Fréttablaðið - 28.06.2011, Blaðsíða 2

28. júní 2011 ÞRIÐJUDAGUR2
SPURNING DAGSINS
DÓMSMÁL Karlmaður á fimmtugs-
aldri, búsettur í Vestmannaeyjum,
situr nú í gæsluvarðhaldi vegna rök-
studds gruns að hann hafði níðst
kynferðislega á stúlkubarni svo
mánuðum skipti.
Athæfið átti sér stað síðari hluta
árs 2009 og fyrri hluta ársins 2010.
Í fórum hans fannst fjöldi ljós-
mynda og hreyfimynda sem hann
hafði meðal annars tekið af sér og
barninu. Telpan var átta og níu ára
þegar ofbeldið stóð yfir. Einnig
fannst mikið magn myndefnis sem
hann hafði aflað sér á netinu.
Karl Gauti Hjaltason, sýslumað-
ur í Vestmannaeyjum, staðfesti að
alvarlegt kynferðisbrotamál hafi
verið til rannsóknar í allan vetur
í umdæmi hans. Hann kvaðst ekki
geta tjáð sig nánar um málið, þar
sem það væri mjög viðkvæmt.
Samkvæmt upplýsingum Frétta-
blaðsins bjuggu móðir litlu stúlk-
unnar og maðurinn saman til þess
tíma er ódæðið komst upp. Grun-
ur vaknaði um afbrigðilega hegð-
un hans þegar vinkona stjúpdóttur
hans fékk að gista hjá henni. Hún
sagði frá því að maðurinn hefði
káfað á sér meðan hún var sofandi.
Í kjölfarið, vorið 2010, komst upp að
hann hafði ítrekað misnotað stjúp-
dóttur sína gróflega.
Stúlkurnar fóru í viðtöl í Barna-
húsi og stjúpdóttirin þurfti mörg
viðtöl og umtalsverða aðstoð áður en
hún hafði náð sér nægilega mikið til
að geta sagt lögreglu frá því ofbeldi
sem hún hafði verið beitt.
Gögn sem fundust hjá manninum
voru rannsökuð og lágu niðurstöður
fyrir síðastliðið haust. Geðrannsókn
var gerð á manninum og reyndist
hann sakhæfur.
Þriðja kæran barst síðan á hendur
manninum þar sem ung kona kærði
hann fyrir að hafa áreitt sig kyn-
ferðislega fyrir átta árum, þegar
hún var ung stúlka.
Maðurinn sem um ræðir var í
Héraðsdómi Suðurlands síðastlið-
inn laugardag úrskurðaður í gæslu-
varðhald í einn mánuð á grundvelli
almannahagsmuna. Í gæsluvarð-
haldskröfu Ríkissaksóknara er
hann sakaður um nauðgun, ásamt
fleiri brotum. Hann hefur kært
úrskurðinn til Hæstaréttar.
jss@frettabladid.is
Níddist á telpu og
myndaði athæfið
Karlmaður á fimmtugsaldri situr í varðhaldi grunaður um að hafa nauðgað
stjúpdóttur sinni og misnotað hana mánuðum saman. Í fórum hans fundust
myndir af honum með barninu. Stúlkan var átta ára þegar ofbeldið hófst.
BARNANÍÐ Mikið magn mynda fannst í gögnum mannsins, þar á meðal barnaníðsmyndir sem hann hafði sótt á netið.
Kjartan, hafa viðræðurnar
ekki komist almennilega á
flug?
„Viðræðurnar brotlentu á laugardag-
inn en vonandi tekst að koma þeim
á loft aftur og að endingu lenda
þeim á sómasamlegan hátt.“
Kjartan Jónsson er framkvæmdastjóri
Félags íslenskra atvinnuflugmanna.
BANDARÍKIN, AP Michele Bachmann stimplaði sig form-
lega inn í forkosningabaráttu Repúblikanaflokksins
fyrir forsetakosningar sem haldnar verða seint á
næsta ári.
Bachmann hefur verið áberandi innan Teboðs-
hreyfingarinnar svonefndu, sem gert hefur usla innan
Repúblikanaflokksins með róttækum hægriskoðunum
og uppátækjum sem hafa vakið athygli kjósenda en
einnig furðu og gagnrýni.
Sjálf er hún þekkt fyrir að liggja ekki á skoðunum
sínum og missa stundum út úr sér ummæli sem and-
stæðingar hennar nota sér síðan óspart og gera grín
að.
Hún skýrði frá framboði sínu á mánudag í Waterloo,
heimabæ sínum í Iowa. Samkvæmt skoðanakönnunum
þykir hún eiga möguleika á því að verða forsetaefni
repúblikana í Iowa, en óvíst er hvort hún á minnstu
möguleika annars staðar í Bandaríkjunum.
„Við höfum ekki efni á því að hafa Obama fjögur ár í
viðbót,“ sagði hún og uppskar fagnaðarlæti stuðnings-
manna sinna. Sjálf sagðist hún vera góður valkostur
fyrir Bandaríkjamenn sem þyrðu að taka djarfar
ákvarðanir: „Kjósendur verða að taka djarfa ákvörðun
ef við ætlum að tryggja fyrirheit framtíðarinnar.“ - gb
Michele Bachmann tilkynnir um þátttöku sína í forvali repúblikana:
Hvetur kjósendur til dirfsku
VEIFAR STUÐNINGSMÖNNUM Bachmann skýrði frá framboði
sínu í hópi vina og stuðningsmanna í Iowa. FRÉTTABLAÐIÐ/AP
LÖGREGLUMÁL Lögregla hefur
yfirheyrt nokkra í tengslum við
hestaníðingsmál sem kom upp á
einu þekktasta hrossabúi lands-
ins fyrir skömmu. Enginn hafi
réttarstöðu grunaðs manns.
Skurðir sem taldir eru vera
af mannavöldum hafa fundist á
kynfærum og á snoppu þriggja
hrossa. Hryssurnar þrjár sem
um ræðir eru frá bænum Flugu-
mýri í Skagafirði.
Svipað mál kom upp í umdæmi
lögreglunnar á Egilsstöðum fyrir
rúmum mánuði. - mþl
Skurðir á kynfærum hrossa:
Lögreglan leitar
dýraníðings
ÍSAFJARÐARBÆR Íbúasamtökin Átak
í Dýrafirði hafa enn á ný mótmælt
niðurskurði í almenningssam-
göngum í Ísafjarðarbæ. Telja þau
núverandi þjónustu í lágmarki og
frekari niðurskurð ekki verjandi.
Frá þessu er sagt á vef Bæjarins
besta.
Samtökin segja að tvær ferðir
seinnipart dags á milli Þingeyr-
ar, Flateyrar og Ísafjarðar séu
lágmark, þar sem svæðið sé eitt
atvinnusvæði. Almenningssam-
göngur séu grundvöllur þess að
hægt sé að stunda atvinnu í öðrum
byggðakjarna.
Bæjarráð Ísafjarðar hefur tekið
erindið fyrir og bókað að verið sé
að uppfylla meginábendingar hvað
almenningssamgöngur varðar. - kóp
Íbúasamtök mótmæla:
Segja fáar ferðir
til Ísafjarðar
ÍSAFJÖRÐUR Almenningssamgöngur eru
grundvöllur þess að hægt sé að stunda
atvinnu segja íbúasamtök.
EFNAHAGSMÁL Vísitala neyslu-
verðs hækkaði um 0,5 prósent í
júní samkvæmt tölum frá Hag-
stofunni. Tólf mánaða verðbólga
er þar með 4,2 prósent og hefur
ekki mælst hærri síðan í ágúst á
síðasta ári.
Verð á mat og drykkjarvöru
hækkaði um 1,2 prósent í júní.
Þá hækkun má að stórum hluta
rekja til töluverðar hækkunar
á verði kjötvara sem nam 6,9
prósentum. Síðustu þrjá mán-
uðu hefur vísitala neysluverðs
hækkað um 2,2 prósent sem jafn-
gildir 9,2 prósenta verðbólgu á
ársgrundvelli. - mþl
Verðbólgan fer vaxandi:
Tólf mánaða
verðbólga 4,2%
ATVINNUMÁL Styrkjum hefur verið
úthlutað úr verkefninu Atvinnu-
sköpun í Sjávarbyggðum, sem
byggir á tekjum af sölu aflaheim-
ilda í skötusel. Mikill áhugi var
á verkefninu en alls bárust 123
umsóknir víðs vegar að af land-
inu.
Eftir umfjöllun stjórnar var
gerð tillaga um að styrkja 32
verkefni, sem var í framhaldinu
staðfest af iðnaðarráðherra. Horft
var til þess að styrkja nýsköpun-
arverkefni og stærri samstarfs-
verkefni fyrirtækja, háskóla og
rannsóknarstofnana um vöru eða
þjónustu sem skila varanlegum
verðmætum og atvinnu. - shá
Atvinna í sjávarbyggðum:
Skötuselsfé fer í
atvinnusköpun
BANDARÍKIN, AP Rod Blagojevich,
fyrrverandi ríkisstjóri í Illinois,
var í gær sakfelldur af kviðdómi
fyrir sautján af 20 ákæruatriðum
í réttarhöldum, sem snerust um
spillingarmál.
Blagojevich var meðal annars
sakfelldur fyrir öll þau ákæru-
atriði sem lutu að tilraunum hans
til að selja þingsæti Illinois-rík-
is í öldungadeild Bandaríkjanna,
en sætið losnaði þegar Barack
Obama varð forseti.
Blagojevich virtist furðu lost-
inn vegna niðurstöðu kviðdóms-
ins. „Hvað gerðist?“ sagði hann
og sneri sér að lögmanni sínum.
Hann á yfir höfði sér allt að 300
ára fangelsisdóm samtals, en
áður hafði hann hlotið fimm ára
fangelsisdóm fyrir að hafa orðið
uppvís að lygum.
Þetta eru önnur réttarhöld-
in yfir Blagojevich, en þau
fyrri fóru þannig að kviðdóm-
urinn komst ekki að sameigin-
legri niðurstöðu nema um eitt af
ákæruatriðunum.
Blagojevich hefur nú í tvö og
hálft ár farið mikinn í að reyna
að sannfæra bandarísku þjóðina
um sakleysi sitt. - gb
Rod Blagojevich, fyrrverandi ríkisstjóri í Illinois, sekur um flest ákæruatriðin:
Sakfelldur og furðu lostinn
ROD BLAGOJEVICH Reyndi, sem ríkis-
stjóri, að selja þingsæti Baracks Obama
til hæstbjóðanda. FRÉTTABLAÐIÐ/AP
KJARAMÁL Forsvarsmenn flug-
manna og Icelandair hittust á
nýjan leik í gær til að ræða kjara-
samning. Viðræður höfðu legið
niðri frá því á laugardag en tölu-
vert ber ennþá á milli. Fundurinn
stóð langt fram á kvöld.
„Það er einhver hreyfing á
málunum þannig að maður er
bara vongóður,“ segir Guðjón
Arngrímsson, upplýsingafulltrúi
Icelandair. Guðjón segir ekki
gert ráð fyrir frekari röskunum
á flugi í vikunni en lítið megi út
af bregða vegna yfirvinnubanns
flugmanna.
Kjartan Jónsson, fram-
kvæmdastjóri félags atvinnu-
flugmanna, sagði lítið að frétta í
gærkvöldi en bætti við að langur
fundur boðaði vonandi gott. - mþl
Kjaradeila flugmanna:
Fundir stóðu í
allan gærdag
ICELANDAIR Fimmtán flug féllu niður
um helgina vegna yfirvinnubanns flug-
manna. FRÉTTABLAÐIÐ/PJETUR
TRÚMÁL Pétur Bürcher, biskup
kaþólsku kirkjunnar á Íslandi,
hefur ákveðið að skipuð verði
sjálfstæð rannsóknarnefnd sem
fjalla á um þær ásakanir um kyn-
ferðislega misnotkun innan kirkj-
unnar sem komið hafa fram að
undanförnu.
Vísir greindi frá þessu í gær-
kvöldi en þar segir að Pétur hafi
veitt Róberti Spanó, prófessor
í lögfræði, umboð til að manna
nefndina og útbúa það regluverk
sem hún muni síðan vinna eftir.
Róbert veitti forystu rannsókn-
arnefnd kirkjuþings sem skilaði
nýverið af sér skýrslu um kyn-
ferðisbrot innan þjóðkirkjunnar.
Hann mun þó ekki taka sæti í
þessari nefnd að sögn Vísis. - mþl
Kynferðisbrot í kirkjunni:
Kaþólska kirkj-
an skipar rann-
sóknarnefndSLYS Erlendur maður á sextugs-aldri lést í gær í íshelli í Kverk-
fjöllum. Íshröngl féll niður úr
þaki hellisins og varð honum að
bana.
Hann var fararstjóri fyrir hópi
sex erlendra ferðamanna. Hópur-
inn dvaldi í nótt í skála í Kverk-
fjöllum og naut þar aðhlynningar
skálavarða.
Slysið varð um miðjan dag í
gær og barst tilkynning um hálf-
fjögur síðdegis. Björgunarsveitir
frá Vopnafirði fóru strax á stað-
inn ásamt lögreglunni frá Egils-
stöðum og rannsóknarlögreglu-
manni frá Eskifirði. - gb
Banaslys í Kverkfjöllum:
Maður varð
fyrir íshröngli