Fréttablaðið - 30.08.2011, Blaðsíða 46

30. ágúst 2011 ÞRIÐJUDAGUR34
MORGUNMATURINN
„Ég fæ mér safa sem ég pressa
sjálf, ristað gulrótarbrauð sem
er hollt og gott og svo auðvitað
kaffi. Fer ekki í gang nema fái
mér kaffi.“
Alda Björg Guðjónsdóttir stílisti.
„Þetta hefur verið til skoðunar
í dágóðan tíma, það stóð til að
myndin yrði gerð hér í sumar,“
segir Leifur B. Dagfinnsson, einn
aðaleigenda framleiðslufyrirtæk-
isins True North. Talsverðar líkur
eru á því að kvikmyndin Oblivion
með Tom Cruise í aðalhlutverki
verði að stórum hluta tekin upp
hér á landi á næsta ári.
Leikstjórinn Joseph Kosinski,
sem síðast gerði Tron: Legacy
með Jeff Bridges, hefur sýnt land-
inu áhuga. Samkvæmt heimildum
Fréttablaðsins voru leikstjórinn
og framleiðandinn staddir hér í
sumar til að skoða hentuga töku-
staði í fylgd starfsmanna True
North.
Oblivion segir frá hermanni sem
sendur er til fjarlægrar plánetu
til að eyða óvinveittum geimver-
um. Óvæntur ferðalangur setur
hins vegar strik í reikninginn.
Samkvæmt kvikmyndavefmiðl-
um vestanhafs stendur nú yfir
leit að leikkonu fyrir myndina og
eru þær Olivia Wilde, Olga Kury-
lenko og Noomi Rapace sagðar lík-
legastar til að hreppa hnossið, en
Rapace var auðvitað stödd hér á
landi fyrir skemmstu til að leika í
kvikmyndinni Prometheus.
En það eru nokkrar varnaglar.
Upphaflega stóð til að Disney-ris-
inn framleiddi myndina en hann
hætti við og tók Universal-kvik-
myndaverið þá við keflinu. „Það
er auðvitað ekkert fast í hendi
og þetta veltur á nokkrum þátt-
um, eins og að ný endurgreiðslu-
lög verði samþykkt og að myndin
verði gerð. Hlutirnir eru fljótir að
breytast í þessum bransa,“ segir
Leifur.
Þetta yrði þriðja stóra verk-
efnið sem yrði tekið upp hér á
landi á skömmum tíma og ljóst að
þessi verkefni skila þjóðarbúinu
hundruðum milljóna. Ridley Scott
reið á vaðið með stórmyndinni
Prometheus og svo er tökulið sjón-
LEIFUR B. DAGFINNSSON: ÞETTA HEFUR STAÐIÐ LENGI TIL
Tom Cruise vill taka upp
geimverumynd á Íslandi
STÓRSKOTALIÐ
Tom Cruise leikur aðalhlutverkið í Oblivion
sem Joseph Kosinski leikstýrir. Universal
stjórnar framleiðslu myndarinnar en góðar
líkur eru taldar á því að stór hluti hennar
verði tekinn upp hér á landi.
„Þetta var ótrúlega mikill heiður
og frábært að fá að gera þetta
fyrir framan húsfylli og finna
fyrir þessum hlýleika sem sal-
urinn gaf mér,“ segir Geir
Ólafsson.
Sinatra -söngvarinn kom
mörgum á óvart er hann steig
sín fyrstu skref sem tenór
og söng lagið Hamraborgin í
Eldborgarsal Hörpunnar á laug-
ardagskvöld. „Hamraborgin er
mjög erfitt lag. Þú verður að
hafa allan líkamann í tóninum
á ákveðnum stöðum í laginu. Þú
þarft að syngja út og vera með
breiðan tón.“
Geir hefur verið í einkatímum
hjá Kristjáni Jóhannssyni og er
ánægður með samstarfið. „Hann
hefur opnað fyrir mér nýjar dyr
hvað varðar þetta hljóðfæri. En
þetta er mikil vinna og maður
þarf að sinna þessu áfram.“
Hann segist ekki hafa verið
stressaður að stíga á svið í Hörp-
unni. „En til að syngja klassískt
efni þarftu að vera vera mjög vak-
andi. Þér leyfist ekkert að fara út
fyrir rammann,“ segir Geir.
Spurður hvort hann ætli að
gefa dægurlögin upp á bátinn
fyrir óperutónlistina vill hann
ekki vera með neinar yfirlýsing-
ar. „Ég ætla að fara inn á þetta
svið, það er á hreinu,“ segir hann
og stefnir á að halda nokkra
klassíska tónleika í vetur.
Geir ætlaði að gefa út óperu-
plötu með Kristjáni fyrir síðustu
jól en ekkert varð af því. „Hún
er í undirbúningi. Það er kannski
kominn betri tími á að skoða það
í dag.“ - fb
Ekkert stressaður í Eldborginni
GOTT SAMSTARF Geir segir að Kristján
Jóhannsson hafi opnað fyrir sér nýjar
dyr. FRÉTTABLAÐIÐ/ANTON
Baltasar Kormákur upplýsti í viðtali við Frétta-
blaðið um helgina að hann teldi töluverðar
líkur á því að Oblivion, nýjasta kvikmynd Tom
Cruise, yrði tekin upp hér á landi. Baltasar ætti
að hafa ágætis vitneskju um það enda einn
af þremur stærstu eigendum True North. Þar
að auki framleiðir Universal-kvikmyndaverið
Contraband, Hollywood-kvikmynd leikstjór-
ans. Þriðja tengingin er loks að handritshöf-
undurinn Karl Gadjusek var nýlega fenginn til
að skrifa handritið að víkingamynd Baltasars.
Sá skrifar einnig handritið að Oblivion.
BALTI MEÐ PUTTANN Á PÚLSINUM
varpsþáttanna Game of Thrones
væntanlegt hingað til lands í vetur.
Þá má ekki gleyma þeirri miklu
athygli sem sjónvarpsþátturinn
Man vs. Wild fékk, en þar reyndi
Jake Gyllenhaal að lifa af í
nágrenni Eyjafjallajökuls.
freyrgigja@frettabladid.is
NORDICPHOTOS/GETTY
„Ég athugaði með einkaleyfið hjá
Einkaleyfisstofu og það á enginn
einkaleyfið á þessu nafni. Ég var
búin að ganga úr skugga um það,“
segir sjónvarpskonan Ragnhildur
Steinunn Jónsdóttir.
Fréttablaðið greindi frá því á
laugardag að Margit Sandemo,
höfundur bókanna um Ísfólkið,
væri ósátt við nafnið á nýjum sjón-
varpsþætti Ragnhildar, Ísfólkið
með Ragnhildi Steinunni. Sigrún
Halldórsdóttir, útgefandi bókar-
innar, sagði að nafnið væri höfund-
arverk Sandemo og RÚV hefði því
ekkert leyfi til að nýta sér þetta
heiti. Hefur hún óskað eftir því að
þátturinn fái annað nafn.
Ingibjörg Jónsdóttir þýddi upp-
runalegu bækurnar fyrir Prent-
húsið á sínum tíma en þær hafa
verið endurútgefnar í þýðingu
Snjólaugar Bragadóttur. Ari Matth-
íasson, framkvæmdastjóri Þjóð-
leikhússins og sonur Ingibjargar,
kvaðst í samtali við Fréttablað-
ið hafa miklar efasemdir um að
Sandemo gæti gert tilkall til titils-
ins Ísfólkið. Það hefði verið móðir
hans sem hefði gefið þessum bóka-
flokki nafn á íslensku.
Engin ákvörðun hefur verið
tekin um að þáttur Ragnhildar
fái nýtt nafn. Þegar Fréttablaðið
náði tali af henni var hún stödd í
ísbúðinni Ísfólkið í Spönginni. „Það
er auðvitað innihald þáttanna
sem skiptir máli og ef við þurf-
um að breyta nafninu út frá lög-
fræðilegum eða siðfræðilegum
sjónarmiðum gerum við það að
sjálfsögðu. Mér finnst það samt
svolítið skrýtið að Íslending-
ar megi ekki nota orð með
forskeytinu ís.“ - fgg
Það á enginn einkaleyfi á nafninu Ísfólkið
Í HNÚT Deilan um Ísfólkið er
í hnút. Ragnhildur Steinunn
segist hafa gengið úr skugga
um að enginn eigi einkaleyfið
á Ísfólksnafninu og Ari Matt-
híasson segir að móðir sín,
Ingibjörg Jónsdóttir, hafi gefið
þessum bókaflokki fyrst nafn.
TVEGGJA TÍMA
HLÁTURSKAST...
MEÐ HLÉI
Miðasala | 568 8000 | borgarleikhus.is
„Mjög vel heppnaður farsi, hraður
og ótrúlega fyndinn“ – IÞ, Mbl
GRÍMAN 2011:
Áhorfenda-
sýning ársins
Sala áskrift
arkorta
í fullum gangi
– vertu með í vet
ur
SÝNINGAR H
EFJAST 9. SE
PT.
FEÐGAFLOKKUR Í VATNASKÓGI
FRÉTTIR VIÐSKIPTI ÍÞRÓTTIR LÍFIÐ UMRÆÐAN
MEIRA AF LANDSBYGGÐINNI
Meira sjónvarp, meira útvarp, meiri fréttir, meiri upplýsingar, meiri umræða,
meira líf, meiri íþróttir, meiri virkni, meira úrval. Þú færð meira af öllu á Vísi.