Fréttablaðið - 21.01.2011, Blaðsíða 2

2 21. janúar 2011 FÖSTUDAGUR
SPURNING DAGSINS
Er þinn
auður í góðum
höndum?
Byrjaðu árið með Auði
• Séreignarsparnaður
• Sparnaður
• Eignastýring
Borgartúni 29
S. 585 6500
www.audur.is
Óháð staða skilar árangri
DÓMSMÁL Settur ríkissaksóknari,
Lára V. Júlíusdótttir, sagði í Hér-
aðsdómi Reykjavíkur í gær að um
fyrirfram skipulagða árás hefði
verið að ræða, þegar níu einstakl-
ingar fóru inn í Alþingishúsið 8.
desember 2008.
Málflutningur stóð yfir í gærdag
í héraðsdómi og lauk ekki fyrr en
síðdegis.
Saksóknari fór yfir sakargiftir
hvers og eins nímenninganna og
rakti atburðarásina. Komið hefði
árásarboð frá Alþingi. Fólk hefði
verið á leið upp stiga hrópandi
slagorð og hótanir um ofbeldi.
Þingverðir og lögreglumenn hefðu
slasast. Fólkið hefði ráðist í sam-
einingu að Alþingi til að trufla
störf þess og hindra að þingfundur
færi fram. Um skipulagt brot hefði
verið að ræða og öryggi Alþingis
hefði verið ógnað. Þarna hefði
verið um samverknað einstakl-
inga að ræða og ákærðu hefðu
fullframið brot með innrás.
Lára vísaði til þess að í stjórnar-
skrá segir að Alþingi sé friðhelgt.
Fólkið hefði ráðist í sameiningu
inn, rofið friðhelgi þess og starfs-
frið og ógnað öryggi þeirra er inni
voru. Það hefði ruðst gegn þing-
vörðum og lögreglu.
Síðan rakti saksóknari hvernig
þau brot sem nímenningarnir eru
ákærðir fyrir falla undir tilteknar
hegningarlagagreinar. Brot gegn
100. grein varðar að minnsta kosti
eins árs fangelsi.
Ragnar Aðalsteinsson, verj-
andi fjögurra sakborninga í mál-
inu, lagði áherslu á að fólkið hefði
verið í stjórnarskrárbundnum
rétti til þess að hlýða á umræður
á Alþingi. Réttur til friðsamlegra
mótmæla félli undir mann réttindi
og nyti verndar stjórnarskrár-
innar.
Ragnar rakti gang atburða og
sagði að árásartilkynning þing-
varðar hefði orðið til þess að kallað
hefði verið út allt tiltækt lögreglu-
lið, að minnsta kosti í Reykjavík og
Hafnarfirði. Alþingi hefði þannig
sent röng skilaboð og talið lögreglu
trú um að árás stæði yfir. Alþingi
yrði að taka á sig ábyrgð á því sem
þar gerðist að því leytinu til.
Þá sagði lögmaðurinn að
skrifstofa Alþingis hefði kært
atburðinn. Hefði hún ekki fengið
umboð forsætisnefndar í þeim
efnum væri kæran að engu haf-
andi. Þá átaldi Ragnar máls-
meðferð saksóknara og benti jafn-
framt á að umræddur atburður
hefði orðið í kjölfar hruns, neyðar-
laga, óreiðu og kvíða í samfélag-
inu og ráðleysis stjórnvalda. Efnt
hefði verið til mótmæla aðgerða
og væri þessi atburður afar lítil-
vægur miðað við margt annað sem
gerðist á þessum tíma.
jss@frettabladid.is
MÓTMÆLI Allmargir mótmælendur voru mættir í Héraðsdóm Reykjavíkur skömmu
fyrir hádegishlé í gær til stuðnings við nímenningana. FRÉTTABLAÐIÐ/ANTON
Skipulögð árás segir
settur saksóknari
Settur saksóknari í máli ákæruvaldsins gegn níu einstaklingum segir að þeir
hafi skipulagt árás á Alþingi árið 2008. Verjandi fjögurra sakborninga segir að
árásartilkynning frá Alþingi hafi orðið til þess að svo fór sem fór.
BANDARÍKIN, AP Bandaríska þing-
konan Gabrielle Giffords, sem
særðist alvarlega á höfði í skot-
árás, sýnir batamerki. Hún stóð
upp og horfði út um gluggann á
sjúkrahúsi í Tucson, þar sem hún
dvelur.
Ekki er þó vitað enn hvort hún
getur talað eða hve vel hún sér.
Hún verður innan skamms flutt
til borgarinnar Houston, þar sem
hún mun gangast undir stranga
andlega og líkamlega endurhæf-
ingu. Þar mun hún þurfa að læra
að hugsa og skipuleggja hlutina
upp á nýtt. - gb
Batamerki þingkonu:
Getur staðið á
eigin fótum
„Ólína, eru kvótagreifarnir
kyrkjunarmenn?“
„Já, þeir herða takið.“
Haft var eftir Ólínu Þorvarðardóttur, þing-
manni Samfylkingarinnar, í Fréttablaðinu
í gær að ekki mætti dragast lengur að
koma á gagngerum breytingum á fisk-
veiðistjórnunarkerfinu, það væri að kyrkja
byggðirnar.
SLYS Karlmaður sem var að
skokka á Eyjafjarðarbraut vestri
í Eyjafjarðarsveit lést þegar
hann varð fyrir fólksbifreið. Slys-
ið átti sér stað um klukkan fimm
í gærdag.
Slysið varð rétt sunnan við
bæinn Litla-Hvamm, sunnan
Akureyrar. Lögreglan á Akureyri
rannsakar málið en gat ekki veitt
frekari upplýsingar um tildrög
slyssins. Málið er komið á borð
rannsóknarnefndar umferðar-
slysa. - sv
Banaslys í Eyjafjarðarsveit:
Karlmaður varð
fyrir bíl og lést
HEILBRIGÐISMÁL Þrítug kona liggur
nú á gjörgæsludeild Landspítala
með alvarleg sjúkdómseinkenni af
völdum svínainflúensu. Konan var
lögð inn í fyrradag. Hún hafði ekki
verið bólusett gegn inflúensunni en
er með undirliggjandi áhættuþætti
sem auka líkur á alvarlegum veik-
indum af völdum inflúensunnar.
„Það er staðfest að eitthvað á
annan tug manna hefur fengið
hana hér,“ segir Haraldur Briem
sóttvarnalæknis. „Einnig fylgj-
umst við með inflúensulíkum ein-
kennum og hafa nú verið skráð á
annað hundrað tilvik. Mjög lík-
legt er að um svínainflúensu sé að
ræða í þessum tilvikum, þar sem
hún hefur verið staðfest hér.
Við erum hins vegar að vona að
bólusetningin dragi verulega úr
faraldrinum.“
Mikið álag er nú á gjörgæslu-
deildum í mörgum nágrannalönd-
unum vegna svínainflúensunnar
sem sækir í sig veðrið, að því er
Haraldur segir.
Enn sem komið er virðist inflú-
ensan ekki hafa náð mikilli
útbreiðslu í samfélaginu hér.
Er fólk sem ekki hefur fengið
inflúensubólusetningu hvatt til að
láta bólusetja sig sem fyrst, að sögn
sóttvarnalæknis. - jss
BÓLUSETNING Sóttvarnalæknir hvetur
fólk til að láta bólusetja sig sem fyrst.
Þrítug kona liggur þungt haldin á gjörgæsludeild Landspítalans:
Í lífshættu vegna svínaflensu
DÓMSMÁL Kona hefur verið
úrskurðuð í gæsluvarðhald til 15.
febrúar vegna gruns um íkveikju
í íbúð á jarðhæð í fjölbýlishúsi.
Í greinargerð lögreglustjóra
kemur fram að eldurinn hafi verið
í þriggja sæta sófa inni í stofu í
íbúðinni. Eldfimum vökva hafði
verið hellt í sófann.
Konan sem var ein í íbúðinni
var gestkomandi þar en hafði
hringt í þann sem bauð henni gist-
ingu og sagst ætla að kveikja í
íbúðinni.
Í greinargerðinni segir að kon-
unni hefði mátt vera ljóst að
íkveikja hefði í för með sér stór-
alvarlegar afleiðingar fyrir íbúa
hússins. Refsilágmark sé tveggja
ára fangelsi, en brotið geti varðað
ævilöngu fangelsi. - jss
Grunuð um íkveikju í fjölbýli:
Brennuvargur í
gæsluvarðhaldi
ÁSTRALÍA, AP Ekkert lát er á flóð-
unum í Ástralíu. Í gær urðu þús-
undir íbúa í Kerang að flýja heim-
an.
Stjórnvöld í Ástralíu segja að
flóðin undanfarnar vikur verði
dýrustu náttúruhamfarir í sögu
landsins. Þau hafa kostað þrjátíu
manns lífið og stöðvuðu að stórum
hluta starfsemi kolaiðnaðarins
í landinu. Fyrstu vikurnar voru
flóðasvæðin að mestu bundin við
Queensland, en í þessari viku hafa
þau helst verið í Viktoríufylki,
sem er í suðausturhlutanum. - gb
Ekkert lát á flóðunum:
Þúsundir flýja
undan flóðum
BANDARÍKIN, AP Bandaríska alríkis-
lögreglan (FBI) handtók í gær
og ákærði 127 einstaklinga sem
grunaðir eru um að vinna fyrir
mafíuna. Þetta eru með fjölmenn-
ustu fjöldahandtökum í sögu FBI.
Meðal hinna handteknu eru
menn sem taldir eru hátt settir
meðlimir í Gambino- og Colombo-
glæpafjölskyldunum í New York.
Hinir handteknu hafa verið
ákærðir fyrir ýmiss konar
glæpi, þar á meðal morð, spill-
ingu, eiturlyfja sölu og fjárkúgun.
Handtökurnar koma í kjölfar
rannsóknar þar sem leynilegum
upptökum var meðal annars beitt
til að sanna sök. - bj
Ráðist til atlögu gegn mafíu:
127 handteknir
í aðgerðum FBI
HANDTEKINN Meðlimir í öllum fimm
stóru glæpagengjunum í New York voru
handteknir í gær. FRÉTTABLAÐIÐ/AP
EVRÓPUMÁL „Ég segi að ef við náum
ekki fullnægjandi niðurstöðu þá
skrifum við ekki undir,“ sagði
Þorsteinn Pálsson, fulltrúi í samn-
inganefnd Íslands gagnvart ESB,
á fundi Iceland Seafood um ESB
og sjávarútveg í Iðnó í gær. Hann
væri því ekki einn af þeim sem lof-
uðu þjóðinni atkvæðagreiðslu um
aðild að ESB undir öllum kring-
umstæðum.
Þorsteinn sagðist heldur ekki
lofa því að hægt yrði í samninga-
viðræðum að tryggja hagsmuni
sjávarútvegs að öllu leyti: „En það
eru möguleikar á því og við eigum
að láta á reyna.“
Adolf Guðmundsson, formaður
LÍÚ, talaði einnig á fundinum og
sagði að með aðild yrði lagasetn-
ingarvald um sjávarútveg flutt til
Brussel.
„F iskimiðin okkar yrðu
sameiginleg auðlind Evrópu-
sambandsins,“ sagði hann. Adolf
lagði í framsögu sinni áherslu á að
stöðugleikareglan, um að þjóð sem
hefði ákveðna veiðireynslu hefði
þann rétt óskoraðan áfram, yrði
„geirnegld“ inn í aðildarsamning,
svo henni yrði ekki breytt síðar.
Bjarni Benediktsson, formaður
Sjálfstæðisflokks, spurði fram-
sögumennina tvo álits á nýlegum
makrílveiðum Íslendinga: hvað
hefði orðið um þær ef þjóðin hefði
verið í ESB?
Þorsteinn svaraði því til að
um deilistofna væru Íslendingar
skuldbundnir til að semja við aðrar
þjóðir og staða til slíkra samninga
væri betri innan ESB en utan og
vísaði til sterkrar stöðu Skota.
Adolf fullyrti hins vegar að
innan ESB hefðu Íslendingar „ekki
fengið eitt einasta kíló“. - kóþ
Formaður LÍÚ og fulltrúi í samninganefnd Íslands ræddu um ESB og sjávarútveg:
Ekki skrifað undir slakan samning
Á FUNDI ICELAND SEAFOOD Fyrirtækið
stóð fyrir vel sóttri umræðu um ESB og
sjávarútveginn í gær í tilefni „markaðs-
dags“ fyrirtækisins. Þar ræddi meðal
annars Þorsteinn Pálsson, sem situr í
samninganefnd Íslands gagnvart ESB,
um stöðu mála. FRÉTTABLAÐIÐ/VILHELM
ANDLÁT
Lést vegna heilablóðfalls
Bráðabirgðaniðurstöður krufningar
leiða í ljós að tónlistarmaðurinn
Sigurjón Brink lést af völdum heila-
blóðfalls. Sigurjón varð bráðkvaddur á
mánudaginn síðstliðinn. Hann lét eftir
sig eiginkonu og fjögur börn.