Sameiningin - 01.10.1961, Blaðsíða 9

Sameiningin
7
Lesum dæmisögurnar um Guðsríki. Lesum 13. kapitula
Matteusarguðspjalls. Sjáum vöxtinn og útbreiðsluna. „Líkt
er himnaríki mustarðskorni. Vissulega er það hverju sáð-
korni smærra, en þegar það er sprottið, er það stærra en
jurtirnar og verður að tré, svo að fuglar himinsins koma
og hreiðra um sig í greinum þess.“ Vér þekkjum sálminn
„í fornöld á jörðu var frækorni sáð.“ Syngjum hann og
biðjum: „Tilkomi þitt ríki.“ Göngum inn í hátíðarsal himna-
ríkis. Þá þurfum vér ekki að spyrja: „Hvar er himnaríki?"
því að nú eigum vér þar heima. Tökum á móti þessari
blessun frá Guði, eins og börnin taka fagnandi á móti góð-
um gjöfum. Komum á fund Drottins eins og lofsyngjandi
börn, og heyrum hann segja: „Slíkra er Guðsríkið.“ Þetta
hnoss er hægt að eignast nú. Þetta er hin sæla nútíð. Það
skal sannast nú og hér, að hin mesta sæmd og sælasta gleði
er í því fólgin að vera lærisveinn himnaríkis.
Nú skil ég orðin, sem oft eru sungin: „Ég á þegar eilífa
lífið.“ Eilífðin er lögð oss í brjósti. Eilíft líf byrjar hér. En
hvernig er framtíðin? Hvað tekur við? Ég hlusta og heyri
hin óviðjafnanlegu og styrkjandi orð: „Hjarta yðar skelfist
ekki, trúið á Guð og trúið á mig. í húsi föður míns eru
mörg híbýli, væri ekki svo, mundi ég þá hafa sagt yður,
að ég færi burt að búa yður stað? Og þegar ég er farinn
burt og hefi búið yður stað, kem ég aftur og mun taka yður
til mín, til þess að þér séuð og þar sem ég er.“ (Jóh. 14:1-3).
Vér vitum, hver talar þannig. Orðum hans má fullkom-
lega treysta. Ég spyr um eilífðina, og hlusta eftir þessum
orðum. Þau nægja mér. Við mér blasir hið fegursta út-
sýni. Ég horfi til þeirrar stundar, er gleðin verður full-
komin í himnaríki hjá Guði, er tárin þorna fyrir geislum
kærleikans. Nú sjáum vér svo sem í skuggsjá í óljósri mynd,
en þá augliti til auglitis. Trúin sér eilíft ljós.
Verum samferða á leiðinni til himinsala. Leitum Guðs-
ríkis hér og þá mun spurningunum verða svarað af Drottni
sjálfum, sem gefur oss hér og nú gleði himnaríkis og í hinum
kom-andi heimi eilíft líf. Þá verður leyst úr öllum spurn-
ingum.
í dag er oss boðið til hátíðar í himnaríki, en hátíðin