Morgunn - 01.06.1994, Blaðsíða 31

MORGUNN
menn sem lagfærðu hann [skólann]. Þó svo stæði á fyrir mér að ég
gæti komið drengjunum mínum í skóla hræðist ég að hugsa til að
láta þá þangað þess vegna, en það kemur nú líklega aldrei til þess.
Við höfum ekki efni á því og svo veit ég ekki heldur hvort þeir
hafa gáfur til þess. Það er helst sá yngsti. Hann heitir Haraldur.
Hann er nú á níunda ári og við höfum haldið mann núna í 2
mánuði til að kenna yngstu bömunum og hefur honum gengið
einna best að læra skrift og reikning.“6
I bréfum sínum til Jóns sem skrifuð voru eftir að Haraldur
settist í Lærðaskólann segir hún frá Haraldi og því að hann sé iðinn
og reglusamur og gangi vel í skólanum. Hann fékk þar einkum
áhuga á stærðfræði og eðlisfræði enda geðjaðist honum einkar vel
að þeim kennara sem sá um kennslu í þessum greinum.7
Eftir nám í Lærðaskólanum í Reykjavík sigldi hann til Kaup-
mannahafnar eins og þá var algengt meðal íslenskra stúdenta og
hóf hann nám í guðfræði. Ekki er að efa að móðurbróðir hans
Hallgrímur Sveinsson biskup hefur eflt með honum áhuga á
guðfræði og prestsstarfinu. Þegar Haraldur stundaði nám í
Reykjavík átti hann athvarf á heimili Hallgríms biskups.
Hallgrímur gekk Haraldi á margan hátt í föðurs stað eftir að
Niels faðir hans lést 1885 og víst er um það að Haraldur mat
þennan frænda sinn mikils og vildi allt til vinna að gera honum til
hæfís.
Augljóst er að Hallgrímur biskup hafði einnig dálæti á þessum
frænda sínum og gerði það ekki endasleppt við hann eftir að
stúdentsprófi var náð, heldur studdi hann með nokkm fjárframlagi
til námsins í Kaupmannahöfn. Hann hafði einnig hönd í bagga
með því að Haraldur var ráðinn af Biblíufélaginu til þess að gera
nýja þýðingu að Gamla testamentinu. Synir Hallgríms, einkum
Friðrik síðar dómkirkjuprestur, voru Haraldi sem bræður og
trúnaðarvinir.
A námsárum sínum í Kaumannahöfn tók Haraldur þátt í
félagsskap íslenskra stúdenta, en hann lagði sig einnig eftir
þátttöku í kristilegu starfi og kirkjulífi, sótti vel guðsþjónustur og
29