Fréttablaðið - 28.06.2011, Blaðsíða 38
28. júní 2011 ÞRIÐJUDAGUR30
SJÓNVARPSÞÁTTURINN
„Ég myndi halda að það væri
Family Guy. Hann er viðbjóðs-
lega fyndinn.“
Böðvar Reynisson, söngvari í hljóm-
sveitinni Dalton.
FASTEIGNA-
MARKAÐURINN
Jón Guðmundsson, sölustj. og lögg. fast.sali. Guðmundur Th. Jónsson, lögg. fast.sali.
ÓÐINSGÖTU 4, SÍMI 570 4500, OPIÐ VIRKA DAGA KL. 9–17.
Netfang: fastmark@fastmark.is - www.fastmark.is
„Ég vinn þetta bara í hjáverkum,
ég gríp í þetta þegar tækifæri
gefst til,“ segir Trausti Salvar
Kristjánsson, knattspyrnuáhuga-
maður með meiru. Hann vinnur að
heimildarmynd um Guðjón Þórð-
arson, núverandi þjálfara BÍ/Bol-
ungarvíkur.
Trausti var á vellinum þegar BÍ/
Bolungarvík vann óvæntan sigur
á liði Íslandsmeistaranna í Breiða-
bliki í Valitor-bikarkeppninni í síð-
ustu viku. Hann var með mynda-
vél festa við varamannaskýlið og
gat með því móti náð öllum svip-
brigðum Guðjóns þegar leikar
stóðu hæst. „Ég hef einnig fengið
að fara með tökuvélina inn í klefa
í hálfleik,“ segir Trausti, en hann
byrjaði að fylgjast með Guðjóni
þegar undirbúningstímabil BÍ/Bol-
ungarvíkur stóð sem hæst. Trausti
vonast til að heimildarmyndin gefi
skýra mynd af öllum ferli Guðjóns
og hann langar til að kafa ofan í
persónu þjálfarans. „Hann er nátt-
úrulega mjög umdeild persóna og
þjálfari. Þetta er því ekki bara
heimildarmynd um knattspyrnu-
þjálfarann Guðjón Þórðarson held-
ur einnig um pabbann, eiginmann-
inn og manneskjuna sjálfa.“
Guðjón er eflaust einn þekktasti
knattspyrnuþjálfari landsins; hann
gerði lið KA og ÍA að Íslandsmeist-
urum og KR að bikarmeisturum.
Hann var einnig farsæll sem lands-
liðsþjálfari og reyndi fyrir sér á
enskri grund, meðal annars hjá
Stoke og Barnsley, áður en
hann sneri aftur heim.
Guðjón sagðist sjálfur
lítil deili vita á þessu verk-
efni í samtali við Fréttablað-
ið. „Þetta er blint stefnumót
við framtíðina,“ segir Guð-
jón og bætir því við að
ekki sé búið að skrifa
neitt handrit. - fgg
Gerir heimildarmynd um Gauja Þórðar
UMDEILDUR Trausti Sal-
var Kristjánsson hyggst
kafa ofan í persónuna
Guðjón Þórðarson, sem
hefur verið stöðugt
á milli tannanna á
Íslendingum.
Julia Bradbury, sjónvarpskona
hjá BBC, lagði það nýverið á sig
að ganga Fimmvörðuhálsinn og
gerði göngu sinni skilmerki-
lega skil í nokkrum
þáttum á BBC
Four. Bradbury var
síðan í viðtali við
Telegraph um
helgina þar sem
hún var spurð
nokkurra
spurninga
um Ísland
og eru svör
hennar
nokkuð
merki-
leg.
Bradbury mælir til að mynda ekki
með því að fólk bjóði gestum
og gangandi í glas, því það muni
setja ferðalanginn á hausinn. Hún
leggur jafnframt til að fólk taki
með sér svefngrímur,
því það sé bjart
allan sólar-
hringinn. Þá
mælir hún með
gistingu á Kex
Hostel þar sem
Pétur Mar-
teinsson ræður
ríkjum, Boston
sé barinn og
Hafið bláa á
Eyrarbakka sé
rétti staðurinn
fyrir kvöldverð-
inn.
Áfram kvisast
út sögurnar af
svaðilför Jake Gyllenhaal og Bear
Grylls hér á landi. Eins og Frétta-
blaðið greindi frá komu tvímenn-
ingarnir hingað til lands
í apríl til að taka upp
þátt fyrir Man vs. Wild.
Grylls segir að hann
hafi aldrei lent í öðrum
eins veðurofsa á sínum
tíu ára sjónvarpsferli
eins og uppi
á íslenska
hálendinu.
„Þota fauk
á flugvell-
inum á
meðan
ég var
í fimm
þúsund
feta hæð,“ er
haft eftir Grylls.
Nú styttist óðfluga í tónlistarhátíð-
ina Bræðsluna, sem verður haldin
á Borgarfirði eystri 23. júlí. Þar
spilar írski Óskarsverðlaunahafinn
Glen Hansard ásamt
Jónasi Sigurðssyni og
Ritvélum framtíðar-
innar, Hjálmum,
Vaxi og Svavari
Knúti. Hansard
er þessa dagana
á tónleikaferð um
Bandaríkin þar sem
hann hitar
upp fyrir ekki
ómerkari
mann
en Eddie
Vedder,
söngvara
Pearl Jam.
Vedder gaf
nýverið út
sólóplötuna
Ukulele Songs þar sem hann
syngur með Hansard í einu lagi.
- fgg, fb
FRÉTTIR AF FÓLKI
„Við erum alls ekki ánægðir með
þetta en svona gerist stundum,“
segir Alexander Kárason, einn
aðstandenda tónlistar-og jaðar-
sportshátíðar sem fram fór í Galta-
læk um helgina, en gestafjöldi
hátíðarinnar var langt undir vænt-
ingum.
Lögreglan staðfestir að um 500
manns hafi verið þegar mest lét en
aðstandendur hátíðarinnar höfðu
reiknað með 5.000 gestum. Alex-
ander kennir helst tímasetningunni
um slæma mætingu, en helgin var
síðasta helgi fyrir mánaðamót og
önnur útihátíð er á svipuðum stað
eftir tvær vikur. „Já, við kennum
helst röngum dagsetningum um það
að fólkið lét ekki sjá sig. Við erum
samt að skoða allar hliðar og viljum
ekki bara kenna því um.“ Alexand-
er vill meina að slæm mæting hafi
bitnað hvað mest á listamönnunum,
enda ekki gaman að spila fyrir fáa
áhorfendur. Á hátíðinni komu meðal
annars fram Dikta, Blaz Roca,
Valdimar og Friðrik Dór.
„Það var fámennt en góðmennt.
Ég fór beint eftir tónleikana mína,
svo ég gisti ekki á svæðinu,“ segir
Erpur „Blaz Roca“ Eyvindarson
og bætir við að hann hafi þó náð
góðri stemningu á sínum tónleik-
um.
„Það var allavega nóg pláss fyrir
þá sem komu og gestir skemmtu
sér vel. Allir sem lögðu hönd á
plóg stóðu sig með sóma,“ segir
Alexander og vill ekkert gefa
upp um hvort lagt verði í að
halda sams konar hátíð að ári.
- áp
Fámennt en góðmennt í Galtalæk
EKKI ÁNÆGÐIR Alexander
Kárason og aðstandendur
útihátíðarinnar sem fór fram
í Galtalæk um liðna helgi
voru ekki ánægðir með
mætinguna, sem var langt
undir væntingum.
Erpur Eyvindarson
kom fram á hátíð-
inni og segir að
fámennt hafi verið
en góðmennt.
„Það eru fyrst og fremst sagan hans
og lögin sem heilla stelpur, en svo
er hann auðvitað alveg fáránlega
sætur,“ segir María Mjöll Björns-
dóttir, 16 ára Kópavogsmær og
einn helsti Justin Bieber-aðdáandi
Íslands.
María Mjöll hefur verið aðdáandi
söngvarans síðan í byrjun árs 2010
og stofnaði hún Twitter-aðgang
í þeim tilgangi að fylgjast betur
með honum. „Ég fékk mér Twitt-
er í ágúst í fyrra og það var svo
hinn 18. febrúar sem Justin „elti“
mig til baka,“ segir María Mjöll, en
á Twitter getur maður fylgst með
hverjum sem er og fengið fylgjend-
ur til baka. Það þykir þó sjaldgæft
að fræga fólkið elti aðdáendur sína.
„Ég held að ég hafi verið komin með
8-9 þúsund „tvít“ áður en hann elti
mig loksins,“ segir María en bætir
við að „tvítin“ hafi þó ekki öll verið
tileinkuð söngvaranum.
María segir að hún hafi kynnst
fjölmörgum aðdáendum Biebers á
Twitter. „Um leið og hann elti mig
birtist ég efst á Twitter-síðunni
hans. Í kjölfarið fékk ég um 500
fylgjendur, sem allir voru aðdá-
endur Justins og höfðu séð mig á
Twitter-síðunni hans.“ María hefur
þó ekki ennþá fengið svar frá Bieb-
er sjálfum, en hann þykir koma vel
fram við aðdáendur sína og á það til
að svara hörðum aðdáendum á sam-
skiptasíðunni.
Söngvarinn ungi olli miklum
vonbrigðum hjá stúlkum víðs
vegar um heiminn þegar hann við-
urkenndi samband sitt við söng- og
leikkonuna Selenu Gomez. Hvað
finnst fólki almennt um Selenu?
„Sumir hata Selenu en aðrir fíla
hana. Ég hef ekki mikla skoðun
á henni. Ég er ekki þessi Justin
Bieber-aðdáandi sem heldur að ég
muni giftast honum,“ segir María
og hlær. Hún viðurkennir að hún
viti um stelpur hér á landi sem
séu harðari aðdáendur en hún.
María Mjöll stefnir á að komast á
tónleika með Bieber. „Ég ætla að
reyna að fara á næsta ári. Það voru
tónleikar í London núna í mars en
mig vantaði ferðafélaga,“ segir
María og útskýrir að vinkonur
hennar séu ekki jafn miklir Bieb-
er-aðdáendur. María segir þó að á
Facebook sé að finna hóp íslenskra
stúlkna sem tileinkaður sé söngv-
aranum. „Það er alveg hellingur af
stelpum í þessum hóp og við setj-
um inn fréttir og myndir af Justin
og svona. Þessar stelpur hafa líka
hist og rætt Justin Bieber en ég
hef ekki náð að hitta þær,“ segir
María. En hvernig finnst henni
íslensku strákarnir í samanburði
við Justin Bieber? „Íslensku strák-
arnir eru náttúrulega sætastir,“
segir María Mjöll að lokum.
kristjana@frettabladid.is
MARÍA MJÖLL: FÉKK MÉR TWITTER TIL AÐ FYLGJAST MEÐ JUSTIN BIEBER
Hann er fáránlega sætur
ENGINN EINS OG BIEBER María Mjöll heldur mikið upp á Justin Bieber. Hún fylgist
reglulega með söngvaranum á Twitter og vonar að einn daginn muni hann „tvíta“
hana til baka. FRÉTTABLAÐIÐ/ANTON