Fréttablaðið - 16.04.2011, Side 110

16. apríl 2011 LAUGARDAGUR70
sport@frettabladid.is
MEISTARAKEPPNI KSÍ í karlaflokki fer fram í dag en í þessum árlega leik mætast núverandi Íslands-
meistarar (Breiðablik) og bikarmeistarar (FH). Leikurinn hefst klukkan 18.15 í dag og fer fram í Kórnum.
Þessi sömu lið áttust við í sömu keppni í fyrra og þá unnu FH-ingar 1-0 sigur.
FÓTBOLTI Veðurfarið á Íslandi síð-
ustu daga er líklega ekki til þess
að létta lund mótastjóra KSÍ. Það
eru um tvær vikur í að Pepsi-
deildin eigi að hefjast og enn
snjóar reglulega og margir vell-
ir eiga talsvert í land með að vera
tilbúnir fyrir átökin.
Fréttablaðið hafði samband við
Þóri Hákonarson, framkvæmda-
stjóra KSÍ, og spurði einfaldlega
hvað sambandið ætlaði að gera
ef tíðarfarið myndi ekki lagast
og vellirnir væru hreinlega ekki
hæfir til knattspyrnuiðkunar.
„Ef það verður snjór yfir öllu
verður eðlilega að gera ein-
hverjar ráðstafanir. Við gerum
þó ekki ráð fyrir því. Við treyst-
um á að upphituðu vellirnir komi
vel undan þessu tíðarfari. Við
munum þó skoða málin í næstu
viku en stefnan í dag er að mótið
byrji eins og áætlað er,“ sagði
Þórir en hvað ætlar KSÍ að gera
ef allt fer á versta veg? Kemur
til greina að fara með leiki inn í
knatthúsin?
„Að mínu viti er það ekki mögu-
leiki núna enda ætlum við að
halda okkar striki. Það eru ekki
mörg hús sem gætu tekið við leik
í Pepsi-deildinni. Við myndum
eflaust ræða þetta við félögin en
við myndum vilja færa leiki til
frekar en að fara inn í hús þó svo
húsin séu góð. Þetta er engin óska-
staða en við vonum það besta,“
sagði Þórir Hákonarson. - hbg
Snjór var á völlum landsins þegar aðeins um tvær vikur eru í mót og KSÍ íhugar aðgerðir ef þörf krefur:
KSÍ vill frekar fresta en fara með leiki inn í hús
KÓPAVOGSVÖLLUR Á þessum velli fer
opnunarleikur Pepsi-deildarinnar fram
1. maí. Snjór var á honum í gærmorgun.
FRÉTTABLAÐIÐ/STEFÁN
HANDBOLTI Framtíð hornamanns-
ins Guðjóns Vals Sigurðssonar er í
óvissu. Skartgripajöfurinn Jesper
Nielsen, sem fer fyrir liðum AGK
og Rhein-Neckar Löwen, hefur
lýst því yfir, oftar en einu sinni,
að Guðjón muni spila með AGK á
næsta ári. Guðjón segir að það sé
ekki rétt hjá Nielsen að hann spili
með AGK á næsta ári.
„Staðreyndin er sú að við Jesper
höfum rætt saman og ég hef sam-
þykkt hans tilboð upp á eins árs
samning. Málið er aftur á móti
það að ég er samningsbundinn
Löwen út næstu leiktíð og ef ég fæ
ekki samþykki frá Löwen þá fer
ég ekki til Danmerkur. Að sama
skapi dettur upp fyrir sá samning-
ur sem ég hef samþykkt við Jesper
um að fara til Danmerkur,“ sagði
Guðjón Valur við Fréttablaðið í
gær en hann viðurkenndi að það
væri leiðinlegt að standa í þess-
um sögusögnum og óvissuástandi
þegar hann vildi einbeita sér að
því að spila handbolta.
„Ef þjálfarinn [Guðmundur Guð-
mundsson] segir nei þá fer ég ekki
neitt og ekkert að því. Ef þeir leyfa
mér að fara þá fer ég. Málið verður
í það minnsta ekki unnið í neinum
leiðindum.
Ég bíð eftir viðbrögðum frá
Löwen. Persónulega myndi ég
vilja vita hvað verður sem fyrst
en það er ekki svo gott. Það er
mikið að gera hjá Löwen þar sem
EHF hefur meinað Jesper að vera
stjórnarformaður bæði Löwen og
AGK þannig að það spilar eflaust
inn í. Ég veit hreinlega ekki hvern-
ig þetta mál mun fara,“ segir Guð-
jón sem ætlar að sýna mönnum að
hann sé kominn í gott stand og sé
enn sami leikmaðurinn og hann
var þegar hann meiddist.
„Ég vil sýna að ég sé enn góður.
Ég er enn fljótur og góður í hand-
bolta. Ég þarf aftur á móti að fá
að sýna það. Samningar margra
vinstri hornamanna í bestu liðum
heims renna út árið 2012. Ég er
ekki að gera eins árs samning að
óþörfu.
Það verður hreyfing á mark-
aðnum á mönnum í minni stöðu
sumarið 2012 og ég vil því halda
mínum málum opnum þó svo að
það geti vel verið að ég verði á
sama stað. Þá renna út samning-
ar hjá mönnum í Kiel, Ham burg,
Barcelona og Ciudad Real. Hvort
ég eigi möguleika á að fara í þessi
lið verður svo að koma í ljós. Ég vil
í það minnsta halda mínum mögu-
leikum opnum,“ segir Guðjón, sem
hefur mátt sætta sig við það að
vera oft utan hóps hjá Löwen eftir
áramót.
„Ég er farinn að geta æft hrika-
lega vel núna. Ég gat spilað á HM
og var langt frá því í eins góðu
formi þá og núna. Ég komst samt
ansi vel frá því móti. Ég er í enn
betra standi núna og nú þarf ég að
fá að spila. Ég þarf að sýna fólki að
ég standist álagið í marga mánuði
eftir að hafa verið frá í tíu mán-
uði.“ henry@frettabladid.is
Margir möguleikar opnast eftir ár
Guðjón Valur Sigurðsson segir það ekki vera frágengið að hann spili með danska liðinu AGK á næstu leik-
tíð. Hann hefur náð samkomulagi við AGK en er samningsbundinn Rhein-Neckar Löwen út næstu leiktíð.
Hann fer því ekki nema Löwen sleppi honum. Guðjón heldur sínum möguleikum opnum árið 2012.
GUÐMUNDUR HEFUR SITT AÐ SEGJA Guðjón segir að ef Guðmundur Guðmundsson
meini honum að fara til Danmerkur muni hann klára sinn samning hjá Rhein-Neckar
Löwen. FRÉTTABLAÐIÐ/VALLI
ENGIN MISKUNN
HK- AKUREYRI
Digranes | Kl. 16.00
Í dag | Undanúrslit | Leikur 2
AKUREYRI - HK
Höllin Ak. | Kl. 19.30 *ef þarf
Mán. 18. apríl | Undanúrslit | Leikur 3
FRAM-FH
Framhús | Kl. 16.00
Í dag | Undanúrslit | Leikur 2
FH-FRAM
Kaplakriki | Kl. 19.30 *ef þarf
Mán. 18. apríl | Undanúrslit | Leikur 3
FÓTBOLTI Það verður nóg af stór-
viðburðum í evrópsku knatt-
spyrnunni um helgina, þó aðal-
lega á Spáni og Englandi.
Real Madrid og Barcelona
munu eigast við í spænsku
úrvalsdeildinni kl. 20 í kvöld.
Börsungar unnu fyrri leik lið-
anna í deildinni 5-0 og eru nú
með átta stiga forystu á Madríd-
inga á toppi deildarinnar. Það er
því fyrst og fremst stoltið sem er
undir fyrir þá hvítklæddu í kvöld
því möguleikar Real í deildinni
verða að teljast litlir, þó svo að
liðið vinni í kvöld.
Undanúrslitin í ensku bikar-
keppninni fara fram á Wembley-
leikvanginum um helgina. Í dag
kl. 16.15 eigast við Manchester-
liðin, City og United, í hörku slag
en á morgun kl. 15 mætast Stoke
og Bolton.
Þá er einnig spilað í ensku
úrvalsdeildinni en stórleikur
helgarinnar er viðureign Arsenal
og Liverpool á morgun kl. 15. - esá
Boltinn í Evrópu um helgina:
Enski bikarinn
og El Clásico
ENGINN KÆRLEIKUR Pep Guardiola,
stjóra Barcelona, og Cristiano Ronaldo,
leikmanni Real Madrid, lenti eftirminni-
lega saman í síðasta leik liðanna.
NORDICPHOTOS/GETTY