Sameiningin - 01.03.1945, Blaðsíða 44

58
nú aftur upp þennan góða sið. Enginn getur leitt getur að
því hvað mikla og góða ávexti það kemur til að bera, ef að
þessu væri aftur alment horfið. Það er nærri því óhugsanlegt
að þroskinn í því að gefa til starfseminnar út á við geti orðið
mikill eða hraðfara, á meðan engir einstaklingar í söfnuð-
unum láta þetta svo mikið til sín taka, að þeir leggi sjálfir
eitthvað fram frá sér.
Eg vil minnast á það hér líka að okkar lúterska kirkja
í þessari álfu hefir sérstakan sjóð með höndum, og sérstök
fyrirtæki á prjónunum, sem krefjast mikils athyglis og
mikils stuðnings, en sem ekki heyra undir þetta kirkjufélags
starf, sem eg hefi nú verið að ræða um. Sjóðurinn og fyrir-
tækin, sem eg er hér að hugsa um, er nefnt á hérlendu
máli “Lutheran World Action”. Sá sjóður og þau fyrirtæki
eru aðallega í umsjá þess lúterska sambands hér í álfu,
sem nefnist: “The National Lutheran Council”. Því sam-
bandi lúterskra manna tilheyra nú nærri öll lútersk kirkju-
félög hér í landi. Það sem safnast í þenna sjóð er því geysi-
lega mikið. Enda eru þarfirnar fádæma stórfeldar.
Vil eg nú gjöra tilraun til að segja frá því hér, á hvern
hátt sá mikli sjóður er notaður, sem þannig er safnað í á
vegum þessa sambands.
1. Af sjóði þessum er tekið til styrktar trúboðssvæðum
hér og hvar í heiminum, sem áður voru algjörlega studd af
lúterskum þjóðum í Evrópu, sem nú eru ýmist hernumdar,
eða fyrir annara hluta sakir svo fátækar að þær geta ekkert
lengur gjört til að styrkja þessi trúboðssvæði. Lúterskt fólk
í Ameríku hefir þarna hlaupið undir bagga, og forðað trú-
boðum og söfnuðum á þessum svæðum frá hungursneyð,
og jafnframt stemt stigu við því að þetta trúboðsstarf,
sem lengi var búið að halda uppi yrði nú alveg að engu.
2. Af þessum sjóði er nú líka mjög mikið tekið til
stuðnings mönnum og konum, sem eru í herþjónustu. Á
mörgum stöðum þar sem mikill fjöldi þess fólks safnast,
sem er í herþjónustu, hafa verið stofnaðir þessir svo nefndu
“Lutheran Service Centres”. Þetta verða nokkurskonar
heimili fyrir þá, sem eru að heiman. Þar eru lestrarstofur,
stofur til að skrifa, ýmsar skemtanir, tækifæri að njóta
góðra vista, með mörgu fleiru, sem fólkinu er geðþekt og
gott. Þetta og ýmislegt annað er verið að gjöra fyrir fólkið,
sem er í herþjónustu, með þessum “Lutheran World Action”