Fréttablaðið - 12.03.2011, Qupperneq 66

12. mars 2011 LAUGARDAGUR38
Kukl, krútt og kynsjúkdómar
Það er kúnst að velja nafn sem sameinar það meðal annars að falla vel að tónlist hljómsveitar, vekja athygli og venjast vel. Kjartan
Guðmundsson fékk hóp valinkunnra andans manna og kvenna til að velja bestu og verstu hljómsveitanöfn íslenskrar poppsögu.
Anna Svava Knútsdóttir
Arnar Eggert Thoroddsen
Bergsteinn Sigurðsson
Bertel Andrésson
Freyr Bjarnason
Hildur Knútsdóttir
Hildur Lilliendahl
Jens Guð
Jóhannes Kjartansson
Jónatan Garðarsson
Kristinn Pálsson
Margrét Erla Maack
Mikael Torfason
Ólafía Erla Svansdóttir
Sara McMahon
Snorri Már Skúlason
Sólmundur Hólm
Sveinbjörn Pálsson
Stefán Pálsson
Stígur Helgason
Sunna Valgerðardóttir
Teitur Atlason
Þórður Helgi Þórðarson
Ölvir Gíslason
Örn Úlfar Sævarsson
■ Álitsgjafar
Ég man hreinlega ekki hver átti sökina á þessu nafni, en
ætli ég hafi ekki átt einhvern
þátt í því,“ segir Stefán Hilm-
arsson og hlær þegar hann er
spurður um uppruna hljóm-
sveitarnafnsins Pláhnetunnar.
Hann rifjar þó upp að titillinn
hafi komið í kjölfar þeirrar
ákvörðunar að gera fyrri plötu
sveitarinnar, Speis frá 1993, að
þemaplötu þar sem sungið var
um geimferðir, himintunglin og
fleira í þeim dúr. „Góðkunningi
okkar sem hannaði plötualbúmið
kom með þá hugmynd að hafa á
því hnetu sem var eins og ein-
hvers konar pláneta og svo vatt
þessi orðaleikur upp á sig, eitt
leiddi af öðru og þetta endaði
svona.“
Aðspurður segir Stefán sig ekki reka minni til annars en að við-
brögðin við nafninu hafi verið ágæt á sínum tíma. „Það má auðvitað
venjast öllu, hversu illt sem það er. Til dæmis þótti Sálin hans Jóns
míns ekki burðugt nafn í fyrstu og hvað þá Stuðmenn og Nýdönsk,
en þau hafa öll vanist vel,“ segir Stefán.
ORÐALEIKUR SEM VATT UPP Á SIG
Frábært! Þetta líst mér á,“ segir Valgeir Guðjónsson, sem skipar
Spilverk þjóðanna ásamt Diddú,
Agli Ólafssyni og Sigurði Bjólu,
þegar honum er tjáð að álitsgjafar
Fréttablaðsins telji nafn sveitar-
innar það besta í íslenskri popp-
sögu.
Aðspurður segir Valgeir nafnið
hafa orðið til í nokkrum þrepum á
sínum tíma. „Fljótlega duttum við
niður á orðið Spilverk. Svo var það
líka visst grín innan hljómsveit-
arinnar að leggja alltaf sérstaka
áherslu á N-in í orðum í eignarfalli
fleirtölu. Þjóðanna!,“ útskýrir hann
hátt og snjallt. „Við ræddum um að
stafa nafnið með þremur N-um en
ekkert varð úr því, sem er kannski
synd.“
Valgeir segist hafa fundið fyrir
því í gegnum tíðina að nafn sveit-
arinnar þyki fela í sér djörfung og
frumlega hugsun. „Við karlpen-
ingur Spilverksins höfum stund-
um státað okkur af því að hafa
verið í hljómsveitinni með besta
nafnið og líka með versta nafnið,
því Stuðmenn var versta nafn sem
við gátum hugsað okkur þegar það
varð til. Þannig að þetta er ansi góð
spennivídd,“ segir Valgeir.
MEÐ BESTA OG VERSTA NAFNIÐ
Fleiri góð hljómsveitanöfn
Þessi nöfn skoruðu líka hátt í könnuninni um bestu
hljómsveitarnöfnin:
Utangarðsmenn
„Engir aðrir en Bubbi og Pollock-bræður anno 1980
hefðu borið svona töffaralegt hljómsveitarheiti.“
Stefán Pálsson
Hljómar
„Frábær íslenskun á því sem var að gerast í hljóm-
sveitarnöfnum úti í hinum stóra heimi á þeim tíma.“
Margrét Erla Maack
Unun
„Nafnið má lesa í mörgum algengum leturgerðum á
hvolfi. Stutt og snöfurlegt. Hentar vel poppaðri hljóm-
sveit með rætur í pönki. Íslenskt nafn sem hljómar
einnig snoturt á alþjóðamarkaði.“
Jens Guð
Fræbbblarnir
„Gott nafn og gæti vísað í orðið „Ræflarnir“ sem aftur
vísar í tilraunir íslenskufólks við að þýða orðið Punk
Rock sem „ræflarokk“ um það leyti sem pönkið brast
á.“
Teitur Atlason
Mínus
„Fá nöfn sem eiga jafn vel við stefnu hljómsveitar, sér-
staklega fyrstu árin þegar þeir voru tussuþéttir og slík
bönd fá Mínus hjá fína fólkinu.“
Sólmundur Hólm
Þessi nöfn þóttu álitsgjöfum einnig slæm:
Land og synir
„Nafnið er ekki ljótt en það er óheppilegt þar sem
flestir aðdáendur kunnu ekki að beygja nafnið og fóru
gjarnan á böll með Landi og synum.“
Sólmundur Hólm
Sigur Rós
„Maður sér fyrir sér bæjarfulltrúa úti á landi.“
Örn Úlfar Sævarsson
Hjaltalín
„Þetta er svona krútttilgerð í ætt við Sigur Rós og virkar
ekki lengur.“
Mikael Torfason
8-villt
„Temmilegasti aulahrollur.“
Arnar Eggert Thoroddsen
Gildrumezz
„Þarna vildi svo óheppilega til að það leiddu saman
hesta sína meðlimir hljómsveita [Gildrunnar og Mezzo-
forte] sem hentuðu óvenju illa til nafnasamruna. Mun
heppilegri samrunanöfn væru til dæmis Agent Írafár
eða Retro Stjórnin.“ - Ölvir Gíslason
Fleiri slæm hljómsveitanöfn
H in vinsæla hljómsveit Spilverk þjóðanna, sem nú vinnur að
nýrri plötu eftir rúmlega þriggja
áratuga hlé, hreppir efsta sætið í
könnun blaðsins um bestu hljóm-
sveitanöfn íslenskrar poppsögu.
„Mér finnst nafnið ljóðrænt og fallegt.
Margir hlutir sem verða að einni heild.“
- Anna Svava Knútsdóttir
„Snjallt og þjált nafn sem er lýsandi og
kallar ósjálfrátt á hugrenningartengsl
við Sameinuðu þjóðirnar.“
- Jónatan Garðarsson
„Nafnið er frumlegt og þjóðlegt. Það
er reisn yfir því. Alveg eins og hljóm-
sveitinni. Þjóðlagakenndri kassagítar-
hljómsveit sem sótti jafnt í nýskapandi
strauma sem gamla hefð.“ - Jens Guð
Besta nafnið - Spilverk Þjóðanna
„Íslenskt og frumlegt.“
- Hildur Knútsdóttir
„Mjög flott íslenskt nafn. Orð sem er ekki notað mikið
í íslenskri tungu og því fer aldrei á milli mála að það er
verið að tala um hljómsveitina þegar orðið Trúbrot er
notað.“
- Bertel Andrésson
Næstbesta nafnið - Trúbrot
„Kraftmikið, dulúðugt og felur í sér fyrir-
heit um óvænta hluti.“
- Jónatan Garðarsson
„Kjarnyrt íslenskt orð sem lýsir þeim
galdri sem sveitin leitaðist við að fram-
kalla og náði fullkomnun í fyrstu plötu
Sykurmolanna nokkrum árum síðar.“
- Snorri Már Skúlason
Þriðja besta nafnið - Kukl
P láhnetan, hljómsveitin sem Stefán Hilmarsson og Friðrik Sturluson úr Sálinni hans Jóns míns, ásamt þeim Ingólfi Guðjónssyni og Sigurði Gröndal, stofnuðu
vorið 1993 og gaf út tvær plötur meðan Sálin tók sér frí, skartar versta hljómsveitar-
nafni íslenskrar poppsögu að mati álitsgjafa.
„Slappur orðaleikur sem stóð varla
undir nafni á B-hliðarlagi, hvað þá
heilli hljómsveit. Rosalega hljóta
meðlimirnir að hafa verið orðnir
þreyttir á að útskýra alltaf: „Nei, ekki
Plánetan – PláHnetan – með hái í
miðjunni …“ - Stefán Pálsson
„Tilræði við góða orðaleiki.“
- Bergsteinn Sigurðsson
„Ég fæ ófrávíkjanlega kjánahroll
þegar Pláhnetan rifjast upp. Ég
man enn eftir umræðunum sem
sköpuðust eftir að nafnið hafði
verið tilkynnt. „Ha? Ekki Plánetan?
HNETAN? Hvað þýðir þetta eigin-
lega? EN ÞETTA ER EKKI ORГ og
svo framvegis.“ - Hildur Lilliendahl
Versta hljómsveitarnafnið - Pláhnetan
„Svo hrikalegt hljómsveitarnafn að það er þess virði að
rifja upp þessa gömlu hljómsveit. Ber vott um tímaþröng
hljómsveitarmeðlima fyrir síðasta skiladag á kassettum fyrir
Músíktilraunir.“ - Ólafía Erla Svansdóttir
„Hreinn viðbjóður. Þetta nafn gefur mér meiri ónotatilfinn-
ingu en nöfn allra dauðarokkssveita Íslands, hvort sem þær
heita Severed Crotch, Gyllinæð eða Fighting Shit.“
- Stígur Helgason
Næstversta nafnið - Soðin fiðla
„Orðið klamydía þykir mér ekki hljómfagurt, og ekki er merkingin til að
bæta úr skák.“ - Hildur Knútsdóttir
„Óhugnanlegasta nafn íslenskrar poppsögu. Að nefna sig í höfuðið á
skæðum kynsjúkdómi er augljóslega ekki ávísun á frægð enda spurðist
lítið til þessarar hljómsveitar eftir að hún vann í hljómsveitakeppni í
Keflavík á sínum tíma.“ - Kristinn Pálsson
Þriðja versta nafnið - Klamedía X
BESTA NAFNIÐ Spilverk þjóðanna þykir frumlegt, þjóðlegt,
ljóðrænt og lýsandi nafn. FRÉTTABLAÐIÐ/ANTON
VERSTA NAFNIÐ Álitsgjafar blaðsins eru ekki hrifnir af orða-
leiknum sem felst í nafninu pláhnetan.
MYND/LJÓSMYNDASAFN REYKJAVÍKUR
FRÉTTABLAÐIÐ/VALLI
FRÉTTABLAÐIÐ/GVA