Sólskin - 01.07.1967, Síða 65

átti faðir minn, hinn bezta grip, sem við vild-
um bœði eiga, og varð ég hlutskarpari. Hefur
hann síðan lagt á mig fœð og fjandskap. Nú
mun ég freista að skrifa honum og senda hon-
um hringinn, ef hann kynni heldur að mýkjast
til að gera vorn vilja. Skaltu nú búast með
fríðu föruneyti að finna hann, og þegar þú
kemur að hallardyrunum, skaltu taka af þér
kórónuna og skríða berhöfðaður inn að hásœt-
inu. Skaltu þá kyssa á hœgra fót hans og rétta
honum bréfið og hringinn. Segi hann þér að
standa upp, hefurðu fengið fram þitt erindi,
annars ekki. — Fer nú konungur að öllu sem
drottning hafði fyrir lagt. Og er hann kemur
fyrir hinn eineygða kóng, blöskrar honum,
hvað hann er Ijótur og ófrýnilegur, en herðir
þó upp hugann og réttir honum bréfið og
hringinn. Hýrnar fljótt yfir karli, þegar hann sér
hringinn og mœlti: — Eitthvað þykir systur
minni nú við liggja, er hún sendir mér grip
þennan. — Og er hann hefur lesið bréfið, segir
hann kóngi að standa á fœtur. Kvaðst hann
vera albúinn að fara eftir orðsendingu systur
sinnar og ekki vilja tefja. Tekur hann nú stöng
sína og er þegar horfinn. Bíður hann eftir þeim
63