Fréttablaðið - 12.03.2011, Side 78

12. mars 2011 LAUGARDAGUR50 50
menning@frettabladid.is
IS(not) eða (EI)land er yfir-
skrift samsýningar pólskra
ljósmyndara og íslenskra
rithöfunda sem opnuð verð-
ur í Listasafni Árnesinga
og Gerðubergi í dag. Ljós-
myndararnir og rithöfund-
arnir ferðuðust saman um
Ísland í pörum og má sjá
afrakstur ferðalaganna á
sýningunni.
Ræðismaður Póllands á Íslandi
opnar sýninguna Is(not) á Lista-
safni Árnesinga í Hveragerði
klukkan 14 í dag. Tveimur tímum
síðar verður annar hluti sýningar-
innar opnaður í Menningarmið-
stöðinni Gerðubergi í Breiðholti.
Sýningin er afrakstur samstarfs
fimm pólskra ljósmyndara og
jafn margra íslenskra rithöfunda,
sem ferðuðust saman í pörum um
Ísland í fyrra.
„Ég fékk símtal frá íslenskri
konu sem hefur unnið mikið í
alþjóðlegum samskiptum,“ segir
Sigurbjörg Þrastardóttir rithöf-
undur um hvernig samstarfið bar
að. „Hún hafði séð sýningu og kom-
ist í kynni við þessa pólsku lista-
menn og þeir höfðu mikinn áhuga
á að koma til Íslands. Hún leitaði
til mín og spurði hvort ég gæti
komið þeim í samband við blaða-
menn og/eða rithöfunda sem væru
reiðubúnir að vinna með þeim að
þessu verkefni. Ég lagði til nokkur
nöfn, þar á meðal sjálfa mig. Huld-
ar Breiðfjörð var að vísu kominn í
spilið eftir öðrum leiðum en hann
var hvort eð er líka á mínum lista.“
Ljósmyndarar og rithöfundar
völdust saman eftir hugðarefnum
ljósmyndaranna.
„Þau höfðu ákveðnar hugmynd-
ir um hvað þau vildu fjalla um,
þótt það hafi að vísu tekið breyt-
ingum. Agnieszka Rayss, sem ég
vann með, vildi til dæmis fjalla
um konur og vatn en féll síðan frá
kvennavinklinum en blíndi á vatn-
ið í öllum sínum formum; orkuna,
fossana og sundlaugarnar og svo
framvegis. Jan Brykczynski vildi
fjalla um sveitina og sambúðina
við sauðkindina. Það lá því nokk-
uð beint við að para hann saman
við sveitastelpuna Kristínu Heiðu
Kristinsdóttur, blaðamann á Mogg-
anum, og þau fóru í Árneshrepp á
Ströndum.“
Samstarfinu var þannig háttað
að Íslendingarnir voru Pólverjun-
um innan handar á meðan á dvöl
þeirra stóð hér á landi; óku þeim á
áfangastaði og komu þeim í kynni
við fólk.
„Við byrjuðum ekki að skrifa
fyrr en þau voru farin og áður en
við fengum að sjá myndirnar sem
þau ætluðu að nota,“ segir Sigur-
björg. „Við höfðum því talsvert
frelsi til að ráða hvernig við nálg-
uðumst textana og hver og einn
skrifaði það sem hann vildi. Huld-
ar skrifaði til dæmis ferðasögu og
Kristín Heiða lýsir mannlífinu og
samfélaginu í Árneshreppi en ég
notaði ljóð eftir aðra þar sem vatn
kemur við sögu og skrifaði stutt-
ar örsögur sem hafa með vatn að
gera, til dæmis hvernig áhrifa þess
gætir í tungumálinu.“
Sigurbjörg játar að það geti
verið auðvelt að falla í gildru klisj-
unnar þegar gera á náttúrunni
skil.
„Við þurftum hins vegar ekki að
hafa áhyggjur af því í þessu verk-
efni. Agnieszka hafði til dæmis
afar ákveðna listræna sýn þar sem
úrvinnsla er bæði ljóðræn og ævin-
týraleg án þess að hún líti út fyrir
að eiga heima í túristabæklingi.“
Sýningin er tvískipt og verð-
ur að heimsækja bæði Listasafn
Árnesinga og Gerðuberg til að sjá
hana alla, en flest verkanna eru
í Hveragerði. Á morgun klukkan
16 er boðið upp á sýningarspjall
í Listasafni Árnesinga. Þar taka
þátt Rafał Milach, Huldar Breið-
fjörð, Agnieszka Rayss, Sigurbjörg
Þrastardóttir, Jan Brykczynski og
Kristín Heiða Kristinsdóttir.
bergsteinn@frettabladid.is
Ísland gegnum pólska linsu
Konur og vatn Agnieszka Rayss og Sigurbjörg Þrastardóttir unnu saman að seríu um vatn. Sigurbjörg valdi meðal annars ljóð eftir
önnur skáld þar sem vatn kom við sögu við myndir Agnieszku. LJÓSMYND/RAFAL MILACH
Adam Panczuk ljósmyndari og Sindri Freysson rithöfundur
könnuðu hulduheima Íslands, Michal Luczak og Hermann
Stefánsson könnuðu einangrunina, Jan Brykczynski og Kristín
Heiða Kristinsdóttir skoðuðu sambúðina við sauðkindina,
Agnieszka Rayss og Sigurbjörg Þrastardóttir tóku vatnið fyrir og
Rafal Milach og Huldar Breiðfjörð skoðuðu allt sem þeir komust
yfir.
Andrzej Kramarz er sýningarstjóri og Marzena Michalek er
verkefnisstjóri sýningarinnar. Sýningin er tvískipt og þarf því að
heimsækja bæði Listasafn Árnesinga og Gerðuberg til að sjá
sýninguna alla.
ÞÁTTTAKENDUR Í (EI)LANDI
LJÓSMYND/MICHAL LUCZAK

„efin
”
Framtíð
o
g
fjá
rhag fullor
ði
n
sá
ra
n
n
afyrir
í lífin
u
OKKAR Framtíð er ný og
kærkomin trygging sem
snýst um „efin” í lífi barna
okkar og ungmenna og
fjárhag þeirra á fullorðins-
árum. Allar upplýsingar
eru á vefsetrinu okkar.is
og þar er unnt að ganga
frá tryggingarkaupum með
einföldum hætti.
Er þitt barn
barn?
ze
br
a
Á sýningunni getur að líta afrakstur
af samstarfi pólskra ljósmyndara og
íslenskra rithöfunda sem ferðuðust
um Ísland sumarið 2010.
www.sputnikphotos.com
Verið velkomin á opnun sýningarinnar
laugardaginn 12. mars kl. 16
í Menningarmiðstöðinni Gerðubergi.
i Vesterveg Málfríður AðalsteinsdóttirJohannes Vemren-Rygh
Elsie-Ann Hochlin
Kristín Reynisdóttir
Guðjón Ketilsson
Roxane Permar
Barbara Ridland
Samvinna listamanna og safna frá
Shetlandi, Færeyjum, Danmörku,
Íslandi og Noregi.
Sýningarsalir Norræna hússins eru opnir 12.00–17.00
Aðgangur ókeypis, allir velkomnir.
Síðasta sýningarhelgi.
Ísland
Noregur
Shetland
Færeyjar
Norræna húsið
Sturlugata 5
101 Reykjavík
norraenahusid.is
AUKASÝNING Á SINNUM ÞRÍR Lokasýning á sýningu Íslenska dansflokksins
„Sinnum þrír” verður annað kvöld. Sýningunni, sem samanstendur af þremur verkum, hefur
verið vel tekið og því var bætt við aukasýningu sem jafnframt er lokasýning.