnasonar og
hagsmunir Kristjáns Loftssonar
engu að síður beðið hnekki vegna
þess að Japan var reiðubúið til að
samþykkja ákvæði þess efnis að
hvalveiðar yrðu eingöngu til inn-
anlandsneyslu.“
Tómas segir þetta samt ekki
rétt. Hann hafi fengið staðfest-
ingu á því að Japanar myndu ekki
fallast á nokkra takmörkun á við-
skiptum með hvalaafurðir á fundi,
sem hann og aðalfulltrúi Noregs í
ráðinu, áttu með aðstoðarsjávarút-
vegsráðherra Japans.
Ísland og Noregur voru and-
víg þessu ákvæði, sem var innan
sviga í málamiðlunartillögu for-
mannanna og hefði gert Íslending-
um ókleift að selja hvalaafurðir til
annarra landa.
Þetta ákvæði kom hins vegar
aldrei til umræðu á
fundinum vegna and-
stöðu Ástralíu, Suður-
Ameríkulanda og sumra
Evrópusambandsríkja
við að heimila takmark-
aðar veiðar samkvæmt
árlegum kvóta frá ráð-
inu, meðal annars á
griðasvæði í Suðurhöf-
um þar sem Japanar
hafa stundað vísinda-
veiðar.
Tómas segir hins
vegar að Grænlending-
ar hafi unnið stærsta
sigurinn á ársfundin-
um þegar viðbótarkvóti
þeirra var samþykktur.
„Grænland var búið
að gefa til kynna að það
myndi íhuga mjög alvarlega að
segja sig úr ráðinu ef þessi tillaga
yrði felld. Ég held að það hafi haft
mjög mikið að segja um að ríkin
ákváðu að krefjast ekki atkvæða-
greiðslu,“ segir Tómas, enda hafi
ráðið í reynd enga stjórn lengur
á neinum hvalveiðum öðrum en
veiðum frumbyggja. Það hefði því
veikt ráðið enn frekar ef Græn-
lendingar hefðu sagt sig úr því.
Á fundinum fengu Bandaríkja-
menn hins vegar ekki framgengt
tillögu um framhald á frum-
byggjakvóta sínum eftir árið 2012,
þótt þeir hafi lagt mikla áherslu
á það.
gudsteinn@frettabladid.is
Mega veiða
fleiri hvali
Sáttaumleitunum á vettvangi Alþjóðahvalveiðiráðs-
ins var frestað um ár. Grænlendingar fengu sam-
þykktan viðbótarkvóta fyrir frumbyggjaveiðar.
HVALASTRÍÐ Í SUÐURHÖFUM Ágreiningur varð á ársfundinum um veiðar Japana á
stóru griðasvæði í Suðurhöfum, sem andstæðingar hvalveiða hafa lengi barist gegn.
Á myndinni er skipst á sendingum milli skips Sea Shepherd-samtakanna og japansks
hvalveiðiskips. NORCIPHOTOS/AFP
Allt sem þú þarft…
Auglýsingasími
LONDON, AP Leynilegur samning-
ur sem gerður var í upphafi kalda
stríðsins um samstarf leyniþjón-
ustu Bandaríkjanna og Bretlands
var opinberaður í gær.
Samningurinn var gerður árið
1946 og skyldaði ríkin til þess að
deila nær öllum mögulegum upp-
lýsingum sem leyniþjónusta þeirra
varð sér úti um. Auk þess skyldi
hvorugt ríkið njósna um hitt. Kan-
ada, Ástralía og Nýja-Sjáland skrif-
uðu seinna undir sambærilega
samninga við ríkin tvö.
Grundvöllur samningsins var
áheit um að hver samningsaðili
skyldi deila með hinum öllum sínum
upplýsingum án beiðni. Það skyldi
vera venjuleg vinnuregla og upp-
lýsingarnar settar upp eins og beðið
væri um. Upphaflega var samning-
urinn hugsaður sem rammi utan
um það samstarf sem orðið hafði til
milli Bandaríkjanna og Bretlands í
þessum efnum í seinni heimsstyrj-
öldinni.
Bæði Bandaríkin og Bretland
samþykktu að upplýsa þriðja aðila
aldrei um tilvist samningsins en
þrátt fyrir það fóru snemma af stað
sögur um tilvist hans. Leyniþjónusta
Bretlands viðurkenndi árið 2006 að
tilvist slíks samnings og var hann
svo loks opinberaður í gær. - mþl
Bretar og Bandaríkjamenn gerðu samning um samstarf leyniþjónustu:
Leyniskjöl opinberuð eftir 64 ár
HARRY S. TRUMAN Samningurinn var
gerður í forsetatíð Harry S. Truman,
forseta Bandaríkjanna.
Ég held að
það hafi haft
mjög mikið að
segja um að
ríkin ákváðu
að krefjast
ekki atkvæða-
greiðslu.
TÓMAS H. HEIÐAR
AÐALFULLTRÚI
ÍSLANDS Í ALÞJÓÐA-
HVALVEIÐIRÁÐINU