Sameiningin - 01.10.1961, Blaðsíða 7

Sameiningin
5
glugga, sem hefir verið sneitt af stofni sínum. Hvötin til
dygðugs lífernis skapast eingöngu af ábyrgðartilfinning-
unni fyrir eilífu gildi mannlegs lífs, meðvitundinni um það
sð vera maður, kallaður af Guði til ákveðins hlutverks í líf-
inu, og ábyrgur gerða sinna frammi fyrir Guði á sjálfs síns
dómsdegi. Ef að vér einblínum alla vora daga á hlaðvarpann
í Nain, og beitum allri orku vorri að hagsmunabaráttu líð-
andi stundar, verður ábyrgðartilfinning vor sljó, og harmar
lífsins lama oss og leggja oss að lokum í vonlausa gröf.
Þar sem Kristur stendur við hliðið, þar er oss óhætt út
að ganga. Þá verður Nains hliðið hlið himinsins. í samfylgd
með honum á vegi guðstraustsins ,verður lífið, þrátt fyrir
harma þess og sorgir, guðleg náð. í návist hans er dauðinn
uppsvelgdur í sigur.
V. J. E.
SÉRA BJARNI JÓNSSON VÍGSLUBISKUP:
Hvar er himnaríki?
Þar sem Guð er, þar er himnaríki. En hvar er Guð?
Hann ríkir hátt yfir hverfleikans straum. Guði verða engin
takmörk sett í tíma eða rúmi. Lofgjörð trúarinnar segir:
„Dýrð sé Guði í upphæðum.“ Hér er ekki verið að ákveða
staðsetningu samkvæmt mannlegum útreikningi. Himinn-
inn og himnanna himnar taka þig ekki, segir heilög ritning.
Guð er á himnum, en þú á jörðu. Héðan lítum vér til Guðs,
sem er í upphæðum, og biðjum: „Faðir vor, þú sem ert á
himnum.“ Hann er á himnum, en um leið er hann hjá oss.
Þess vegna segir Matthías:
Hann heyrir stormsins hörpuslátt,
hann heyrir barnsins andardrátt,
hann heyrir sínum himni frá
hvert hjartaslag þitt jörðu á.
Sálmaskáld Biblíunnar lýsir þessu með ógleymanleg-
um orðurn: „Hvert get ég farið frá anda þínum og hvert