Morgunn - 01.06.1994, Blaðsíða 41

MORGUNN
stuðning í góð brauð. Það varð hins vegar að ráði að hann tæki að
sér vinnu við þýðingu Gamla testamentisins sem stóð fyrir dymm
og var kostuð af Breska biblíufélaginu í London. Við þýðingar-
störfín vann hann meira og minna í tíu ár.
í tengslum við þýðingarstarfið fór hann í námsferðir til
Kaupmannahafnar, Halle í Þýskalandi og Cambridge á Englandi
veturinn 1899-1900. Það voru einkum kynnin af Englendingum
sem höfðu mótandi áhrif á Harald og ekki er ofsögum sagt af því
að hann hreifst af mörgu í trúar- og kirkjulífi þeirra. Skynsemis-
trúin sem einkenndi sögulegar rannsóknir þýsku guðfræðinganna
var ekki eins ríkjandi meðal enskra guðfræðinga. Þótt Haraldur
tæki tillit til margs af því sem Þjóðverjamir lögðu til biblíurann-
sóknanna þá er eins og honum hafi þótt þeir ganga of langt í
gagnrýni sinni á helga dóma trúarinnar. Sá fjölbreytileiki í
guðfræðilegum efnum sem hann varð var við meðal enskra presta
virðist hafa höfðað meira til hans og ekki er ólíklegt að starf fijálsra
safnaða utan ensku ríkiskirkjunnar hafi höfðað til hans. I þessu
sambandi má benda á að R.J. Campell sem íslenskir nýguð-
fræðingar aðhylltust hvað mest í upphafi aldarinnar var um tíma
prestur safnaðarkirkjunnar, eða kongregationalista í London.
Aldarfjórðungi áður hafði séra Matthías Jochumsson hrifíst af
ýmsu í trúar- og kirkjulífi Englendinga en viðleitni hans til að vekja
landa sína til nýbreyttni í kirkjumálum báru engan árangur. En nú
var öldin önnur og ísland opið fyrir erlendum áhrifum eftir öðmm
leiðum en frá Kaupmannahöfn.
Kynni Haralds af menningu og trúailífi á England efldust
einnig vegna fjölskyldutengsla hans við Eirík Magnússon
ffæðimann og bókavörð í Cambridge. Móðir Bergljótar konu
Haralds var systir konu Eiríks. Eríkur var oft milligöngumaður og
talsmaður Haralds gagnvart Breska biblíufélaginu. Þeir urðu miklir
mátar þótt aldursmunur væri nokkur og Haraldur var í mjög miklu
áliti hjá Eiríki. Haraldur gisti oft á heimili þeirra hjóna og þeir
Eiríkur skrifuðust á um margvísleg málefni. Böndin styrktust enn
frekar vegna dvalar Bergljótar eiginkonu Haralds á heimili Eiríks
39