Faxi - 01.12.2004, Síða 2

I jólaösinni á Hafnargötunni
Hafnargatan er öll að lifna við eftir þær miklu lýtaaðgerðir sem gerðar voru á henni, enda var hún í dauðateygjunum fyrir réttum tveimur árum. Ástæðan
er þó sjálfsagt ekki útlitið eitt og sér, miklu frekar að þegar fólk tekur eftir því að það er verið að gera „eitthvað", að þá vekur það upp vonir um betri tíð
með blóm í haga eins og skáldið orti, enda er óðum að fyllast í þau búðarþil sem áður stóðu tóm. En hér á síðunni gefur að líta nokkrar svipmyndir úr jólaösin-
ni á þessari margumræddu aðalverslunargötu bæjarins og þrátt fyrir að frostið biti laust í vanga, brostu menn framan í ljósmyndara Faxa. Gleðileg jól.
Bókakon fektiB
Það er orðinn árviss viðburður að mæta á Bókakonfekt sem
Bókasafnið í Reykjanesbæ, Bókabúð Keflavíkur-Penninn og
Menningarfulltrúi Reykjanesbæjar standa fyrir og og er það oftast
haldið hinn fyrsta laugardag í jólaföstu. Upphaflega fór þessi
viðburður fram í afgreiðslusal bókasafnsins en nú hefur hann undið
svo upp á sig að ekki dugir minni salur en sýningarsalur Duushúsa. Þar
er enda mjög viðeigandi umgerð um athöfn sem þessa. Á Bókakonfekti
lesa nokkrir rithöfundar úr nýútkomnum verkum sínum, tónlistarfólk
treður upp og þess utan er fólki boðið upp á kaffi og konfekt. Allt fór
þetta fram undir öruggri stjórn Valgerðar. Að þessu sinni lásu eftir-
farandi höfundar úr verkum sínum: Sigmundur Ernir, Þráinn
Bertelsson, Gerður Kristný og Jóhanna Kristjánsdóttir. Tónlist fluttu
systkinin Ragnheiður og Haukur Gröndal. Þorsteinn Marteinsson bók-
sali var og á staðnum og gátu viðstaddir keypt bækur höfundanna á
tilboðsverði og aukinheldur fengið áritun þeirra. Þarf ekki að fjölyrða
að allt fór hiö besta fram, upplestur höfundanna mjög áhugaverður og
fengu menn þar góðan forsmekk af bókunum og löngun til að lesa
meira. Tónlistarflutningurinn var engu síðri því þarna eru á ferðinni
efnilegir tónlistamenn. Sérstaklega var gaman að heyra Ragnheiði fly-
tja sönglög við Ijóð Ingibjargar Þorbergsdóttur sem einnig var á
staðnum (77 ára). Hulda Þorkelsdóttir rifjaði það upp að það þótti gott
áður ef 30 manns kæmu í bókasafnið á Bókarkonfekt en nú hefðu verið
hátt í 200 manns. HH
Laugardaginn 6. desember s.l. var fóndurdagur í grunnskólum Reykjanesbœjar og voru
það foreldrafélög skólanna sem stóðu að þeirri skemmtilegu uppákomu. Þátttaka var mjög
góð og vargaman að sjá bömin setja saman hina margbreytilegustu hluti og ofiaren ekki
með hjdlp foreldra sinna. Meðjylgjandi myndir frá Myllubakkaskóla lýsa vel þeirri stem-
mingu sem var á fóndurdeginum. Ljósm. SuðumesjatíðindiJJón Oddur. Texti HIL
FAXI
Útgefandi: MálfundafVdagið Faxi, Kuflavík.
Afgreiðsla: Vallargata 17, sími 868 5459.
Ritstjóri: Guðni Björn Kjærbo.
Netfang ritstjóra: gbk52@visir.is
Blaðstjóm: Magnús Haraldsson, formaður
Kristján A. Jónsson, Hjálmar Stefánsson
Helgi Hólm, Geimundur Kristinsson
Uinbrot og prentun: Stapaprent ehf.
Grófin 13c - 230 Kefiavík
Sími 421 4388 - Fax 421 4388
Netfang: stapaprent@gi.is
Forsíðumynd: Arnar Fells Gunnarsson
2 FAXI