Fréttablaðið - 12.07.2011, Blaðsíða 20

KYNNING − AUGLÝSINGHreingerning ÞRIÐJUDAGUR 12. JÚLÍ 20112
Rykmaurar eru litlir áttfættir
maurar sem þrífast best ef hitastig
er stöðugt og yfir 20°C og rakastig
er yfir 50 prósent. Þeir dafna illa ef
rakastig er undir 45 prósentum og
þola ekki frost.
Maurarnir nærast einkum á
húðflögum manna og dýra. Al-
gengt er að í einu grammi af ryki
séu hundrað til fimm hundruð ryk-
maurar. Í einu rúmi geta þeir því
skipt hundruðum þúsunda. Hver
maur lifir í 3-4 vikur og á þeim
tíma gefur kvenmaur af sér 25 til
30 afkvæmi. Hver maur hefur ham-
skipti nokkrum sinnum á vaxtar-
skeiði sínu og gefur frá sér 10 til 20
örsmáar skítakúlur á dag. Þær eru
svo smáar að þær þyrlast auðveld-
lega upp í loftið og berast þannig í
öndunarfæri manna.
Ofnæmi fyrir rykmaurum er
algengt meðal sjúklinga með of-
næmi en aðrir virðast þola þá
ágætlega. Um 90 prósent sjúk-
linga með ofnæmisastma hafa
rykmauraofnæmi en einungis tíu
prósent þeirra sem ekki þjást af
slíkum astma.
Rykmaurar þrífast vel í gólf-
teppum en illa á dúkum og tré-
gólfum. Best er að reyna að halda
rakastigi í híbýlum undir 50 pró-
sentum. Ryksugur ná sjaldnast til
rykmaura í teppum enda sitja þeir
djúpt og halda sér fast. Þær ná hins
vegar mauraskítnum en hann er
svo smár að oftast fer hann beina
leið í gegnum ryksugupokann og
út í andrúmsloftið á ný. Ryksug-
ur sem sía rykið í vatni eru tald-
ar bestar í þessu samhengi. Þá
þykja gerviefnasængur og -kodd-
ar betri en dún- og fiðursæng-
ur og í öllum tilfellum er gott að
viðra sængur, kodda, teppi, dýnur
og tuskudýr með reglulegu milli-
bili og skipta ört á rúmum. Einnig
má forðast bólstruð húsgögn, upp-
stoppuð dýr, þung gluggatjöld og
annað sem safnar ryki og erfitt er
að þrífa. Fatnað ætti í öllum tilfell-
um að geyma í lokuðum skápum og
skúffum.
Séu gerðar ráðstafanir til að
halda rykmaurum í skefjum má
oftast bæta líðan ofnæmissjúklinga
til muna. Heimild: Vísindavefurinn
Útgefandi: 365 miðlar ehf., Skaftahlíð 24, s. 512 5000 Umsjónarmaður auglýsinga: Þórdís Hermannsdóttir thordish@365.is s. 512 5447.
Ábyrgðarmaður: Jón Laufdal.
BURT MEÐ BLETTINA
Leiðbeiningastöð heimilanna heldur úti
vefsíðu þar sem finna má ýmis gagnleg
húsráð, þar á meðal ráð sem lúta að þvotti.
Þar segir: Ef fitublettir eða annað eru í fatnaði er
nauðsynlegt að meðhöndla þá strax með viðeig-
andi efni, til dæmis uppþvottalegi, grænsápu eða
sérstöku blettaefni og þvo flíkina síðan á venju-
bundinn hátt. Freyðandi sápu þarf að skola vel af
áður en flíkin fer í þvottavélina. Blettaúðaefni henta ágætlega á óhrein-
indi innan í hálskrögum og á líningum. Þynntur uppþvottalögur gerir
einnig sitt gagn. Ef ryk eða þurr óhreinindi eru í fatnaði er gott að hrista
hann eða bursta áður en hann fer í vélina. Nánar á leidbeiningastod.is.
Sámur sápugerð er
rótgróið fyrirtæki í Lyngási
í Garðabæ. Þar er
Brynjólfur Grétarsson
framkvæmdastjóri.
Þetta er allt íslensk vara,“ segir Brynjólfur Grétars-son í sápugerðinni Sámi,
umkringdur hreinsiefnum
af ýmsum gerðum sem hann
hefur á boðstólum. „Mest hef ég
fókuserað á efni fyrir bíla og iðn-
fyrirtæki gegnum tíðina en svo
er ég líka með almenn hreinsi-
efni sem henta öllum heimilum,“
segir hann.
Tjöruhreinsirinn Turbo Sámur
2296 sem fólk kaupir á bensín-
stöðvum er meðal framleiðsluvara
Sáms. Turbo Sámur vinnur vel og
hefur „kynnt sig sjálfur“ eins og
Brynjólfur orðar það.
Þeir sem aka um landið að sum-
arlagi þekkja hversu erfitt er að
losna við flugnaklessur framan á
bílunum. Brynjólfur hefur séð við
þeim vanda og búið til efni sem
hann nefnir Sámur Turbo flugna-
hreinsir sem er spreyjað á bílinn
og látið standa í tvær til þrjár mín-
útur. Annaðhvort er það svo strok-
ið af með kústi eða skolað af með
vatni. „Flugnahreinsirinn hefur
slegið í gegn. Þeir sem byrja að
nota hann eru allir mjög hrifnir,“
segir Brynjólfur og tekur fram að
efnið fáist bara í Europris og á Olís.
Extra-hreinsiúðinn fæst ein-
ungis í Europris. Brynjólfur segir
hann prýðilegan til heimilisnota.
„Ef maður setur blett í fötin sín er
gott að spreyja Extra á hann áður
en fötin fara í þvottavél. Eins er
úðinn mjög góður á keramikhell-
urnar. Þá er efnið látið standa
aðeins áður en það er strokið af.
Sama á við um flísarnar á baðinu
og baðkarið. Fínt er að nota Extra-
hreinsiúðann á það um leið og
maður er búinn í baði,“ segir
hann.
Brynjólfur er eigandi og fram-
kvæmdastjóri Sáms og kveðst hafa
verið í þessum bransa í rúm tutt-
ugu ár. „Það er, sem betur fer, nóg
að gera og ég er kátur með það.“
segir hann brosandi.
Þetta er allt íslensk vara
„Ef maður setur blett í fötin sín er gott að spreyja Extra á hann áður en fötin fara í
þvottavélina,“ segir Brynjólfur. MYND/HAG
Með viðeigandi ráðstöfunum má halda rykmaurum á heimilinu í skefjum.
Rykmaurum haldið niðri
AÞ-Þrif er framsækið
hreingerningafyrirtæki sem
hefur metnað, gæði og
umfram allt framkvæmdagleði
í farteskinu.
VIÐ ERUM HREIN PLÁGA
ÞEGAR KEMUR AÐ ÓÞRIFUM
AÞ-Þrif hefur náð þeim merka áfanga að fá
veitta vottun norræna umhverfismerkisins
Svansins fyrir daglegar ræstingar.
Þú getur treyst okkur þegar kemur að því að gera
skínandi hreint í verksmiðjunni, á byggingarsvæðinu eða
skrifstofunni.
Við bjóðum persónulega þjónustu í náinni samvinnu
við viðskiptavini.
• Daglegar ræstingar (Svansvottað)
• Iðnaðarþrif (fyrirtæki)
• Gluggaþvottur
• Bílaþrif – Dalshrauni 11, Hfj. og Borgartúni 21b
HAFÐU SAMBAND • WWW.ATH-THRIF.IS
UM
HVE
RFISMERKI
Ræstingaþjónusta
176 027