Fréttablaðið - 30.08.2011, Blaðsíða 2
30. ágúst 2011 ÞRIÐJUDAGUR2
VEÐUR Fellibylurinn fyrrverandi, Írena, kemur upp
að ströndum landsins á fimmtudag, en líkast til
verður hún ekki frábrugðin þeim 300 lægðum sem
koma upp að landinu á hverju ári.
Írena olli miklum skemmdum á meðan hún var
í hámarki og æddi yfir Karíbahafið og ríkin á
norðausturströnd Bandaríkjanna. Henni þvarr þó
kraftur eftir því sem norðar dró og var stödd yfir
Kanada í gær.
Hátt á þriðja tug manna létu lífið í Bandaríkjun-
um, milljónir manna þurftu að búa við rafmagns-
leysi og víða ollu flóð miklum skemmdum. Mesta
tjónið varð reyndar af vatnsflóðinu sem streymdi
úr skýjunum frekar en af völdum þess ofsaroks sem
fylgdi Írenu, enda varð það rok ekki jafn öflugt og
óttast var fyrir fram.
Lestarkerfið í New York var tekið úr notkun áður
en stormurinn skall á um helgina og óttuðust íbúar
borgarinnar öngþveiti þegar það færi af stað aftur.
Þá þurfti að fella niður meira en 9.000 flugferðir.
Samkvæmt upplýsingum frá Veðurstofu Íslands
mun Írena renna upp að suðurströnd landsins á
fimmtudag.
„Það á ekki að verða neinn stormur af því. Það
verður suðaustanátt og rigning á sunnanverðu land-
inu. Lægðin mun svo staldra við suður af landinu
þar sem hún eyðist svo um helgina.“ - þj, gb
Fellibylurinn Írena gerði minni usla vestra en óttast var og stefnir nú til Íslands:
Kemur með meiri rigningu
FLÓÐ Í RÉNUN Svona var umhorfs í bænum Waterbury í
Vermont í gær þegar Írena var farin hjá. FRÉTTABLAÐIÐ/AP
HEILSA Útibú íslensku æfinga-
stöðvarinnar Boot Camp verð-
ur opnað í Kaupmannahöfn 12.
september næstkomandi, en þá
fá Danir að upplifa alíslenskt
æfingakerfi sem byggir á krefj-
andi líkamsæfingum í góðum
félagsskap.
„Nú þegar er mikið um skrán-
ingar úti og allt lofar þetta góðu.
Við ætlum okkur seinna í stærri
hluti en stígum varlega til jarð-
ar,“ segir Arnaldur Birgir Kon-
ráðsson, framkvæmdastjóri Boot
Camp í Reykjavík.
Stöðin ytra fær nafnið Budz
Boot Camp, með vísun í enska
orðið Buddies, eða félagar. „Í
Boot Camp eru talsverðar líkur
á að finna ástina og Boot Camp-
brúðkaup eru orðin mörg.“
- þlg / sjá Allt í miðju blaðsins
Íslenskt æfingakerfi til Dana:
Boot Camp
flyst til Köben
HEILSA Starfsemi Sjúkraflutninga-
skólans hefur dregist töluvert
saman undanfarin þrjú ár. Þátt-
takendum á
endurmenntun-
arnámskeiðum
hefur fækk-
að um helm-
ing að sögn
Hildigunnar
Svavarsdóttur
skólastjóra.
Hún segir að
mikil þörf sé á
endurmenntun
sjúkraflutn-
ingamanna því grunnmenntun
þeirra sé þrjár vikur og það sé of
lítið. Hún segir einnig að nauð-
synlegt sé að þjálfa sjúkraflutn-
ingamenn í dreifðari byggðum
landsins og halda þekkingu
þeirra við, því tilfelli sjúkraflutn-
inga þar séu oft fátíð. - mmf / sjá Allt
Færri á námskeið eftir hrun:
Færri fara í
endurmenntun
HILDIGUNNUR
SVAVARSDÓTTIR
LÖGREGLUMÁL Karlmaður hefur
verið úrskurðaður í gæsluvarðhald
í viku vegna rannsóknar lögreglu
á nauðgun. Hann skal sæta gæslu
fram á föstudaginn næstkomandi
vegna rannsóknarhagsmuna.
Kona á fimmtugsaldri kærði
manninn, sem er á fertugsaldri,
fyrir nauðgun í fyrradag. Fólk-
ið þekkist og hefur búið saman
af og til samkvæmt upplýsing-
um Fréttablaðsins. Konan fór á
neyðarmóttöku fyrir þolendur
kynferðisofbeldis. Grunur leikur
á að um hótanir og misþyrming-
ar hafi verið að ræða. Lögreglan
á höfuðborgar svæðinu fer með
rannsókn málsins. - jss
Nauðgun kærð til lögreglu:
Karlmaður í
gæslu vegna
nauðgunar
Lyf:
■ 418 töflur af mogadon
■ 19 töflur af rítalíni
■ 10 töflur af starklox
■ 29 belgir af NVR
■ 192 töflur af sobril
■ 18 töflur af rivotril
■ 19 töflur af levitra
■ 12 töflur af cialis
■ 267 amfetamíntöflur
■ 66 töflur af cencerta
■ 1 tafla af imovane
Tóbak:
■ 222 dósir af neftóbaki
■ 1.729 dósir af munntóbaki
Fíkniefni:
■ 20,74 grömm af kókaíni
Peningar:
■ 10.182.000 íslenskar
krónur
■ 2.310 evrur
■ 400 danskar krónur
■ 764 bandarískir dollarar
■ 250 bresk pund
■ 30 kanadískir dollarar
Þetta fannst við húsleitirnar
DÓMSMÁL Lögreglan á höfuðborgar-
svæðinu hefur gefið út ákæru á á
hendur Júlíusi Þorbergssyni, betur
þekktum sem Júlla í Draumnum,
fyrir ólöglega lyfja- og tóbakssölu
og peningaþvætti. Júlíus segist
ætla að lýsa sig saklausan af öllum
ákæruatriðum og opna söluturninn
Drauminn aftur með haustinu.
Júlíus var handtekinn og Draum-
urinn á Rauðarárstíg innsiglaður
í júní í fyrra vegna gruns um að
þar væru seld lyfseðilsskyld lyf og
fíkniefni. Leitað var víðar í borginni
og hald lagt á lyf og fjármuni. Júlíus
sat í gæsluvarðhaldi í tæpa viku og
Draumurinn hefur verið lokaður
síðan, á grundvelli úrskurðar frá
dómsmálaráðuneytinu.
Ákæra var síðan gefin út réttu
ári eftir að málið upp, hinn 14. júní
síðastliðinn. Í henni er Júlíusi gefið
að sök að hafa selt tveimur konum
lyfseðilsskyld lyf án heimildar og
átt í fórum sínum samtals 1.051
skammt af slíkum lyfjum, ætluð-
um til sölu. Þá fannst á heimili hans
tæpt 21 gramm af kókaíni sem hann
er talinn hafa ætlað að selja.
Jafnframt er hann ákærður fyrir
brot á tóbaksvarnarlögum fyrir að
hafa átt og ætlað að selja tæpar tvö
þúsund dósir af munn- og neftóbaki.
Enn fremur er hann ákærður
fyrir peningaþvætti, en í fórum
hans fundust jafnvirði samtals tæp-
lega ellefu milljónir íslenskra króna
sem lögreglan telur að sé ávinning-
ur hinnar ólöglegu starfsemi. Gerð
er krafa um upptöku alls fjárins.
Geir Jón Þórisson yfirlögreglu-
þjónn sagði í samtali við Fréttablað-
ið í fyrra að lokun Draumsins væri
ótímabundin og hann yrði ekki opn-
aður aftur nema úrskurði ráðuneyt-
isins yrði hnekkt fyrir dómstólum.
Ákærður Júlli hyggst
opna Drauminn á ný
Eigandi Draumsins við Rauðarárstíg hefur verið ákærður fyrir að selja lyf í
söluturninum og peningaþvætti. Lögregla hefur hins vegar ákveðið að aflétta
lokun verslunarinnar og eigandinn býst við að opna að nýju með haustinu.
Í SUMARFRÍI Í FYRSTA SINN Júlli hefur rekið Drauminn í 23 ár og hefur áður
fengið yfirvöld í heimsókn. Þessi mynd er tekin á góðri stundu árið 2004.
FRÉTTABLAÐIÐ/GVA
Nú er hins vegar komið annað
hljóð í strokkinn. „Við þorum ekki
að túlka þetta ákvæði í lögreglulög-
um, um heimild til að stöðva starf-
semi, öðruvísi en að það sé bara
tímabundið,“ segir Sigurður Freyr
Sigurðsson, fulltrúinn sem sækir
málið fyrir hönd lögreglu. „Hann
fær að minnsta kosti að njóta vaf-
ans.“ Menn séu að feta sig áfram
með heimildina og ákveðið hafi
verið að miða við að lokuninni yrði
aflétt við útgáfu ákæru.
Júlíus kveðst lítið vilja tjá sig um
málið á þessu stigi. Hann muni þó
lýsa sig saklausan og ætli tvímæla-
laust að opna Drauminn að nýju ein-
hvern tíma með haustinu. „Þetta er
í fyrsta skipti á ævinni sem ég tek
mér sumarfrí og það hefur verið
mjög spennandi,“ segir Júlíus um
liðið sumar. „Það eru margir sem
sakna þess að geta litið við hjá mér
og síminn hefur hringt látlaust
síðan í fyrra,“ bætir hann við.
stigur@frettabladid.is
Sigurður, fórstu í háttinn eftir
átta?
„Ég kláraði nú leikinn, en fór
snemma í háttinn.“
Sigurður Enoksson, formaður Arsenal-
klúbbsins á Íslandi, þurfti að horfa upp
á sína menn niðurlægða á Old Trafford,
heimavelli Manchester United, á sunnu-
dag. Leikurinn fór 8-2 fyrir United.
HEILBRIGÐISMÁL „Þetta er mjög
spennandi svið sem við erum
komin á,“ segir Þuríður Back-
man, formaður heilbrigðis-
nefndar Alþingis.
Heilbrigðisnefnd kom saman í
gær til að ræða staðgöngumæðr-
un. Hún segir að verið sé að ræða
hvernig standa ætti að mögulegu
frumvarpi um staðgöngumæðr-
un ef ákveðið yrði að semja slíkt
frumvarp.
„Það eru svo fjölmargir þættir
sem þarf að huga að. Það eru rétt-
indi barnsins og réttindi foreldr-
anna og svo auðvitað fjölmörg
siðferðileg álitaefni,“ segir Þur-
íður. Hún segir að í ljósi þess að
tæknin sé komin það langt að
mögulegt sé að framkvæma stað-
göngumæðrun sé nauðsynlegt að
ræða hvort rétt sé að leyfa hana.
Fólk sé þegar farið að nýta sér
þessa tækni og fari til útlanda,
Indlands eða annað, í þeim
erindagjörðum. Vegna þessarar
þróunar sé nauðsynlegt að kanna
hvort staðgöngumæðrun komi til
greina hér á landi.
„Við verðum að vita hvað við
viljum í gera í þessu sambandi,“
segir Þuríður. - jhh
Heilbrigðisnefnd Alþingis fundaði um staðgöngumæðrun:
Ræddu um mögulegt frumvarp
BANDARÍKIN Bandarísk móðir
hellti sterkri kryddsósu upp í sjö
ára kjörson sinn og þvingaði hann
til að standa undir ískaldri sturtu
til þess að kom-
ast í sjónvarps-
þáttinn Dr.
Phil. Hún hefur
nú verið dæmd
fyrir misþyrm-
ingu og á yfir
höfði sér eins
árs fangelsi.
Málið hefur
vakið mikla
athygli í Rúss-
landi þar sem konan hafði ætt-
leitt drenginn þaðan.
Fyrr á þessu ári greindi
umboðsmaður barna í Rússlandi
frá því að 17 rússnesk börn hefðu
á undanförnum fimmtán árum
látist eftir misþyrmingar banda-
rískra foreldra. Ættleiðingum til
Bandaríkjanna var hætt í fyrra
eftir að bandarísk kona sendi
kjörson sinn til Moskvu. Hann er
nú á munaðarleysingjahæli. - ibs
Mamman vildi í þátt dr. Phils:
Ákærð fyrir
misþyrmingu
LÖGREGLUMÁL Lyfjagreining hefur
leitt í ljós að meðal dánarorsaka
ungrar konu, sem fannst látin í
íbúð í Reykjavík í apríl, var alvar-
leg eitrun af völdum fíkniefnisins
PMMA. Grunur beindist strax að
efninu þegar stúlkan fannst. Það er
mjög eitrað og hafði fyrst fundist á
Íslandi fyrr í mánuðinum.
Andlát hennar hefur nú verið
rakið til neyslu áfengis, kannabis-
efna og amfetamíns, auk alvarlegr-
ar PMMA-eitrunar. Lyfið virðist
ekki hafa hlotið frekari útbreiðslu
síðan. - sh
Dánarorsök stúlku staðfest:
Lést af völdum
PMMA-neyslu
DR. PHIL
ÞURÍÐUR BACKMAN Formaður heil-
brigðisnefndar segir fjölmörg siðferðileg
tengjast umræðunni um staðgöngu-
mæðrun.
SPURNING DAGSINS
valið þér ilmandi kaffidrykkr getÞú u
an lítra af Egils Kri taf s l), ða h(e ál
rúnnst kki sem er smurt fyrir ð ybakný a
smjöri, osti og skinku og til að ð g meþi
máltíðina velurðu þér eina af rónakó
kar ok mótstæðilegu „cupcakes“ó .
30 viðskiptavini þarf til að virkja tilboðið
HÓPKAUP.IS Í DAG
í krafti fjöldans
hópkaup.is
490 kr. GILDIR 24 TÍMA
1.075 kr.
Verð
54%
Afsláttur
585 kr.
Afsláttur í kr.
PI
PA
R\
TB
W
A
R\
PI
PA
R
TB
W
A
•
SÍ
A
SÍ
A
KAF IDRYK UR SMURT RÚNNSTYKK OG „CUPCAKE“