Sameiningin - 01.10.1961, Blaðsíða 5

Sameiningin
3
áður en dagurinn var að kvöldi kominn. En viðburðurinn
við Nain hliðið var ekki aðeins örlagaríkur fyrir konuna,
sem hér um ræðir, heldur og fyrir mannkynið allt á öllum
öldum og í öllum löndum. Hér urðu þáttaskipti í hugsun
manna, og afstöðu til lífs og dauða, trúar og siðgæðis. Nýja
testamentið kom í stað þess gamla. Sálmar Gamla testa-
mentisins breyttust í lofsöngva kristinna manna, Dýrð sé
guði í upphæðum, Guði séu þakkir sem gefur oss sigurinn
fyrir Drottinn vorn Jesúm Krist. Það var hann sem olli
aldahvörfunum. Það var hann sem talaði við Nains hlið,
og talar enn: Hjarta yðar skelfist ekki, trúið á Guð og trúið
á mig.
Enn eru margir haldnir bölsýni og skammsýni, en þær
eru tvíburasystur. Vér minnumst þess ekki að jafnaði, að
sumarið er lengra en veturinn, að sólin er sterkari en vind-
urinn, að kærleikurinn er sterkari en hatrið, að lífið er
sterkara en hel, að Guð er herra lífs og dauða, að menn-
irnir ráðgera, en Guð ræður.
Nú er mikið um það rætt, að mannkyn vort standi á
grafarbarmi, og að ekki sé nema eitt fótmál út að Nains
hliði fullkominnar tortímingar. Maður nokkur austur í Rúss-
landi á tungur tvær og talar sitt með hvorri. Hann hjalar
og hann hótar á víxl. Stundum lætur hann mjög dólgslega
og telur sig geta ráðið örlögum jarðarbúa með skjótri svipan,
og ákveðið dómsdag alls, sem lifir á jörðu, með eitri og
sprengjum. Hann skýtur mörgum skelk í bringu, og er það
að vonum. En vér gleymum því þrátt, að það er Guð, sem
ræður upphafi og aldurtilastund þjóða og einstaklinga, en
ekki stjórnmálagarpar þessa heims. Vér gleymum ljósum
og nærtækum dæmum um handleiðslu Guðs, og hvernig
hann tekur þráfaldlega fram fyrir hendur manna, sem þjást
af brjálæðiskenndri valdafýsn. Fyrir nokkrum árum var
uppi annar lýðskrumari, sem kvaðst ætla að stofna þúsund
ára ríki. Fjöldi manna trúði honum og gengu honum á hönd.
En nú er ekkert sýnilegt tákn til að minna á þann óláns-
mann nema ávalur grasi gróinn hóll, umkringdur af sótug-
um og sundurskotnum stórbyggingum, sem standa eins og
draugalegar dimmuborgir vörð um ríkið, sem geymist og