Fréttablaðið - 09.08.2011, Side 38

9. ágúst 2011 ÞRIÐJUDAGUR26
BESTI BITINN Í BÆNUM
Á Jómfrúnni er maturinn
ljúffengur og þjónustan afbragð.
Þangað kem ég ýmist með
mömmuklúbbnum eða fjölskyld-
unni. Jómfrúin á alltaf við.
Gerður Kristný Guðjónsdóttir rithöfundur.
„Þeir hefðu ekki getað sett mig í ljótari búning.
Þetta var alveg ferlegt,“ segir Breki Logason
fréttamaður um það að þurfa að eyða öllum
laugardeginum í KR-búningi. Breki gengur í
það heilaga á næstu dögum og þeir sem til hans
þekkja vita að hann er gallharður stuðnings-
maður Vals í knattspyrnu. Félögum hans þótti
því fyndið að tileinka steggjunina Knattspyrnu-
félagi Reykjavíkur, erkifjanda Vals. Breki
eyddi því góðum tíma í Frostaskjólinu þar sem
hann spilaði körfubolta og mætti á æfingu með
meistaraflokki KR í knattspyrnu.
„Þetta var frábær dagur þó að ég hafi ekki
verið par sáttur við að eyða svona miklum tíma
í Frostaskjólinu. Ég byrjaði á að keppa í körfu
við Brynjar Þór Björnsson,“ segir Breki en
hann kom öllum á óvart og skoraði 7 stig á móti
Brynjari. „Ég skoraði tvær mestu grís þriggja
stiga körfur sem ég hef á ævinni gert.“
Á fótboltaæfingu var Breki látinn í markið og
áttu knattspyrnumennirnir að koma boltanum í
afturendann á honum. „Það var nú ekki sérstak-
lega góð nýting hjá KR-drengjunum en Baldur
Sigurðsson átti þvílíkt dúndurskot. Ég er enn þá
að drepast í rassinum.“
Dagurinn endaði svo á KR-hverfiskránni,
Rauða ljóninu á Eiðistorgi. „Það var toppurinn á
deginum. Þá kom Bjartmar Guðlaugsson, átrún-
aðargoðið mitt, og tók nokkra slagara fyrir
okkur. Þá gat ég fyrirgefið strákunum fyrir
KR-daginn mikla.“
Breki gengur að eiga unnustu sína, Védísi
Sigurðardóttur, 20. ágúst í Háteigskirkju og er
það félagi hans og samstarfsmaður á Stöð 2,
Andri Ólafsson, sem sér um veislustjórn en þess
ber að geta að hann er harður KR-ingur. - áp
Valsarinn aumur í rassinum eftir KR-æfingu
SVART-HVÍTT Breki Logason tók ekki annað í mál en
að vera í Valstreyjunni undir KR-búningnum á meðan
hann var steggjaður af félögum. MYND/ÓMARÖRN
„Það er verið að pimpa aðeins dæmið,“ segir Ásgeir
Kolbeinsson, einn af eigendum skemmti- og veitinga-
staðarins Austurs.
Breytingar standa yfir á framsal Austurs. Ásgeir
segir að með þeim sé verið að undirbúa dagopnun
staðarins 26. ágúst næstkomandi, sem hefur hingað
til opnað fyrir matargesti síðdegis. „Þá förum við að
bjóða upp á mat, kaffi og kökur yfir daginn,“ segir
hann. „Til þess að allt gangi upp þurfum að gera
breytingar á framsalnum. Gera hann kaffihúsalegri.“
Ásgeir játar að ætli staðir í miðbæ Reykjavíkur
að halda vinsældum sínum þurfi að fríska upp á þá
endrum og eins. „Við erum enn þá á toppnum sem
skemmtistaður fyrir okkar hóp og ætlum ekki að láta
það drabbast niður,“ segir hann.
Fjölmörg málverk af drengnum með tárið hafa
verið á meðal einkennismerkja Austurs. Verða þau
tekin niður í breytingunum? „Nei, drengurinn fer
aldrei niður. Það er alveg bannað. Það eru engar
breytingar á því sem er á bak við, hvorki gryfjunni né
barsvæðinu.“ - afb
Ásgeir pimpar Austur upp
ALLT AÐ GERAST Iðnaðarmenn voru að störfum á veitinga- og
skemmtistaðnum Austri í gær, en verið er að taka framsal
staðarins í gegn. Ásgeir Kolbeins og félagar hyggjast hafa
staðinn opinn á daginn frá og með 26. ágúst. FRÉTTABLAÐIÐ/STEFÁN
k
HÁRIÐ
Sýningar í ágúst komnar í sölu.
E ki missa af Hárinu!
SILFUR TUNGLIÐ
„Algjör snilld“
Júlíus Júlíusson, Mbl. Miðasala á harid.is
Yfir 12.0
00 miða
r seldir!
Sjónvarpskonan fyrrverandi, Þóra Sigurðardóttir,
sem stjórnaði Stundinni okkar fyrir nokkrum árum,
hefur síðustu árin einbeitt sér að barnauppeldi
og skrifum um foreldrahlutverkið. Á næstunni
snýr hún aftur í Efstaleitið með nýjan þátt á
Rás 1 sem verður á dagskrá klukkan 13 á
föstudögum. Ekki þarf að koma á óvart að í
honum fjallar Þóra um börn og barnaupp-
eldi og hafa þættir hennar fengið nafnið
Foreldrahlutverkið.
Vegfarendur við Klambratún í Reykjavík ráku
upp stór augu í gær þegar litríkur skokkari
geystist þar um. Skokkarinn var klæddur í
rauðar stuttbuxur og bláan bol og síður ljós hár-
makki var bundinn aftur á bak með teygju. Þarna
var á ferð tónlistarmaðurinn Högni Egilsson
úr hljómsveitinni Hjaltalín sem undanfarið
hefur eytt meiri tíma í að syngja á klúbbum
með GusGus en að rækta musterið. Með í
för var Georg Hilmarsson úr Sprengjuhöll-
inni sálugu og þóttu þeir félagar bera sig
nokkuð fagmannlega að. - hdm
FRÉTTIR AF FÓLKI
FRÉTTIR VIÐSKIPTI ÍÞRÓTTIR LÍFIÐ UMRÆÐAN
KOMDU Í ÖLL HELSTU
PARTÝIN MEÐ OKKUR
m.visir.is
Fáðu Vísi í símann!
Meiri Vísir.
Meira sjónvarp, meira útvarp, meiri fréttir, meiri upplýsingar,
meiri umræða, meira líf, meiri íþróttir, meiri virkni, meira úrval.
Þú færð meira af öllu á Vísi.
„Ég held að það sé hægt að full-
yrða að þetta sé einstakur árang-
ur,“ segir Eiður Arnarsson, útgáfu-
stjóri Senu og stjórnarmaður í
félagi hljómplötuframleiðenda.
Sólóplötur Bubba Morthens hafa
selst í meira en 320 þúsund ein-
tökum frá 17. júní árið 1980 þegar
Ísbjarnarblús kom út, samkvæmt
upplýsingum frá Senu og útreikn-
ingum Fréttablaðsins. Dögun, frá
árinu 1987, er mest selda platan, en
hún hefur selst í um 26 þúsund ein-
tökum. Fast á hæla hennar fylgir
Frelsi til sölu, sem hefur selst í um
22.000 eintökum frá því að hún
kom út árið 1986. Árangurinn er
sérstaklega skemmtilegur í ljósi
þess að Íslendingar eru í dag rétt
tæplega 320 þúsund talsins.
Tónlistarspekingurinn og blaða-
maðurinn Arnar Eggert Thorodd-
sen efast um að annar eins poppari
eigi eftir að stíga fram á sjónar-
sviðið á Íslandi. „Þetta er ótrú-
legt,“ segir Arnar. „Allar þjóðir
virðast eiga sinn Bubba, þar sem
allir, háir sem lágir, latte-lepjandi
hippsterar sem og harðvinnandi
stáliðnaðarmenn, þekkja lögin.
Geta sungið með í tugum þeirra.
Þessir menn virðast hitta á ein-
hvern þjóðarpúls sem er sameigin-
legur öllum. Bubbi er Ísland. Eins
og lýsi og lopapeysa.“
Arnar játar að Bubbi verði í
raun eilífur í gegnum tónlist sína,
enda eigi hann tugi sígildra laga,
sem standast tímans tönn. „Þá
nær lag eins og Aldrei fór ég suður
langt út fyrir Ísland. Frábær text-
inn talar alþjóðlegt tungumál —
Springsteen hefði ekki getað gert
betur,“ segir hann.
Bubbi Morthens var í laxveiði
þegar Fréttablaðið náði í hann.
Spurður hvort hann hafi búist við
að selja 320 þúsund plötur þegar
hann sendi frá sér Ísbjarnarblús
fyrir 30 árum er svarið einfalt:
„Nei, nei, nei. Ég man að ég var
rosa impóneraður þegar þúsund
eintök voru seld af Ísbjarnarblús.
Mér fannst það rosalegt,“ segir
hann. „Þetta er auðvitað árang-
ur sem er með ólíkindum. Sér-
staklega í ljósi þess að þetta er
frumsamin tónlist.“
Plötur Bubba hafa selst misjafn-
lega vel, en sú nýjasta, Ég trúi á
þig, rýkur út og hefur selst í tæp-
lega 4.000 eintökum í dag. Bubbi
segist vera langt frá því að vera
hættur og telur lykilinn að þess-
um magnaða árangri vera að
hann sé stöðugt á tánum og ögri
sjálfum sér. „Hættan í þessu eins
og svo mörgu öðru er að finnast
þú vera kominn á örugga hillu,“
segir hann. „Þá er kominn tími til
að tala við nána vini og biðja um
hjálp.“ atlifannar@frettabladid.is
ARNAR EGGERT: BUBBI ER ÍSLAND EINS OG LÝSI OG LOPAPEYSA
Bubbi Morthens hefur selt
fleiri en 320.000 sólóplötur
ÓTRÚLEGUR ÁRANGUR Bubbi Morthens hefur selt fleiri en 320.000 plötur á sólóferli sínum. Einstakur árangur segir Eiður Arnars-
son, útgáfustjóri Senu. FRÉTTABLAÐIÐ/STEFÁN
1. Dögun 26.000 eintök
2. Frelsi til sölu 22.000
3. Kona 20.500
4. Lífið er ljúft 20.000
5. Sögur af landi 15.000
FIMM MEST SELDU SÓLÓPLÖTUR BUBBA