Fréttablaðið - 03.09.2010, Blaðsíða 28

2 föstudagur 3. september
núna
✽ dansinn dunar
F
ör
ðu
n:
S
va
nh
ví
t V
al
ge
irs
dó
tti
r
SNYRTISKÓLI - naglaskóli - förðunarskóli - fótaaðgerðaskóli
S N Y R T I -
Nýjar áherslur
og
bylting í kennslu
Allir kennarar eru með
áralanga reynslu í faginu
Nám í boði
Spennandi nám
í förðun
Kennsla í öllu sem
viðkemur tísku, leikhúsi og
líkamsförðun (bodypaint)
Tísku- og ljósmyndaförðun
í 14 vikur.
Lokaverkefnið er unnið allan
námstímann og endar með
sýningu í lok náms
Nánari upplýsingar:
S: 553 7900
skoli@snak.is
www.snak.is
F ö r ð u n a r s k ó l i n n
stofnaður 1997
SNYRTISKÓLI - naglaskóli - förðunarskóli - fótaaðgerðaskóli
S N Y R T I -
þetta
HELST
augnablikið
Útgáfufélag 365 miðlar ehf. Forsíðumynd Valgarður Gíslason
Útlitshönnun Kristín Agnarsdóttir Auglýsingar Sigríður Hallgrímsdóttir
sigridurh@365.is sími 512 5432 Föstudagur Skaftahlíð 24, 105 Reykjavík, sími 512 5000
Í GERVI GOÐSINS Frá dauða
poppgoðsins Michaels Jackson hafa
aðdáendur hans safnast saman í
Prospect Park í Brooklyn á afmælis-
degi hans, 29. ágúst. Margir bregða
sér í gervi goðsins honum til heiðurs.
MYNDD/GETTY
D ansverkið Falling in love with Nina er eitt þeirra níu
verka sem eru frumflutt á Íslandi
á Reykjavík Dance Festival sem
nú stendur yfir. Höfundur verks-
ins er Steinunn Ketilsdóttir, sem
er reyndur danshöfundur og einn
aðalskipuleggjenda hátíðarinnar í
ár. „Þetta er sólóverk sem ég gerði
fyrir Katrínu Johnson, góða vin-
konu mína og dansara í Íslenska
dansflokknum. Ég fékk ákveðna
hugmynd um verkið og Katrín var
fyrsta manneskjan sem kom upp
í hugann á mér fyrir það.“
Steinunn og Katrín áttu í ná-
inni samvinnu við að skapa verk-
ið og og eyddu meðal annars tíma
saman á Skagaströnd og sólar-
strönd í Portúgal. Verkið bygg-
ir ekki eingöngu á dansi,
heldur að stórum hluta til
á texta eftir Steinunni. „Inn
í þetta fléttast pælingar um
lífið og ástina, dauðann og tví-
ræðni hlutanna. Er til dæmis eitt-
hvað sem lítur út fyrir að vera fal-
legt í raun og veru fallegt, ef þú
staldrar við og horfir á það? Við
erum oft á svo mikilli ferð í þessu
lífi að við gleymum að staldra við,
horfa í kringum okkur og upplifa.
Það er nefnilega þá sem maður sér
smáatriðin og hnökrana í lífinu.
Þetta var mjög sterkur útgangs-
punktur hjá mér í verkinu.“
Falling in love with Nina verð-
ur sýnt í Norðurpólnum á laugar-
dags- og sunnudagskvöld klukkan
átta. Norðurpóllinn er einn af
þremur sýningarstöðum Reykja-
vík Dance Festival en hinir eru
Hafnarhúsið og Brim-húsið niðri
við höfn, þar sem meðal annars
fer fram miðnætursýning í kvöld
undir stjórn Valgerðar Rúnars-
dóttur.
Aðrir þátttakendur á hátíðinni
eru meðal annarra Erna Ómars-
dóttir, Isabelle Schad, þekktur
danshöfundur frá Berlín, og fjöl-
listahópurinn Muscle and Hate
Crew.
Allar nánari upplýsingar um
dagskrá hátíðarinnar má nálgast
á heimasíðunni www.dancefesti-
val.is. - hhs
Dansverkið Falling in love with Nina frumflutt á Reykjavík Dance Festival á morgun:
TVÍRÆÐNI HLUTANNA
Hluti af húmornum er hversu mikið við leggjum í þátt af
þessu tagi. Ef þetta værum bara
við vinirnir heima í stofu að hlæja,
tekið upp á lélega myndavél, þá
væri þetta ekki jafn flott,“ segir
Magnús Ingi Sveinbjörnsson sem,
ásamt nokkrum vinum sínum,
framleiðir íslensku grínþættina
Dead Drunk But Trying sem sýndir
eru á YouTube.
Þættirnir ganga út á að leiða
saman tvo keppendur sem
innbyrða mikið magn af áfengi
áður en þeir reyna að leysa
einfaldar þrautir, sem vefjast fyrir
drukknum þátttakendunum með
kostulegum afleiðingum.
Magnús Ingi fékk hugmyndina
að þáttunum þegar hann var
staddur heima hjá vini sínum,
sem var að setja saman hillu úr
Ikea. „Skyndilega datt mér í hug
hvort ekki væri fyndið að gera
þetta ef við værum fullir. Tíu
mínútum síðar vorum við komnir
með hugmyndina að þáttunum og
tókum fyrsta þáttinn upp daginn
eftir,“ segir Magnús.
Hann segir þættina hafa vakið
mikla athygli, meðal annars frá
bandarískri sjónvarpsstöð. „Við
ætlum að gera sex eða sjö þætti
í fyrstu seríunni og frumsýna
þættina á tveggja vikna fresti,“
segir Magnús, en nú þegar er hægt
að horfa á tvo fyrstu þættina á
YouTube. - kg
Drukknir þátttakendur vekja athygli:
Gera grín á Netinu
Magnús Ingi Sveinbjörnsson, lengst
til hægri, ásamt vinum sínum sem
hjálpa til við gerð þáttanna.
FRÉTTABLAÐIÐ/STEFÁN
Nakin fegurð í vikunni
Íslenski listahópurinn The Weird
Girls Project frumsýnir eftir helg-
ina ellefta vídeóverk sitt. Ekki hefur
enn þá verið gefið upp hvar eða
hvernig verkið verður afhjúpað en
víst er þó að þess er beðið með
eftirvæntingu. Myndirnar sem sést
hafa úr verkinu eru ævintýralega
fallegar en á þeim klæðast stúlk-
urnar engu nema blómakrönsum.
Það má því búast við að margir
hlakki til að sjá útkomuna í hreyfi-
mynd. Í hópnum eru hátt í sex-
tíu ólíkar stúlkur sem
taka þátt í verk-
efnum sem lista-
konan Kitty Von
Sometime er for-
sprakki fyrir. Í þessu
nýja verki hljóma
undir ljúfir tónar
tónlistarmannsins
Ólafs Arnalds.
Tískuspírur selja spjarir
Fatamarkaðirnir halda áfram
að spretta upp, mörgum til
ánægju enda aldrei leiðinlegt
að gera góð kaup. Á laugar-
daginn á milli 12 og 18 ætla
þrjár smekkmanneskjur að selja
spjarir sínar á Prikinu, vinkonurnar
Anna Soffía, Sylvía og Svala Lind.
Það verður örugglega vel þess virði
að kíkja við hjá þeim, enda hafa
þær allar unnið hjá einni
af helstu vintage-
verslunum landsins,
Rokki og rósum.
Þær verða með
mikið magn af
kápum, kjólum,
jökkum, peys-
um, skóm og
töskum.
Vinkonur Katrín Johnson flytur verk vinkonu sinnar, Steinunnar Ketilsdóttur, á Reykjavík Dance Festival um helgina.
FRÉTTABLAÐIÐ / STEFÁN
VIGDÍS HREFNA PÁLSDÓTTIR LEIKKONA
Ég ætla að byrja helgina á að sjá leiksýninguna Dvergurinn hjá Agli
Heiðari, vini mínum, á listahátíðinni Lókal. Á laugardagskvöldið ætla
ég að gefa öllu góða fólkinu sem hefur hjálpað okkur við að flytja
bjór. Á sunnudaginn verð ég svo í gervi Rauðhettu allan daginn á
opnu húsi hjá Þjóðleikhúsinu, í tilefni af 60 ára afmæli þess.
helgin
MÍN