Fréttablaðið - 07.08.2010, Page 26

26 7. ágúst 2010 LAUGARDAGUR
MILLJARÐAMÆRINGURINN
TÖLVUNÖRDINN
KVENNAMAÐURINN ÍÞRÓTTAÁHUGAMAÐURINN
PARTÍLJÓNIÐ
Paul Allen fæddist í Seattle
í Washington-ríki Bandaríkj-
anna árið 1953. Hann gekk
í Lakeside-einkaskólann þar
sem hann kynntist Bill Gates.
Þeir urðu miklir vinir í gegnum
sameiginlegt áhugamál sitt,
sem sé tölvur, sem voru
reyndar hvorki fugl né fiskur
á þessum tíma. Allen gekk
svo í háskóla í Washington,
en hætti eftir tveggja ára nám
til að vinna sem forritari með
Gates góðvini sínum. Hann
sannfærði svo Gates um að
hætta í Harvard-háskóla til
að stofna fyrirtækið Microsoft
árið 1975. Það þarf ekki að
fjölyrða um sögu fyrirtæk-
isins sem er algjört skrímsli
í tölvuheiminum. Gates og
Allen voru á meðal þeirra sem
hönnuð stýrikerfið sem keyrði
fyrstu PC-tölvur IBM. Kerfið
varð síðan Windows og náði
yfirburðastöðu á markaðnum.
Microsoft hefur á sinni tíð
verið lögsótt og dæmt fyrir
einokunartilburði.
Hver er þessi Paul Allen?
Bandaríski milljarðamæringurinn Paul Allen er
staddur á landinu. Heimsókn hans hefur vakið
gríðarlega athygli, enda fer lúxussnekkja hans,
sem er ein sú stærsta í heimi, ekki framhjá nein-
um. Paul stofnaði Microsoft á sínum tíma ásamt
Bill Gates og er í 37. sæti yfir ríkustu menn heims
samkvæmt tímaritinu Forbes. Atli Fannar Bjarka-
son skoðaði hvaða mann Allen hefur að geyma og
komst að því að hann er liðtækur gítarleikari með
brennandi áhuga á íþróttum og konum.
DVELUR Í REYKJAVÍK Bæði glöggir og óglöggir hafa tekið eftir risavöxnu snekkjunni í Reykjavíkurhöfn. Hún er í eigu Paul Allen,
annars stofnanda Microsoft. Allen er einn ríkasti maður heims, þó að hann hafi reyndar verið miklu ríkari áður.
Paul Allen er einn af milljarðamæringunum sem taka þátt í verkefninu The
Giving Pledge, sem Bill Gates og Warren Buffet standa að. Verkefnið snýst
um að forríkt fólk hefur lofað að ánafna að minnsta kosti helmingi auðs
síns til góðgerðarmála. Auðæfi Allen eru metin á 13,5 milljarða Banda-
ríkjadala í dag. Miðað við gengi íslensku krónunnar lítur talan svona út:
1.606.500.000.000. 1,6 billjónir íslenskra króna. Árið 2007 var Allen í 19.
sæti á lista yfir ríkustu menn heims. Í dag er hann í 37. sæti á sama lista.
Hann hefur augljóslega losað sig við talsvert mikið af fjármunum og tapað
einhverju, því árið 2005 var hann í þriðja sæti á lista Forbes yfir ríkustu
menn heims. Auður hans var metinn á rúma 22 milljarða Bandaríkjadala.
Samkvæmt heimildum Fréttablaðsins er Paul Allen
á landinu ásamt kærustunni sinni, sem fagnaði
þrítugsafmæli sínu við komuna til landsins. Paul
lét starfsfólk sitt raða alls kyns gjöfum víðs vegar
um lúxussnekkjuna Octopus og fór hann meðal
annars fram á Louis Vuitton-tösku sem er ekki
fáanleg á landinu. Allen hefur átt í ástarsambönd-
um við nokkrar frægar konur í gegnum tíðina.
Hann var orðaður við tennisstjörnuna Monicu
Seles og byrjaði að hitta fyrirsætuna Jerry Hall eftir
að hún skildi við rokkarann Mick Jagger úr Rolling
Stones. Þá var hann orðaður við leikkonuna Lauru
Harring sem varð ungfrú Bandaríkin árið 1985.
Í seinni tíð er hún þekktust fyrir hlutverk sitt í
kvikmynd David Lynch, Mulholland Drive ásamt því
að leika mömmu hins alræmda Chuck Bass í
Gossip Girl.
Þrátt fyrir að það sé talað um að Paul Allen sé
afar rólegur og hæglátur maður er hann
þekktur fyrir að halda stórkostlegar
veislur á lúxussnekkju sinni. Hann
býður ávallt þotuliðinu úr Hollywood
að skemmta sér með sér og er þekktur
fyrir að grípa í gítar í veislunum og troða
upp með hljómsveit. Í nýárspartíi
árið 2005 spilaði hann lög eftir
Johnny Cash með hljómsveit
sinni og R&B-söngvaranum
Usher. Allen hélt veislu um
borð í Octopus á Cannes-
kvikmyndahátíðinni í fyrra til
heiðurs Dr. Jim Watson. Á
meðal gesta voru Björgólfur
Thor Björgólfsson og Kristín
Ólafsdóttir eiginkona hans.
Paul Allen hefur gríðarlegan áhuga á íþróttum sem sést
berlega á fjárfestingum hans. Hann keypti NBA-körfubolta-
liðið Portland Trail BLazers árið 1988 af fasteignajöfrinum
Larry Weinberg á 70 milljónir dollara. Hann átti stóran
fjárhagslegan
þátt í byggingu
íþróttahallar liðs-
ins, Rose Garden,
árið 1993. Árið
1997 keypti Allen
NFL-íshokkíliðið
Seattle Seahawks
af auðjöfrinum
Ken Behring.
Þetta gerði Allen
til að forða liðinu frá því að vera flutt til Suður-Kaliforníu.
Hann á líka hlut í fótboltaliðinu Seattle Sounders FC sem
var stofnað í fyrra. Á meðal eigenda eru grínistinn Drew
Carey og kvikmyndaframleiðandinn Joe Roth. Liðið var
aðeins annað lið sögunnar til að spila í úrslitakeppni á fyrsta
tímabili sínu í MLS-deildinni, sem er úrvalsdeild Bandaríkj-
anna í fótbolta.
2.142.000.000.000 kr.
Auðævi Paul Allen árið 2007
700.000.000.000
Icesave-reikningurinn
235.000.000.000
Eignir Björgólfs Thors Björgólfssonar
árið 2007 skv. tímaritinu Forbes
1.606.500.000.000
Auðævi Paul Allen í dag
560.000.000.000
Fjárlög íslenska ríkisins í ár
80.288.000
Hæsti vinningur sem greiddur hefur
verið út í íslenska lottóinu. Vinningurinn
var greiddur út í apríl árið 2002.
24.000.000.000
Virði skútu Paul Allen,
Octopus, sem er nú við
Reykjavíkurhöfn.
144.443.000.000
Heildarútgjöld ríkisins til
heilbrigðismála á einu
ári frá 15. júlí 2008.