Sameiningin - 01.03.1945, Blaðsíða 45

59
sjóð. Slík þjónusta er í hávegum höfð af fjölda fólks, og
er það fyrirtæki því stutt af miklu örlæti víða.
3. Að stríðinu loknu er búist við að víða í lútersku
löndunum í Evrópu verði alsleysið mjög átakanlegt, og að
því verði ákaflega erfitt að halda uppi kirkjulegu starfi og
kristilegum aðgjörðum í svo stórum stíl, sem endilega þyrfti
að vera. Virðist því leiðtogum “National Lutheran Council”
þörfin brýn að hafa með höndum mikinn sjóð til að liðsinna
og hjálpa þar eins og þörfin krefur. “Lutheran World
Action” sjóðurinn vill líka þar láta til sín taka.
Það er fleira, sem til mála kemur í sambandi við þennan
góða sjóð. En eg ætla þó ekki að fara lengra út í þau mál að
þessu sinni.
Eg er sannfærður um að fólk okkar sér þörfina að
styðja þetta góða fyrirtæki.
En eg hefi viljað minna söfnuði okkar á þennan sjóð nú,
sem þarfnast svo mjög hins örlátasta stuðnings. Og eg vil
víkja að því, að hér gætu líka örlátar gjafir einstaklinga
komið að miklu liði.
Þessi stórkostlega þörf í nútíðinni, að styðia kirkjuna
til stórfeldrar þjónustu í guðsríki út um heiminn, er nú
eins og hrópandi rödd í eyðimörk mótlætis og margvíslegrar
reynslu. Við megum ekki daufheyrast við þeirri hrópandi
rödd.
Utdráttur úr rœðu dr. Richards
Beck
forseta Þjóðrœknisfélags íslendinga í Vesturheimi
og fulltrúa þeirra á lýðveldishátíðinni, er hann flutti
á prestastefnunni í sumar.—Kirkjuritið
Eftir að hafa látið í ljósi ánægju sína yfir því að vera
staddur á prestastefnunni og fá tækifæri til að ávarpa hana,
þakkaði dr. Beck biskupinum, er hafði kynnt hann, hlý og
fögur orð í sinn garð og íslendinga vestan hafs. Jafnframt
tjáði dr. Beck prestastéttinni íslenzku og kirkju landsins
þakkir Þjóðræknisfélagsins og íslendinga vestan hafs fyrir
það að fá að njóta heimsóknar biskupsins á liðnum vetri.