Morgunn - 01.06.1968, Qupperneq 11

MORGUNN
5
legri líkama: dýrðarlíkama. En með því er átt við Ijóslíkama
líkan þeim, sem hinn upprisni Drottinn hefur öðlazt.
Þessi skoðun var miklu skynsamlegri en upprisu-kenning
Gyðinga, enda byggðist hún efalaust á dulskynjunum Páls
sjálfs, er meistarinn birtist honum margsinnis í björtu ljósi.
Skoðun hans virðist þá hafa verið sú, að allir, sem staðfast-
lega hefðu tekið trú á Drottin, mundu með honum hljóta
arfleifð heilagra í ljósinu. Kristur hefði frelsað þá til síns
undursamlega Ijóss. Allir aðrir væru glötuninni ofurseldir.
Þessar takmörkuðu upprisuhugmyndir urðu síðan undir-
staða þeirrar guðfræði, sem ýmsir trúarflokkar kristninnar
hafa enn í dag, að ekki sé nema örlítill hluti mannkyns útval-
inn og ákvarðaður til upprisunnar. Einungis þeir, sem kynnzt
hafa Kristi og tekið hafa trú á hann (og þá helzt aðeins þeir,
sem trúa nákvæmlega eftir hugmyndum þessara trúar-
flokka) muni hólpnir verða.
Nú er það í sjálfu sér engin fjarstæða að hugsa sér, að
ekki reynist allir hæfir til eilífs lífs. Hugsanlegt væri, að til
þess þyrfti lif einstaklingsins að ná einhverju ákveðnu
þroskamarki, að það hefði möguleika að lifa eftir líkams-
dauðann. Væri þá hægt að láta sér detta í hug, að af milljón-
um einstaklingslífa á jörðu næðu ekki nema fá ein að öðlast
það ágæti að geta tileinkað sér ódauðleikann.
En ef svo væri, þætti mér ósennilegt, að slíkt færi ein-
ungis eftir trúarskoðunum. Miklu fremur mundi það fara
eftir þeirri göfgi, sem mennirnir hefðu náð. Og það vitum
vér, að ýmsir heiðingjar hafa staðið svo kölluðum trúar-
hetjum framar að siðgæði, enda þótt kreddumenn hafi kall-
að dyggðir þeirra skínandi lesti.
Hitt þykir mér þó sennilegra, að allt mannlíf sé undir
sama lögmál selt. Allt líf er með vissum hætti ódauðlegt. En
líklegt er, að lífið eftir dauðann fari mjög eftir því, hvernig
vér höfum breytt í þessum heimi.
Efalaust er, að sá sem lifað hefur góðu og grandvöru lífi
á jörðunni, sá, sem þroskað hefur með sér eðli vitsins og kær-
leikans og allra þeirra eiginda, sem mannlegar geta talizt,