Morgunn - 01.12.1946, Síða 82

152
MORGUNN
Frá Sálarrannsóknafélagi íslands.
Þegar ritið berst lesendunum að þessu sinni, vill það
minna alla vini og velunnara málsins, sem það flytur, á
það, að nú stendur yfir sala á happdrættismiðum fyrir
byggingarsjóð Sálarrannsóknafélags Islands. Það hefir
lengi verið oss ljóst, að mjög hlýtur það að há málefninu
hér á landi, að félagið skuli ekki eiga hús fyrir starfsemi
sína. Lengi var lítið um það hirt að starfa að fjársöfnun í
þessum tilgangi, en nú loks á síðustu árum hafa sjóðir fé-
lagsins vaxið mjög myndarlega, sumpart fyrir mikinn
dugnað félagsfólksins, og þá ekki kvenfólksins sízt, og
sumpart fyrir gjafir örlátra vina málefnisins, ekki aðeins
hér í Reykjavík, heldur einnig vina víða úti um landið, sem
raunar geta lítils notið af starfi félagsins, en hafa sýnt
rausn sína og góðhug með því að senda gjafir engu að
síður.
En gjafirnar koma lengra aö. Kona ein vestur í Can-
anda, frú Nikólína Friðriksson, Selkirk, Manitoba, hefir
áður sent húsbyggingarsjóði S.R.F.l. peningagjafir, og nú
á liðnu hausti sendi hún minningargjöf, að upphæð 50
dollara, í tilefni af áttræðisafmæli vinar síns, próf. Guð-
mundar Hannessonar. Eins og kunnugt er var próf. Guð-
mundur talsvert riðinn við rannsóknina á fyrirbrigðunum
hjá Indriða heitnum Indriðasyni og ritaði um þær merki-
legar greinar, sem hann nefndi „1 Svartaskóla", og vöktu
mikla og verðskuldaða athygli. Með peningagjöfinni sendi
frú N. Friðriksson greinargjörð í tilefni af áttræðisafmæli
hins merka manns, sem því miður kom of seint til þess,
að hægt væri að birta hana í síðasta hefti Morguns.
Skömmu eftir afmæli sitt andaðist prófessor Guomund-
ur, en Morgni er ánægja að birta grein frúai'innar, því að
hún lýsir merkum eðlisþætti hins merka manns. Grein-
argerðin er á þessa leið: