Fréttablaðið - 11.09.2010, Blaðsíða 6

6 11. september 2010 LAUGARDAGUR
Börn -10: Þriðjud. 17:20, fimmtud. 17:00,
Börn +10: Þriðjud. 18:00, fimmtud. 18:00
Fullorðnir byrjendur:
Mánud, Þriðjud, Fimmtud. kl 19:00 og Laugard. 10:30
Fjölbreyttur hópur þjálfara sér um æfingarnar og því eru engar
tvær æfingareins. Börn 8.500, fullorðnir 12.500.
Það kostar ekkert að prófa! Upplýsingar á www.ir.is/taek-
wondo eða hjá Jakobi (s. 823-4074) og Ólafi (s. 825-7267).
Wax on Wax off hvað, þú þarft ekki einu
sinni jakka til að æfa Taekwondo!
Nóatúni 4 · Sími 520 3000
www.sminor.is
í dag
kl. 10 til 16.
Fjöldi tilboða í
tilefni dagsins.
Verið velkomin í
verslun okkar að
Nóatúni 4.
A
T
A
R
N
A
A
T
A
R
N
A
Sölusýning
MANNFJÖLDI Aldrei hafa fæðst fleiri
börn á einu ári hér á landi en á síð-
asta ári, þegar 5.027 börn komu í
heiminn. Samkvæmt samantekt
Hagstofunnar fæddust alls 2.466
stúlkur og 2.561 drengur árið
2009. Þetta er 111 börnum fleira
en fyrra met frá árinu 1960, þegar
4.916 börn fæddust, og 192 fleiri
en fæddust árið 2008.
Kristín Viktorsdóttir, aðstoðar-
yfirljósmóðir á Landspítalanum,
segir að svo virðist sem dregið
hafi aftur úr fæðingum eftir met-
árið í fyrra. Hún segir að þegar
bornir séu saman fyrstu átta mán-
uðir ársins hjá Landspítalanum
séu um sex færri fæðingar á mán-
uði nú en á sama tímabili í fyrra.
Það gerist þrátt fyrir að fæðingar
kvenna frá Selfossi og Reykjanes-
bæ hafi í auknum mæli færst til
spítalans.
Kristín bendir þó á að ekki séu
færri fæðingar skráðar alls stað-
ar í ár, til dæmis sé fjöldi fæðinga
á Akranesi það sem af er árinu
þegar orðinn meiri en allt árið í
fyrra.
Á vef Hagstofunnar kemur jafn-
framt fram að frjósemi íslenskra
kvenna hafi aukist milli ára, sé
horft til fjölda barna sem hver
kona eignast á ævi sinni. Árið 2009
hafi hver kona að meðaltali átt 2,22
börn á ævinni, samanborið við 2,14
árið 2008. Það var þó í fyrsta sinn
frá árinu 1996 sem frjósemi fór
yfir markið 2,1, sem er almennt
miðað við sem lágmarkstölu til
að mannfjöldi viðhaldist til lengri
tíma litið.
Þrátt fyrir þessa aukningu eru
konur í dag ekki nema hálfdrætt-
ingar á við það sem viðgekkst á
árunum í kringum 1960, þegar
konur áttu rúmlega fjögur börn
að meðaltali. - þj, bj
Fimmtíu ára gamalt fæðingamet var slegið hér á landi í fyrra þegar rúmlega fimm þúsund börn fæddust:
Stefnir í að fæðingum fækki aftur í ár
FÆÐINGAR Fæðingum hefur fjölgað
talsvert undanfarið, en ljósmóðir hjá
Landspítalanum segir tölur benda til
þess að fæðingum fækki aftur eftir
metár í fyrra. NORDICPHOTOS/AFP
ÖRYGGISMÁL Ríkisstjórnin sam-
þykkti á fundi sínum í gærmorgun
að leigð verði þriðja þyrlan til björg-
unarstarfa fyrir Landhelgisgæsl-
una. Þá yrðu alltaf tvær áhafnir til
taks.
Tillagan er komin frá Ögmundi
Jónassyni dómsmálaráðherra. Áætl-
að er að sértekjur
Landhelgisgæsl-
unnar dugi fyrir
leigunni þannig
að ekki þurfi að
fjármagna hana
með framlögum
úr ríkissjóði.
Landhelgis-
gæslan hefur að
undanförnu leigt
flugvél sína til
ýmissa verkefna
í útlöndum og rætt hefur verið um
að nýtt varðskip, sem er í smíði í
Chile, verði leigt tímabundið þegar
það er tilbúið.
„Landhelgisgæslan hefur verið
mjög dugleg að afla sértekna fyrir
utan landsteinana – á Mexíkóflóa
og í Afríku – með leigu á skipi og
flugvél. Það er ekki nóg með að
Landhelgisgæslan hafi þannig
aflað okkur gjaldeyris held-
ur hefur hún einnig aflað sínum
starfsmönnum mjög mikilvægrar
reynslu,“ segir Ögmundur, sem
fagnar dugnaði Gæslunnar.
Hrökkvi sértekjurnar ekki
fyrir leigunni þarf að koma til
framlag úr ríkissjóði en það væri
þá Alþingis að taka ákvörðun um
það.
Áætlað er að þyrlan verði tekin
á leigu í haust. - sh
Ríkisstjórnin samþykkir að Landhelgisgæslan fái að leigja þyrlu í haust:
Gæslan fær þriðju þyrluna
ÖGMUNDUR
JÓNASSON
TF-LÍF Gæslan notast nú við þyrlurnar TF-LÍF og TF-GNÁ. FRÉTTABLAÐIÐ / VILHELM
STJÓRNSÝSLA „Sænskir bændur voru
mjög fylgjandi aðild Svíþjóðar að
Evrópusambandinu. Þegar þeir
rákust á vegg skrifræðisins, sem
var mun þyngra í vöfum en þeir
bjuggust við, urðu þeir neikvæðir í
garð sambandsins. Bændurnir hafa
jafnað sig síðan þá enda hafa þeir
notið góðs af byggðastefnu ESB,“
segir Mats Persson, forstjóri Land-
búnaðarstofnunar Svíþjóðar.
Persson er staddur hér á landi
í tengslum við aðildarumsókn
íslenskra stjórnvalda að Evrópu-
sambandinu.
Persson vann að aðild Svíþjóðar
að Evrópusambandinu fyrir hönd
Landbúnaðarstofnunarinnar árið
1995 og hefur síðastliðin sjö ár verið
ábyrgur fyrir viðskiptum bænda við
ESB ásamt því að fylgja eftir stefnu
sambandsins í byggðamálum.
Hann rifjar upp að fyrir aðild
Svía hafi verið meirihlutavilji fyrir
aðild að ESB. Bændur hafi farið í
kynningarferðir til aðildarríkjanna
og litist vel á. „Ég held að þeir hafi
sömuleiðis séð ákveðna möguleika
sem fólust í sameiginlegri landbún-
aðarstefnu ESB og stuðningi við
dreifðari byggðir. Það var ekki fyrir
hendi í Svíþjóð á sínum tíma,“ segir
Persson. Á meðal styrkja í byggða-
stefnu ESB eru stuðningur við upp-
byggingu í ferðaþjónustu og skóg-
rækt. Íslenskir bændur geti fengið
styrk til að græða landið og draga
úr uppblæstri líkt og Írar og Bret-
ar. „Við glímum við annað vanda-
mál. Aðeins tíu prósent Svíþjóð-
ar eru skóglaus. Við fáum styrk til
skógarhöggs og grisjunar,“ segir
Persson en bætir við að ekki minna
máli skipti að sem dæmi hafi ESB
styrkt lagningu breiðbands í dreifð-
Mikilvægt að bænd-
ur kynni sér ESB
Aðild Svía að Evrópusambandinu hefur haft jákvæðar afleiðingar fyrir sænsk-
an landbúnað, að sögn Mats Persson, forstjóra Landbúnaðarstofnunar Svíþjóð-
ar. Breyttir neysluhættir skýri aukinn innflutning landbúnaðarvara þar.
Mats Persson er fæddur árið 1951. Foreldrar hans voru bændur á litlum
bæ í Suður-Svíþjóð. Hann er enn í eigu fjölskyldunnar. „Bærinn minn er í
skóginum um hundrað kílómetra norður af Malmö. Hann er mjög lítill en
skógurinn þykkur. Við höldum engin dýr. En nágrannar mínir eru með tíu kýr
og þeir fá stuðning frá ESB til að halda þeim. Ef þeir hefðu ekki stuðninginn
til að halda skóginum í skefjum væru þeir ekki með kýrnar,“ segir Persson.
Er kominn af bændum
FR
ÉTTA
B
LA
Ð
IÐ
/PJETU
R
MATS PERSSON Forstjóri Land-
búnaðarstofnunar Svíþjóðar
segir sænska bændur hafa
verið neikvæða út í skrifræði
ESB. Þeir hafi nú vanist því og
viðhorfið sé orðið jákvæðara.
ari byggðum Svíþjóðar. „Það er mik-
ilvægt og fólk í dag vill ganga að því
vísu, sérstaklega ungt fólk. ESB
styrkir lagningu breiðbandsnets í
dreifðari sveitum.“
Þrátt fyrir aðild Svía að ESB
fyrir fimmtán árum hefur útflutn-
ingur á matvælum ekki aukist til
annarra aðildarríkja. Þvert á móti
hefur innflutningur á landbúnaðar-
afurðum aukist. Persson segir þetta
eiga sér eðlilegar skýringar. Neysla
á kjöti og ostum hafi aukist umfram
framleiðslugetu landbúnaðarins og
innflutningur því aukist. „Það hefði
breyst hvort eð er,“ segir Persson
og vísar til tækniframfara í land-
búnaði sem hafi skilað sér í breytt-
um háttum.
Persson þekkir til andstöðu
íslenskra bænda og hagsmunahópa
þeirra við aðild að ESB. Hann segir
bændur verða að kynna sér land-
búnaðarstefnu sambandsins og
fara utan í því skyni. Það hafi skil-
að miklum árangri í Svíþjóð. „Það
er mikilvægt að auka þekkinguna
á ESB. Þá hafið þið meira til að
byggja á,“ segir hann.
jonab@frettabladid.is
Er íslenska karlalandsliðið í
knattspyrnu á réttri leið?
JÁ 49,6%
NEI 50,4%
SPURNING DAGSINS Í DAG
Óttast þú nýtt hrun ef fyrrver-
andi ráðherrar verða fundnir
sekir um vanrækslu í starfi?
Segðu skoðun þína á vísir.is
KJÖRKASSINN