Sameiningin - 01.03.1945, Blaðsíða 38

52
Sivertsen prófessor og vígslubiskup var lengst af ritstjóri
þess. Þá kom út á ný “Kirkjublað”, um eins árs bii, 1934,
undir umsjón prestafélagsins. Við ritstjórn þess störfuðu
þeir prestarnir séra Knútur Arngrímsson og í fjarveru hans
séra Björn Magnússon á Borg. Árið 1935 hóf hið fróðlega og
ágæta “Kirkjurit” göngu sína, undir ritstjórn þeirra guðfræði
prófessoranna S. P. Sívertsen og Ásmundar Guðmundssonar,
hinn síðarnefndi er ávalt hefir við ritstjórn þess verið, en
um mörg síðari ár ásamt Dr. Magnúsi Jónssyni. Ýms önnur
kirkjuleg rit mætti tilnefna. “Morgunn”, er Einar H. Kvaran
var lengst af ritstjóri fyrir. Eftir lát hans þeir séra Kristinn
Danielsson og nú síðast séra Jón Auðunns. “Morgunn” mun
nú hartnær þrjátíu ára að aldri. Jón Helgason prentari, hefir
með miklum dugnaði gefið út “Heimilisblaðið” um mörg ár.
Vestfirskir prestar tóku 1929 að gefa út kristilegt
ársrit er þeir nefna “Lindin”, er það alþýðlegt, þjóðlegt og
mjög hjartahlýtt blað. Sigurgeir Sigurðsson biskup, er þá
þjónandi prestur og prófastur að Eyri við Skutulsfjörð, var
ritstjóri þess unz hann fékk biskupstign. Þá hóf og biskups
skrifstofan í Reykjavík útgáfu hálfsmánaðarrits í fréttablaös
formi, nú nærri tveggja ára, er nefnist “Kirkjublaðið”.
Flytur það aðallega fréttir af starfi safnaðanna viðsvegar
um landið, ásamt myndum er starfi kirkjunnar viðkoma;
biskupinn er sjálfur ritstjóri og ábyrgðarmaður þess. Við
lestur þess er auðvelt að fylgjast með kirkjulegum fréttum
heiman að.
“Herópið”, málgagn Hjálpræðishersins hóf göngu sína
fyrir aldamótin og mun altaf síðan út hafa komið. Kaþólska
trúboðið með tilsjón Meulenbergs biskups hefir og gefið
út kirkjulegt mánaðarrit er nefnist “Merki Krossins”, þannig
má lengi upptelja, ef til vill eru ýms rit, sem ekki hafa verið
hér upptalin; og eitt er eg má vel nefna, þó út úr réttri röð
tímans sé það talið. En það er mánaðarritið “Straumar”,
er út kom í nokkur ár, og guðfræðisnemendur háskólans
gáfu út.
Ef horft skyldi nú garði nær, meðal vor íslendinga í
Vesturheimi sjálfra, þessi undangengnu sextíu ár. getur að
líta ærið mörg rit, ársrit og mánaðarrit kristilegs og fræð-
andi eðlis; eru það hin kirkjulegu rit, sem eg hefi sérstak-
lega í huga. Hér má eg biðja afsökunar á ónógri þekkingu
minni. Auk “Sameiningarinnar” má nefna “Aldamót”, er gef-
in voru út af kirkjufélagi voru frá 1893 til 1903, að mig minnir.