Morgunn - 01.06.1968, Page 80

74
MORGUNN
Allt er þetta gleðilegur vottur þess, að
fólkið vill kynna sér þessi mál og hugsa
um þau. Hinu er þó ekki að neita, að
sjálfstæð hugsun á sennilega erfiðara
uppdráttar í þessu þjóðfélagi nú en
nokkru sinni fyrr. Liggja til þess margar ástæður og miklu
fleiri en hér verður drepið á í stuttu rabbi. Þeir eru orðnir
svo margir og áleitnir upp á síðkastið, sem vilja hugsa fyrir
okkur og hafa svo öflug tæki til að miðla okkur bæði hugs-
unum og skoðunum, að við komumst varla sjálf að til þess
að hugsa málin hver fyrir sig. Og til kunna að vera þeir, sem
finnst það ekki annað en tímaeyðsla og óþarfi, að vera að
burðast við að hugsa og mynda sér skoðanir, úr því menn
geta fengið þetta allt tilbúið og heimsent með blöðum og
útvarpi.
Blöðin framreiða handa okkur þær skoðanir, sem flokk-
arnir, sem að þeim standa, telja hollast að nærast á, að
minnsta kosti fyrir þá, sem náð hafa kosningaaldri. Þennan
mat hafa blöðin á boðstólum bæði hráan og snöggsoðinn,
steiktan, kryddaðan, og eru jafnvel fús til að tyggja hann í
mann hvað eftir annað.
Það, sem helzt setur mann í vanda er það, að blöðin kepp-
ast einnig um að brýna það fyrir mönnum, að allt, sem hin
blöðin beri á borð, sé bæði óhollt og jafnvel stórskaðlegt fyr-
ir meltinguna. Þess vegna eru menn í vanda, hvað eigi að
gleypa og hverju að hrækja út úr sér. Sumir verða fyrir
vikið svo varfærnir, að þeir þora ekki að kyngja neinu niður
af þeirri sundurleitu pólitísku fæðu, sem blöðin færa þeim.
Lái ég það raunar engum.
Otvarp og sjónvarp hafa einnig sitt hvað á boðstólum og
færa mönnum það beint upp í opið geðið allan liðlangan dag-
inn og fylla bæði eyru og augu. Og ætla ekki að fara að lasta
útvarpið, sem slíkt. Það er undursamlegt tæki, og dásamlegt,
að geta heyrt og séð samtímis um allt landið, það sem þar er
fram borið. En vel mætti og ætti að vanda þar betur til en
gjört er. Einmitt vegna þess, hve útvarpið getur verið stór-
Fólkið vill hugsa
um þessi mál og
kynna sér þau,
sem betur fer.