Frjáls verslun - 01.08.2004, Side 157

SETIÐ FYRIR SVORUM
ÓSKAR MAGNÚSSON
FORSTJÓRI OG VODAFOIME
Hvað hefur komið þér mest á óvart í viðskiptalífinu á
árinu? A síðustu misserum hefur manni lærst að láta
sér fátt koma á óvart í íslensku viðskiptalífi.
Hver verða brýnustu verkefni forstjóra í vetur? Á
þessari stundu er allt útlit fyrir það að þau verði að tryggja
vöxt og viðgang Og Vodafone. Hvort það verður á sömu for-
sendum og áður verður að koma í ljós.
Mun afkoma fyrirtækis þíns verða betri í ár en í fyrra?
A tæpum þremur árum hefur okkur tekist að auka veltu
félagsins um 60% og snúa tæplega 1.600 milljóna króna tapi
þeirra þriggja félaga sem nú mynda Og Vodafone í um 200
m.kr. hagnað fyrstu sex mánuði ársins. Á sama tima hefur
gengi bréfa félagsins hækkað úr um 1,3 í 4,2. Þetta reiknast
mér til að sé um 220% hækkun. Afkoman í ár mun því verða
betri en á síðasta ári. Það er ekkert nú sem bendir til annars
en að okkur takist að búa í haginn þannig að í náinni framtíð
verði hægt að borga hluthöfum félagsins til baka eitthvað af
þeim fimm milljörðum kr. sem kostað hefur að tryggja sam-
keppni á íslenskum ijarskiptamarkaði.
Hvað hefur einkennt rekstur fyrirtækis þíns á þessu
ári og mun það ná settum markmiðum? Samein-
ing þriggja íjarskiptafélaga undir merkjum Og Vodafone
einkenndi reksturinn á síðasta ári og nokkuð fram á þetta
ár. Meginmarkmiðið hefur þó verið að tryggja vöxt félags-
ins með áherslu á aukna veltu af innri starfsemi en einnig
höfum við, eins og aðstæður leyfa, einblínt á ytri vöxt, t.d.
með kaupum á Margmiðlun. Uppgjör fyrstu sex mánaða
sýna að reksturinn er samkvæmt áætlun og þrátt fyrir harða
samkeppni þá er allt útlit fyrir að okkur takist að ná settum
markmiðum.
Telur þú að aðstæður í efnahagslífinu batni eða ver-
sni á árinu 2005? Það eru blikur á lofti í íslensku
efnahagslífi. Stórframkvæmdir, breytt landslag á lánamark-
aði og fleira hafa skilað auknu peningamagni í umferð.
Þetta hefurvaldið hærri verðbólgu. Stjórnvöld ráða yfir
hagstjórnartækjum til að bregðast við aðstæðum sem
þessum. I þeirri von að íjárlög verði afgreidd með afgangi,
dregið verði úr opinberum framkvæmdum og tekjur af
einkavæðingu verði notaðar á skynsamlegan hátt þá er ekki
úr vegi að ætla að það sem blasir við sé einungis skot og því
horfur bjartar til lengri tíma.H!]
157