Fréttablaðið - 12.03.2011, Side 26

12. mars 2011 LAUGARDAGUR26
Sæluvikulagið
Þ
renn málaferli tengd
Silvio Berlusconi, for-
sætisráðherra Ítalíu,
bíða afgreiðslu dóm-
stóla á næstu vikum.
Tvenn tengjast ásök-
unum um skattsvik annars vegar
og mútugreiðslur hins vegar, en
þriðju málaferlin snúast um unga
stúlku sem Berlusconi er grunaður
um að hafa átt kynlíf með og greitt
peninga fyrir, þótt hún hafi verið
undir lögaldri.
Stúlkan er frá Marokkó, heitir
Karima El Maroug en hefur geng-
ið undir nafninu Ruby Rubacouri.
Hún var undir lögaldri, eða sautján
ára, þegar hún segist hafa fengið
þrjátíu þúsund evrur frá Berlus-
coni. Hún segist jafnframt hafa
tekið þátt í kynlífsveislum á vegum
Berlusconis, en neitar því að hafa
farið í rúmið með honum.
Berlusconi er sagður hafa beitt
embættisvöldum sínum til að koma
í veg fyrir að upp um þetta mál
kæmist, en á næstu vikum ræðst
hvernig þessu máli, sem og hinum
tveimur, reiðir af fyrir dómstólum.
Málaferlin elta manninn
Silvio Berlusconi hefur verið
áhrifamaður í ítölskum stjórnmál-
um í sautján ár, þar af forsætisráð-
herra samtals í áratug, nú síðast
samfleytt síðan 2008.
Þar áður var hann einkum þekkt-
ur sem umsvifamikill auðjöfur sem
hafði sölsað undir sig helstu fjöl-
miðla landsins. Hann notaði fjöl-
miðlana sína óspart til að auglýsa
sig þegar hann ákvað að fara út í
stjórnmál og vann nokkuð auðveld-
lega sigur í kosningum árið 1994.
Strax á fyrstu mánuðunum byrj-
uðu gömul og ný hneykslis- og
dómsmál að skjóta upp kollinum.
Hann hefur undanfarna þrjá ára-
tugi reglulega sætt ásökunum og
ákærum fyrir margvíslega glæpi,
þar á meðal skattsvik, fjármála-
misferli, mútugreiðslur og tengsl
við mafíuna.
Hann hefur þó til þessa staðið af
sér þau mál öll og látið allt umtal
sem vind um eyrun þjóta. Hann
er vanur því að vera umdeildur og
vílar ekki fyrir sér að breyta lands-
lögum til þess að sleppa undan
málaferlum.
Nú síðast komst stjórnlagadóm-
stóll landsins þó að þeirri niður-
stöðu í janúar síðastliðnum að lög,
sem hann hafði fengið þingið til
að samþykkja og áttu að tryggja
honum frið frá málaferlum meðan
hann gegnir embætti forsætisráð-
herra, stæðust ekki stjórnarskrá.
Vinsældir
Vinsældir Berlusconis meðal Ítala
hafa löngum komið útlending-
um undarlega fyrir sjónir. Marg-
ir landsmanna hans virðast þó
hafa kunnað að meta hvað hann er
frakkur í tali og stundum hreinlega
ósvífinn.
„Ég er enginn venjulegur stjórn-
málamaður,“ sagði Silvio Berlus-
coni árið 2003 þegar hann hafði
misst út úr sér einhver ósmekkleg
ummæli um þýskan stjórnmála-
mann.
„Ég er gæddur kímnigáfu,“ hélt
hann áfram, „en ég skal reyna að
mýkja hana og verða leiðinlegur,
kannski jafnvel mjög leiðinlegur,
en ég er ekki viss um að ég geti
það.“
Honum hefur þó greinilega ekki
tekist það, því enn á hann í stöðug-
um hneykslismálum heima fyrir
og málaferlum, sem hann hefur
reynt að fresta með stjórnarskrár-
breytingum, verður haldið áfram á
næstu vikum.
Pólitískur ferill Berlusconis virt-
ist raunar á enda kominn í haust
þegar Gianfranco Fini, gamall
félagi Berlusconis úr pólitíkinni,
sagði skilið við stjórn hans ásamt
flokksfélögum sínum.
Í desember stóð Berlusconi hins
vegar naumlega af sér atkvæða-
greiðslu á þingi um vantrauststil-
lögu og situr því enn sem forsætis-
ráðherra þrátt fyrir laskaðan
stjórnarmeirihluta.
Þriðji ríkasti Ítalinn
Á lista tímaritsins Forbes yfir auð-
ugustu menn veraldar er Berlus-
coni í 118. sæti þetta árið. Auð-
æfi hans eru metin á 7,8 milljarða
Bandaríkjadala, en það samsvarar
nærri 900 milljörðum króna.
Þetta er heldur lægri tala en á
síðasta ári, þegar auðæfi hans voru
metin á 9 milljarða dala, en nokkr-
ar sveiflur hafa verið á auðæfum
hans undanfarin ár, eins og kannski
er eðlilegt. Þannig komust þau
hæst í 12 milljarða dala árið 2005
en voru 5,9 milljarðar árið 2003.
Berlusconi er einnig eyðslusam-
ur maður og drjúgur hluti fjár-
ins virðist fara í skemmtanir og
kvennafar. Ítalska dagblaðið Cor-
riere della sera birti í vikunni
yfirlit yfir fjárútlát forsætisráð-
herrans til einkaneyslu árið 2010,
sem í heildina námu 34 milljónum
evra eða ríflega fimm milljónum
króna.
Þar kemur fram að 562 þúsund
evrur, eða rúmlega 90 milljónir
króna, fóru í gjafir til fjórtán ungra
kvenna. Ekki kemur fram hvort
óvenju hátt hlutfall eyðslunnar
þetta árið hafi farið í ungar konur,
en vorið 2009 hafði eiginkona hans,
Veronica Lario, að minnsta kosti
fengið nóg af kvennafarinu og sótti
um skilnað.
Vill fá að skemmta sér
Á yngri árum vann Berlusconi
fyrir sér sem dægurlagasöngvari á
skemmtiferðaskipum og enn tekur
hann sér gjarnan hjóðnema í hönd
í veislum og bæði syngur og segir
brandara.
Þegar mál marokkósku stúlkunn-
ar komst í hámæli í haust sagðist
Berlusconi stundum þurfa að slaka
á og ætti fullan rétt á því. „Líf mitt
er hræðilegt. Því fylgir ofurmann-
legt álag,“ sagði hann í blaðaviðtali.
„Ég vinn meira en nokkur maður,
alveg til klukkan hálftvö að nóttu.“
Á hinn bóginn stærði hann sig af
því að vera góður gestgjafi og hafa
gaman af að bjóða fólki í veislur.
„Ég er mjög stoltur af hæfileik-
um mínum til að vera gestgjafi,
frekar sérstakur og kannski óvið-
jafnanlegur gestgjafi,“ sagði hann.
„Ég er fullur gáska, fullur af lífi.
Ég nýt lífsins, ég elska konur.“
Berlusconi og vandræðin
Hinn umdeildi forsætisráðherra Ítalíu er í þriðja sæti yfir ríkustu menn lands síns. Hann telst fjórtándi áhrifamesti maður heims,
þrátt fyrir að vera hafður að athlægi á leiðtogafundum. Heima fyrir á hann í stöðugum hneykslismálum og vílar ekki fyrir sér að
breyta landslögum til þess að koma sér undan málaferlum. Guðsteinn Bjarnason rekur sögu þessa sérstæða stjórnmálamanns.
RÓÐURINN ÞYNGIST Málaferli verða ekki lengur umflúin, þingmeirihlutinn er tapaður
og mikil óvissa um framtíð Berlusconis í ítölskum stjórnmálum. Hann er orðinn 74
ára en lætur þó engan bilbug á sér finna. NORDICPHOTOS/AFP
NÓG KOMIÐ Þúsundir manna tóku þátt í mótmælum gegn Berlusconi nú í febrúar,
sem konur höfðu boðað til undir kjörorðunum „Nú er nóg komið“ og „Ef ekki nú, þá
hvenær?“ NORDICPHOTOS/AFP
HRÓKUR ALLS FAGNAÐAR