Fréttablaðið - 11.05.2011, Page 12

12 11. maí 2011 MIÐVIKUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
HELGAREFNI: Sigríður Björg Tómasdóttir sigridur@frettabladid.is MENNING: Bergsteinn Sigurðsson bergsteinn@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Sigurður Elvar Þórólfsson seth@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
HALLDÓR
Samþykkt hefur verið í borgarráði að sam-eina tómstundasvið ÍTR og menntasvið
Reykjavíkurborgar. Í umræðunni hefur
mikið verið rætt um frístundaheimilin en
þau sinna frístundastarfi fyrir 6-9 ára börn.
Tómstundasvið ÍTR inniheldur einnig félags-
miðstöðvar fyrir 10-16 ára börn og unglinga,
frístundaklúbba fyrir 6-16 ára börn og ung-
linga með fatlanir og Hitt húsið sem sinnir
starfi fyrir 16-25 ára ungmenni.
Borginni er skipt upp í 6 frístundamiðstöv-
ar sem settar voru á laggirnar ein af annarri
upp úr 2000. Síðan þá hefur starfinu fleygt
fram í þróun fagvitundar, eflingu mannauðs,
hækkun á menntunarstigi starfsmanna og
fjölgun félagsmiðstöðva.
Það er gefandi og gaman að vinna í félags-
miðstöð og þeir sem hafa fengið tækifæri til
að starfa með unglingum hjá ÍTR geta vottað
það að andinn sem þar ríkir nærir mann á
einhvern hátt sem erfitt er að útskýra ókunn-
ugum. Þetta er vinnuumhverfi þar sem fólk
fær að nýta hæfileika sína, menntun og
áhugamál. Það er hvatt til að hugsa skap-
andi, boðleiðir eru stuttar og þar af leiðandi
auðvelt að hafa áhrif. Það er því engin furða
að ÍTR skorar hátt á viðhorfskönnunum þjón-
ustuþega starfsins. Unglingar, foreldrar og
starfsfólk eru ánægð með ÍTR.
Það hefur ekki farið eins hátt hvað verður
um alla þessa starfsemi og þykir okkur það
óásættanlegt. Þar sem við höfum áralanga
reynslu af starfi með unglingum í félags-
miðstöðvum langar okkur að varpa fram
nokkrum spurningum um hvað þessi sam-
eining felur í sér fyrir frístundastarf með
unglingum í borginni okkar með tilliti til þró-
unar fagsins undanfarin ár. Hvað felur þessi
sameining í sér? Mun starfið halda áfram í
óbreyttri mynd? Hvað verður um frístunda-
miðstöðvarnar sem hafa eytt miklum tíma og
peningum í að sérhæfa sig og sitt starfsfólk í
að vinna eftir ákveðnum hugmyndafræðum?
Hvað verður um sumarstarf félagsmiðstöðv-
anna? Hvað verður um sérhæfð verkefni og
starf með 16 ára og eldri? Hvar er verið að
spara?
Það sem einkennir starfsfólk ÍTR er að
það er móttækilegt fyrir nýjum hugmynd-
um, alltaf til í að takast á við ný verkefni,
endurskoðun og endurlit. Við erum tilbúin
að skoða jákvæðar breytingar en við erum
ekki tilbúin að fórna þróun síðustu 25 ára,
metnaðarfullri uppbyggingu faglegs frítíma
og fagstarfi fyrir vanhugsaða og illa kynnta
sameiningu sviða sem gæti hugsanlega orðið
til að við séum að taka skref aftur á bak í
stað þess að stíga fram á við. Eða hvað?
Gaman að vinna hjá ÍTR
Tómstundir
Hera
Sigurðardóttir
og Unnur
Gísladóttir
starfsmenn hjá
Kringlumýri, ÍTR
L
yfjafyrirtækið Actavis hefur formlega opnað nýjar höfuð-
stöðvar í borginni Zug í Sviss. Höfuðstöðvarnar hafa verið
fluttar frá Íslandi, þótt fyrirtækið hafi áfram heimilisfesti
hér og borgi hér skatta sína og skyldur.
Actavis hefur lagt sig í framkróka við að útskýra að
fyrirtækið eigi rætur á Íslandi, muni áfram hafa hér mikla starf-
semi og sé að ráða tugi eða hundruð nýrra starfsmanna til að sinna
rannsóknum og framleiðslu lyfja. Engu að síður er ástæða til að
hafa áhyggjur af flutningi höfuðstöðvanna.
Ein skýringin sem hefur verið
gefin á flutningi höfuðstöðva
fyrirtækisins til Sviss er að nú
þegar sé stór hluti framkvæmda-
stjórnar þess erlendir ríkisborg-
arar. Framkvæmdastjórnin ferð-
ist mikið og fólk eigi auðveldara
með að hittast miðsvæðis í Evr-
ópu en á Íslandi. Önnur er sú að
aðgangur fyrirtækisins að mannauði sé auðveldari á meginlandi
Evrópu; í Sviss sé Actavis í nálægð við önnur stór fyrirtæki í lyfja-
geiranum og geti laðað til sín stjórnendur og sérfræðinga frá þeim.
Ef við tökum þessar skýringar góðar og gildar getum við átt von
á að fleiri íslenzk fyrirtæki með alþjóðlega starfsemi og alþjóð-
legan starfsmannahóp sjái sig knúin til að færa höfuðstöðvar sínar
til útlanda. Í tilviki Actavis flytja 20 íslenzkir starfsmenn og fjöl-
skyldur þeirra til Sviss. Allt er þetta fólk með góða menntun og
há laun. Brottflutningur þess er blóðtaka fyrir íslenzkt samfélag.
Vilji íslenzk stjórnvöld vinna á móti þeim ókostum sem lega
landsins og fámenni þjóðarinnar eru þegar stórfyrirtæki velja
höfuðstöðvum sínum stað þurfa þau að huga að því að bjóða betur
en önnur lönd á öðrum sviðum. Ísland hefur upp á margt að bjóða;
ágætt velferðarkerfi og menntakerfi, svo dæmi séu tekin, þótt efast
megi um að þar sé gert betur en til dæmis í Sviss. En hver eru
skilaboðin til fólks með góðar tekjur sem veltir því fyrir sér hvort
hagstætt sé að búa á Íslandi? Ríkisstjórnin hefur hækkað til muna
skatta á háar tekjur og í stjórnarliðinu eru hugmyndir um að gera
enn betur; skammt er síðan settar voru fram hugmyndir um 60-70%
skatta á „ofurlaun“ vegna umræðna um laun tveggja bankastjóra.
Þarna stendur einmitt hnífurinn í kúnni. Þegar Guðbjörg Edda
Eggertsdóttir, forstjóri Actavis á Íslandi, var í viðtali í Viðskipta-
blaðinu spurð um áformin um flutning höfuðstöðvanna svaraði
hún því til að þegar stórfyrirtæki veldu stað fyrir höfuðstöðvar
sínar horfðu þau ekki eingöngu til eigin hagsmuna, heldur einnig
hagsmuna starfsfólksins. Erfitt væri að fá gott fólk til starfa ef
skattar á laun væru of háir. Guðbjörg vísaði til umræðnanna um
70% ofurskattþrepið og benti á að skattaumhverfið í Sviss væri
ekki eingöngu hagstætt fyrirtækjum, heldur líka starfsfólki þeirra.
Afleiðingarnar af flutningi höfuðstöðva Actavis eru að nú borga
20 íslenzkir hálaunamenn skatta í Sviss, en ekki á Íslandi. Þeir
leggja þá ekkert í sameiginlegan sjóð Íslendinga, þótt þeir starfi
áfram fyrir íslenzkt fyrirtæki.
Ef stjórnvöld vilja koma í veg fyrir að fleiri íslenzk, alþjóðleg
fyrirtæki fari sömu leið er skattpíningarstefnan ekki rétta leiðin.
Af hverju flytur Actavis höfuðstöðvar sínar?
Á flótta undan
ofursköttum
Ólafur Þ.
Stephensen
olafur@frettabladid.is
SKOÐUN
Öflugur greiðendavefur með hagnýtum
upplýsingum s.s.
Forskriftin
Kaldhæðni örlaganna hefur hagað
málum þannig að Jóhanna Sigurðar-
dóttir forsætisráðherra stendur nú
í nokkurn veginn sömu sporum og
Björn Bjarnason gerði fyrir nokkrum
árum og varð fyrir vikið andlag mikilla
skamma frá Jóhönnu. Eins og Björn
gerði þá hefur Jóhanna nú brotið
jafnréttislög. Í stað þess
að fá úr málinu skorið
fyrir dómstólum ákvað
Björn að semja við
Hjördísi Hákonar-
dóttur um málalyktir.
Jóhönnu hefur ekki þótt
hún hafa fetað nægi-
lega í fótspor Björns,
því í gær bárust fregnir af því að hún
hefði sömuleiðis ákveðið að leita
sátta við Önnu Kristínu Ólafsdóttur.
Rúðubrot
Ögmundur Jónasson innanríkis-
ráðherra varð fyrir þeirri leiðinlegu
lífsreynslu um helgina að fá þrjá grjót-
hnullunga inn um gluggann heima
hjá sér þar sem hann sat og horfði á
sjónvarpið. Ögmundur hefur lítið viljað
tjá sig um atlöguna en var eðlilega
brugðið.
Augu annarra
Þótt sannarlega sé ólíku
saman að jafna er
kannski ekki úr vegi
að rifja upp ríflega fimm ára gamlar
þingumræður um lögreglulög. Þar vék
Ögmundur orðum að mótmælunum
miklu í Seattle árið 1999 vegna fundar
Alþjóðaviðskiptastofnunarinnar og
nefndi sérstaklega að þar hefðu rúður
verið brotnar. Ögmundur sagði að í
augum ráðstefnuhaldara hefðu þar
eflaust verið framin skemmdarverk,
en í hans augum og tugmillj-
óna annarra væri verið að
koma á framfæri öflugum
mótmælum gegn stefnu
stofnunarinnar. „Skemmdar-
verk í augum eins getur
verið þjóðþrifaverk í augum
annarra,“ bætti hann við.
stigur@frettabladid.is